Têis cik 11/6, Đảng bộ BĐBP tỉnh Lào Cai tsưr tsix Đại hôiv têiv plor six cxiv 2020-2025. No zos Đại hôiv uô siv nhoz thax tsav faz Bắc. Uô Nghị quyết Đại hôiv têiv plor Đảng bộ BĐBP Lào Cai six cxiv đhâu, têx hâux lưv, tsưr ziv tưz tâu uô tiêr jông, iz cxiê kror tsênhv tâu uô jông đuô li tsưr ziv tso tơưv. BĐBP Lào Cai li ntâu tsưr ziv uô jông lok sik côngv “thôngx ziv Việt Nam-Trung Quốc” nhoz Bôv đôiv pênhz phax Lào Cai thiêz Trung Quốc. Tưz paz uô jông đuô coangz siv sik côngv siêz, thôngx ziv nhoz 2 saz ntus đriv, phưx vưv jông trâu côngz xưv muk lok đhâu ntus đriv, sêiz car, por vêv ntus đriv…/.

(VOV-Lik Thox cxêik nhênhv)

Reik đros hâux lưv hiêz tơưz chax chês tưz tâu 40 shông ntâu, nhiv no zơưv Vưx Xênhv Muôk mênhx cxưx Hmôngz nhoz jos Loọng Luông, xã Mường Phăng, TP Điện Biên Phủ tỉnh Điện Biên tsênhv lok six moz siêz uô hâux lưv no, tiv zix zos hiêz cơưv, tsôngv box Hmôngz li iz chuôz zênhx muôx đros đreiv hâur luz nênhx. Zơưv Vưx Xênhv Muôk tuôr truôx hâux lưv uô chax chês no tsi taz chiê muôx phênhv sâu trâu chuôz zis mak tsênhv chiê kriê trâu cxênhx tuz nhuôs, paz tsôngv box tuôr tsês zuk mênhx cxưx li hâux lưv uô chax chês cxôngx nzor. Lơưr zơưv Vưx, grê muôs iz luz cơưv cux cxôngx 350 cxênhz txos 400 cxênhz đeiv, viv hiêz tâu luz cơưv tsi zôngx ziv, tsênhv pôngz ntâu six hơưv thiêz nênhs uô tsuv lok six txơưx thiêx uô tâu iz luz./.

(Báo ND- Txâur Vax cxeik nhênhv)

Têx shông đhâu, lưx lươngv Công an Sơn La tưz kriz uô jông phongz yaox sik tưr ‘Viv ngaz tuk têz qơưk” đros uô têx phongz yaox sik tưr, cxiv vênhv tôngv zos Bôv Công an thiêz tỉnh Sơn La kriz uô, đhâu co tưz uô tâu ntâu kror jông, paz tuôr truôx ngaz tuk chính trị, ngaz tuk xar hôiv ntơưv tiv phaz. Xưk li kaz hli 6 shông 2018, Công an tỉnh Sơn la sêiz shuôk sik côngv đros têx taz viv nhoz Bôv Công an tsav txênhz tâu yênhx côngz oz chuyên án zok cxov 18TN thiêz 19TN; tưz tir tar tâu 4 lênhx nênhs zuôr muôs zax zênhz đhâu têz qơưk phiv liv…Đại tá Phạm Mạnh Cường, Trưởng Công an huyện Quỳnh Nhai, tỉnh Sơn La puz pâuz:

“Chiê uô jông phoaz yaox sik tưr “Viv ngaz tuk têz qơưk” mak Công an huyện Quỳnh Nhai hêik pâuz thiêz tror kriz uô têx phongz yaox sik tưr zos Công an tỉnh thiêz Bôv Công an tso tơưv; tiv 2 zos uô phongz yaox sik tưr đros jênhv vưv  chính trị tsênhv tsênhz ntơưv taz viv sâuv cxuô kror hâux lưv chiê taz por ngaz tuk sâuv thax tsav”./.

(Trấn Long-Lik Thox cxêik nhênhv)