Têis cik hnuz 11/11, zơưv Tô Lâm, uỷ viên Bộ chính trị, Bộ trưởng Bộ công an tưz đros Bộ công an, Bộ laox tôngv xã hội, tsêr nhiêx têz qơưs VN đoanx côngz xưv muk uô hâux lưv đros hâu nov tỉnh Điện Biên uô hâux lưv thiêz đros dự hnuz kriz hội cxuô hêir nênhs huôv tsar cêr côngv siêz shông 2019 trâu ntơưv huyện Mường Nhé thiêz choz zok iz tsêr niêv côngv siêz trâu iz cxiê chuôz zis pluôs  nhoz jos Nậm Pố 4, xã Mường Nhé. Đại tướng Tô Lâm cux hêik: Cxuô hêir nênhs huôv tsar truôx cêr côngv siêz, zos iz luôs hâux lưv jông uô muôx liv trâu sđ.

“Cur tok njôngr cxuô cấp hâu nov tỉnh Điện Biên, cxuô tsưr tsix xã hội xã Mường Nhé tsuv tror uô cov tâu truôx đuô luôs hâux lưv yax krie tsôngv px hâur thax tsav huôv tsar cêr uô nênhx đros trâu khưr uô nox cov zos đrêiv têz qơưs têx chêi tso tơưv txuôk đros huôv tsar truôx chính trị hâur thax tsav qơư nhoz”./.

                       (Tsu vưx cxêik nhênh-Ly Thao-Vũ Lợi)

Nhiv no, ntâu chuôz zis tsôngv box nhoz têx jok: Hưng Bình, Tân Bình, Nà Phát (xã Bình Lư, huyện Tam Đường, tỉnh Lai Châu) tsênhv huôv tsar tu zus ntâu keiz ok (txix 100-500 tuk iz fâuv) hlôngr trâu tu zus tsơưs li thâuv ntêx. Tsôngv box sđ pâuz tâu têx tsưr ziv tu zus keiz ok trơưk tsưr ziv yiêz li: Qêz suô, tu têx qơư tu zus hur si, muôz xuô blêx puô, tơưk tênhz trâu keiz ok cov sor thiêz cxax yuôx vắc xin phax tar moz cxix cxuô. Têx chuôz zis tu zus keiz ok bax tsưr ziv cxaz nzir têx krâur nox, nzuôr hur si têx đaz thiêz têik đêx, têik krâur. Đros thiêz têx ok, tsôngv box khơưz uô qơư muôx đêx trâu ok nhoz, đa. Khov li ntơư, têx ok nox kaz grêix đuô pir li tu zus xor thêir qơư cơư. Co zos iz kro jông thiêz zov chênhr muôx têx jâuz, grêix muôs hâur ciêz đrôngs thâuv tsi yuô muôx têx grêix buô muôs li nhiv no, paz gra siêz phênhv sâu tâu trâu têx chuôz zis tu zus tsiêx cxu./.

(Chẻo Thu-Riê Lâux cxeik, nhênhv)

Ntơưv jos Bó Sập, xã Lóng Sập, huyện Mộc Châu, tỉnh Sơn La, tuz lênhv zênhx Biên phôngx trôngx đriv Lóng Sập thiêz công an huyện Mộc Châu, Chi cục Hải quan  trôngx đriv Lóng Sập tưz siz chos uô luôs hâux lưv yơưz phơưz, ntêk cxov chor nênhs fêv nhiês zuôr muôs zax zênhz. Ntơư zos ntêk cxov tâu z[v Lu x Thox, xênhz shông 1981 nhoz jos Pưng thiêz Da x Muôk, xênhz shông 1989 nhoz huyện Sốp Bâu, tỉnh Hủa Phăn têz qơưs Lok Tsuôk. Ntơư zos yơưz phơưz tâu 118 njiêr yuôx shơư zênhz; 190 txiêx zênhz đơưz đros trâu oz luz máy hu xor tôngx.

Đhâu nus, oz lênhx nênhs hêk ntơư kriz tiêk: Gra chor zax zênhz ntơư tuôx muôs trâu iz lênhx nênhs nhoz huyện Mộc Châu tỉnh Sơn La. Nhiv no, cơ quan muôx vax huôv tsênhv taz tov uô cov tsênhz mênhx chiê muôz tik cêr cxâuv cov zos đrêiv têz qơưs têx chêi tso tơưv./.

                                  (Tsu vưx cxêik nhênh-Thào Ly-Vi Hiện)

Công an huyện bảo Yên, tỉnh Lào Cai heik pâuz, tiv hâur chuôz zis muôx cêr siz char siz chês tsi jông siêz, Mìn tuk pox niêv zos Juôs Xênhv Lik (xênhz zus shông 1993) tưz tso têk khiêr muk trâu Trung Quốc txix shông 2017 tsi lok. Qiv thiêz tsi jông siêz trâu lênhx pox niêv thiêz niêv têik zơưv txir lơưr tâu ntêr lok, hmo xiêz 8/11/2019, Zax Seo Mìn tưz muk txos tov niêv têik zơưv txir tsêr zos pos Xoa Xênhv Zax nhoz jok Làng Có 2, xã Phong Niên, huyện Bảo Thắng (Lào Cai). Nhoz no, Mìn thiêz pos Xoa gơưk tror siz char, muôx têx lul heik tsi jông siêz.

Thâuv co Mìn tưz muôz hlo traz txuôk ntơưv pos Xoa tsêr tuô pos Xoa thiêz tuk nhuôv tuz zos Lik Seo Jêz (xênhz zus shông 2005) uô pos Xoa tuôs ciês ntơưv qơư, hok lênhx nhuôv Jêz trâus saz hnhar tsuv chox muk chơưv kho trâu tsêr kho moz Đa khoa tỉnh Lào Cai (taz sik tiv trâus saz hênhr, viv li Jêz cux trâul tuôs đhâu ntơư 2 hnuz). Uô muôx têx cêr cxâuv li ntơư, Mìn zênhx max tso têk khiêr, tsi nhoz hâur thax tsav qơư co. Taz sik Mìn cux trâus Công an ntêk cxov tâu hnuz xiêz 9/11. Nhiv no, cơ quan qênhz yuôx Công an tỉnh Lào Cai tsênhv tror qênhz yuôx, uô tsênhz mênhx, chiê muôz  Mìn chox lok tik cêr cxâuv trơưk đreiv li chei têz qơưs tso tơưv./.

(An Kiên-Riê Lâux cxeiv, nhênhv)