Pos Cao Thị Tuyết Lan, Chủ tịch Hội nôngx mênhx lok zos Hội Nông dân tỉnh Điện  heik pâuz: Nhiv no Hội tsênhv car seiz 635 tổ cxênhx txuôs thiêz kêr txêik pênhr, têx nhiêx paz kêr txêik trâu sđ zos 750 ntâu tỷ đeiv. Hâur ntơư, 21 cxênhz ntâu chuôz zis hội viên tsênhv kêr txêik têx pênhr zuôr nhiêx nju tsơưs, xav kror đruôz đraz muôx 35,4 tsov đeiv iz chuôz zis. Đros thiêz 19 tsaz yênhx nhiêx txiêx tsênhv chei hâur ntu 2013-2018, tưz muôx zuôr xar 23 cxênhz lênhx hội viên tâu kêr txêik pênhr đros thiêz têx nhiêx txêik ntơư muôx 670 tỷ đeiv. Pênhr nhiêx tsênhv chei tưz paz xar muôx 6 cxênhz chuôz zis tsôngv box hla đhâu cêr pluôs, zuôr xar 5 cxênhz lênhx hội viên tâu muôz hâux lưv uô, hâur co muôx 177 lênhx hội viên muk uô hâux lưv đrâuv luôs 2 chas têz qơưk; zuôr xar 2.900 chuôz zis tsôngv box cxiv uô tâu vax tsêr nhoz truôx; xar muôx 2,5 cxênhz chuôz zis cxiv uô tâu côngz trênhx đêx hur thiêz vêv xênhz tênhx qơư trơưk cui tinhv; zuôr xar 1.300 hội viên têx tuz nhuôs tâu muk đros luôs cơưv ntâuz cơưv ntơưr....../.

(BTS-Riê Lâux cxeik, nhênhv)

Cheix lol nas tưz xar đhâu taz sik yênhx châuv ziv chuôz zis tsôngv box nhoz jos Nà Phạ, xã Mường Kim, huyện Than Uyên ( Lai Châu) tsênhv lok six cxơưx viv têx caz plêz tsênhv ziv hnuz ziv lox, ar poz sâuv trôngz njuôs xav muôx yưv thâuv tưs cux tsi pâuz, njuôs xav uô ruôr hiêv txos tsôngv box li txox siê thiêz chuôz zênhx chuôz tas. Jos Nà Phạ muôx 61 ziv chuôz zis, hâur co muôx 56 ziv nhoz hâur thax tsav riêz nênhs. Chiê taz por trâu tsôngv box, cấp ủy, chính quyênx xã Mường Kim tưz tror seiz shuôk đuô tas nro thax tsav tox poz thiêz qơư njuôs xav muôx tox poz nhoz jos Nà Phạ chiê muôx tsưr ziv yưr lir. Têx ziv chuôz zis puôr lênhx thôngx ziv txar qơư nhoz, taz sik phêv liv nhiv no zos tsi muôx ar chiê pheiz trâu tsôngv box nhoz. Nhiv no nhiv kruôr muôx iz ziv txar mul nhoz qơư yiêz tiv plas tsêr trâus tơưs plêz lox, ar jov toz..../.

(KT- Txâur Vax cxeik nhênhv)

Tsôngv box sđ tsênhv cxơưx lok sâuv, tsêr meir tsiv uô qir zuôv DAP sôr 2 (thax tsav công nghiệp Tằng Loỏng, huyện Bảo Thắng, tỉnh Lào Cai) ntâu têx đêx kiêk nênhs vuôz tsuôz uz no cxênhv lok trâu hâur tênhx qơư đhâu thâuv njưs tar têx đêx vuôz tsuôz kiêk nênhs co trâul tơưs  zar tar su hnuz xiêz 7/9 nhiv kruôr đhâu, zos tsi tir thêir thiêz kho zênhx max zuôr uô tsi jông txos tênhx qơư nhoz jê iz ndis, cux li têx đêx đrav kaz đês.

Txix têx li heik no, zơưv Lê Ngọc Dương, Phưv Giám đốc Sở đêx ar thiêz tênhx qơư tỉnh Lào Cai heik pâuz, đhâu hlo thâuv txeik tâu mông heik pâuz lok têx li heik sâuv, Sở tưz zênhx max chox kriê Chi cục por vêv tênhx qơư buôk ti đros doanh nghiệp huiz tôngv muôz têx hmôngr jêz siz đros lênhx nênhs thiêz têx meir, yêz uz no zênhx max fmông trâu, xưv lik têx acid hâur đêx thiêz têx hmôngr, fuôk vuôz tsuôz kiêk nênhs. Đhâu sir jos fuô uô li ntơư, cux tưz đơưk uô tâu hur mê njik tênhx qơư./. 

(An Kiên-Riê Lâux cxeik, nhênhv)

Tỉnh Yên Bái tsênhv bax trâu hâux lưv krêz uô Ciêz vênhx huôv- ju lix Mường Lò thiêz Ntênhs phêv nriêr pâuz liêx kêz nteir Mù Cang Chải shông 2018. Ciêz vênhx huôv-ju lix Mường Lò shông 2018 zuôr tâu krêz uô thâuv 8 six tsâus ntux hnuz 21/9 zuôr txos, đros njiêz luv “ Lol thax tsav pax lâus Mường Lò”. Hnuz ntênhs muôx ntâu huôx tôngv jông li mul tâus cêr, ciêz tox siêz, ntênhs uô nduôr, thik lênhx nxeik jông gâux Mường Lò...Tiv zix jiês xuz thơưx ntơưv Nghĩa Lộ zuôr muôx jiês piêr kriê yêz ô tô địa hình. Ntênhs phêv nriêr pâuz Liêx kêz nteir Mù Cang Chải shông 2018 zuôr krêz uô tsâus ntux hnuz 22/9 ntơưv qar vênhv tôngv Mù Cang Chải đros njiêz luv “ Mù Cang Chải cêr vênhx huôv jông thiêz hlôngr yiêz”./.

( Đinh Tuấn- Txâur Vax cxeik nhênhv)