Jiês thik cơưv tiêr ntơưr lớp 12 thôngz têz qơưk shông 2019, tas nro tỉnh Yên Bái muôx 7 cxênhz ntâu lênhx shux xênhz dự thik nhoz 25 qơư thik. Txos nhiv no, Sở Zoz zux thiêz Thox cxov tỉnh Yên Bái thiêz cxuô thax tsav qơư cux tsênhv tror bax uô cxuô luôs hâux lưv lok nhiêx txiêx, têx qơư, chuôz zênhx uz no zuôr trâul txos trâu jiês thik cov jông. Lar heik, đros thiêz 879 lênhx shux xênhz muôx luz nênhx txov nhêv zuôr trâus tâu paz, cxuô ngênhx, têx thax tsav qơư thiêz têx qơư zoz zux hâur tas nro tỉnh tưz muôx cêr sik hux jos, siz paz chiê têx shux xênhz tso siêz tưr thik ntơưr tâu trơưk tsưr ziv, siêz xar. Zơưv Luyện Hữu Chung, Phưv Giám đốc Sở Zoz zux thiêz thox cxov tỉnh Yên Bái heik pâuz:

“Ngênhx tưz nhênhz chơưv trâu tỉnh cov muôx tsênhv chei paz têx shux xênhz muôx luz nênhx txov nhêv li: Paz cxur thiêz thâuv txos tưr thik ntơưr mak muôx têx chei txơưr đuô chiê paz têx nhuôv shux xênhz”./.

 (Thừa Xuân-Riê Lâux cxeik, nhênhv)

Jiês lok nas lox hâur 1,2 hnuz đhâu tưz uô 50 yiv cêr ntơưv cei cêr 13+800 niêv cêr 132 nhoz jos Pho, xã Bản Lang, huyện Phong Thổ, tỉnh Lai Châu trâus poz zov chênhr. Tas nro 8 xã ntus đriv mul đhâu txox cêr no cxôngx tas cik hnuz 11/6 mul lok tsi tâu, pox nhuôs li hâux lưv tsiv uô xênhz yar cux njiz ntâu phêv liv. Têx lưx lươngv muôx txơưx jênhv tsênhv sir jos krêz uô têx tsưr ziv krêz thôngz cêr nzor tiv zix chiê txox cêr no tror mul lok tâu./.

(Thanh Thủy- Txâur Vax cxeik nhênhv)

Ntux cuz sor ntêr hnuz uô ntâu jôngr ntông, xuz tsuôs nhoz Yên Bái kruôr gis guôr, zôngx ziv trâus hluôr tơưk txeil cuz. Chiê por hưv zuôr xar 434 cxênhz ha har jôngr hâur tỉnh, lar heik zos nhoz têx thax tsav faz Tây li: Trạm Tâu, Mù Cang Chải, Văn Chấn tsi trâus hluôr tơưk txeil chis cuz hâur six hơưv ntux cuz sor hênhr, tỉnh Yên Bái tưz heik cxuô thax tsav qơư sir jos uô jông hâux lưv seiz car, tsưx phưv têx jôngr ntông, xav tinhv phax cuz tuô cuz jôngr hâur thax tsav zos hâux lưv zov chênhr thiêz uô tsi so. Zơưv Nguyễn Thái Bình, Chi cục tsar Chi cục yuôx jôngr tỉnh Yên Bái heik pâuz:

“Pêz chox kriê têx Hạt yuôx jôngr sir jos seiz car jông têx thax tsav tâu choz zok; hux jos đros Ủy ban têx xã uô jông lơưr têx cui tinhv lok phax cuz tuô cuz jôngr. Tiv 2 zos sir jos đros cxuô ngênhx muôx vax huôv li: Yuôx jôngr, bôv đôiv, Công an, Cấp ủy hâu nov ntơưv qơư thiêz têx lênhx tsưr jôngr chox kriê, xav tinhv têx thax tsav zôngx ziv muôx hluôr tơưk txeil cuz jôngr chiê muôx tsưr ziv siz paz thâuv hluôr tơưk chis cuz jôngr”./.

(Thừa Xuân-Riê Lâux cxeik, nhênhv)

Đhâu zuôr xar iz luz hlik cxôngx thâuv sâu jênhv moz huôv xênhz txos nhiv no, moz ơưk buô Châu Phi tưz cik đêz đar mul tas nro tỉnh Lào Cai. Tas nro 9 huyện thành phố puôr lênhx sâu jênhv muôx moz huôv xênhz. Ruôr hiêv zuôr xar 600 ziv chuôz zis tu zus, tas nro muôx nhos 5 cxênhz tul buô trâus moz tsuv muôz phâus por tsês, tas nro hnhar 200 ntâu tênhr. Qir tiv uô moz cik đêz đar hâur six hơưv lur li co tâu xav tênhv zos tiv tsôngv box muôv muôs, thâux thiêz sir zôngv zav nox sênhv cxôngx qơư muôx moz huôv xênhz lok, lok sik zuôr krâur ntơưv chuôz zis muôx moz huôv xênhz lok sir zôngv; đrâuv co, hâux lưv iz cxiê chuôz zis tu zus tsi uô têx tsưr ziv taz por sinh học cux zos qir tiv uô moz cik sei hâur six hơưv đhâu./.

(An Kiên-Txâur Vax cxeik nhênhv)