Zar hnuz kêix hnuz 11/3, ntơưv jiês cơưv tiv 16, Hội đôngx tỉnh Sơn La khoá 14 tưz bâux xêir zơưv Nguyễn Thành Công, Giám đốc sở kôngz nuv-huôv tsar tox siêz, uô phưv chủ tịch uỷ ban tỉnh Sơn La kháo 14.

        Cux zos ntơưv jiês cơưv no, Hội đôngx tỉnh Sơn La cux bâux xêir Trần Đắc Thắng phưv Giám đốc sở y tế thiêz zơưv Hà Như Huệ phưv Giám đốc sở kôngz nuv tỉnh nhoz thành viên Uỷ ban tỉnh thiêz tsik chiê pos Nguyễn Thị Kim An kuz Giám đốc sở y tế tsik nhoz thành viên uỷ ban tỉnh, viv hlôngr uô đuô hâux lưv./.

                                   (Tsu cxeik nhênhv-Thanh Thuỷ)

Tỉnh Điện Biên nhiv kruôr tos jênhv 1 cxênhz 900 hưx yuôx vắc xin phax moz Covid-19 Astra Genica tâu Bộ y tế muôz, njuôs xav zuôr cxax côngz xuz thơưx lok hnuz 18/3 zuôr txos ntơưv tsêr kho moz Điện Biên Phuv. Zơưv Phạm Giang Nam, Giám đốc Sở y tế, Phưv tsar Ban chox kriê phax tar moz Covid-19 tỉnh Điện Biên puz pâuz: chor yuôx nhiv kruôr jênhv tâu njuôs xav zuôr tsov cưv cxax trâu têx lưx lươngv uô hâux lưv phax tar moz, cxax uô ntêx trâu têx thax tsav tsênhv muôx moz huôv xênhz.

Tsênhz mênhx, cxax trâu têx lênhx nênhs cxôngx 18 shông ndê muk nhoz hâur têx lưx lươngv tơưv txênhz phax tar moz li: nênhs uô hâux lưv hâur tsêr kho moz Điện Biên Phuv, nênhs tưz thiêz tsênhv kho moz trâu nênhs moz Covid-19, nênhs uô hâux lưv hâur têx qơư y tế ntơưv thax tsav muôx moz huôv xênhz; cán bộ njuôs siv moz; cán bộ uô côngz xưv njuôs siv moz Covid-19; cán bộ cxax yuôx phax moz Covid-19; nênhs cxaz chuôz phax tar thiêz têx tuêv phax tar moz Covid-19 côngv thôngx./.

(Vũ Lợi-Txâur Vax cxeik nhênhv)

Uô ntêx muôx yưv caz moz Covid-19 uô phiv liv hâur hur si têz qơưs, taz sik chuôs li tưz tir thêir tâu trơưk li tsưr ziv njuôk xav. Ban sêiz car tir thêir caz moz Covid-19 tỉnh Lai Châu tưz quyết tênhv tso tsês 4 thax tsav qơư tsik sêiz jor, tsik qênhz yuôx caz moz Covid-19 thiêz choz zok cxuô chuôz zênhx tir thêir caz moz gênhk Covid-19 tror trâu uỷ ban huyện thiêz tsênhv qơư y tế huyện khơưk tsês chiê hâur thax tsav qơư uô hâux lưv qênhz yuôx./.

                                    (Tsu cxeik nhênhv-Khắc Kiên)

Sâuv thax tsav huyện Mộc Châu (tỉnh Sơn La) nhiv kruôr muôx yưv jiês chuô lox, lok lơưs lox uô puôk tsuôx ntâu luz tsêr thiêz ruôr hiêv iz cxiê mênhv chêx kôngz lôngk, ntông nox txir ntơưv têx xã: Chiềng Hắc, Mường Sang, Đông Sang, Phiêng Luông, Tân Lập, Thị trấn Mộc Châu thiêz thị trấn nông trường Mộc Châu.

Zơưv Trần Xuân Thành, Tsar phongx kôngz nuv thiêz huôv tsar nôngx cxênhz huyện Mộc Châu puz pâuz, sâu jênhv qir thơưx muôx 1 luz tsêr nhoz tiểu khu 13, thị trấn Mộc Châu trâus zơưk trur; ntâu mênhv chêx kôngz lôngk trâus ruôr hiêv; phênhv ntâu zos ntông nox txir li txir mo môngk, txir khơưz, txir lưv tsiz....Ban chỉ huiz phax tar ntux nas thiêz nriêr chơưv nanv huyện Mộc Châu thiêz têx xã, thị trấn trâus zênhr shar tiv chuô lox, lok lơưs tsênhv tror seiz car, thôngz sâu têx trâus ruôr hiêv. Thôngx cxix, cxơưz tiês yax mông chiê tsôngv box pâuz ntu cxôngx hli 3,4 niêx shông sâuv thax tsav khênhr muôx ntux lok lơưs, chuô lox. Viv li, tsôngv box tsuv seiz njôngr qênhx shênhx ntux nas chiê chuv tôngv phax tar, txu grês têx trâus ruôr hiêv./.

(Thu Thùy-Txâur Vax cxeik nhênhv)