Đros trâu tsôngv box sđ hâur hur si têz qơưk têx cêr jông siêz thiêz shir phaz, hmo 11/12, yênhx cxênhz lênhx nênhs nhiêv seiz thiêz ndơưk poz Yên Bái tưz tuôx chôngz trâu thax tsav Quảng trường 19/8, TP Yên Bái chiê cxaz chuôz uô têx nuv sik chuôs njiz, nthuôr uô cêr lov jêv thiêz đros seiz têx lênhx hluôk VN thiêz Malaysia sik tưr ndơưk poz AFF Suzuki cup shông no. Tsaz yênhx zos Đoanx hluôk nênhs cộng sản HCM Yên Bái tsưr tsix. Txơưv tiêk ntux no njiv, taz sik sđ tưz shir phaz, uô lov jêv ntưk. Đhâu ndơưk poz, têx hluôk VN thiêz Malaysia tsi muôx lênhx tưs sưz, taz sik têx lênhx nênhs nhiêv seiz thiêz ndơưk poz ntơưv Yên Bái cux shir phaz, vav chiê siêz tiêk chor hluôk VN zuôr tưr thik tâu jông hâur jiês lok ndơưk hâur pêz têz qơưk ntơưv yar tiêx Mỹ Đình./.

(Đinh Tuấn-Riê Lâux cxeik nhênhv)

Jiês ndơưk chung kết nhoz đội ndơưk poz Việt am thiêz Malaysia ntơưv Giải ndơưk poz Đông Nam Á, muôx hmo 11/12 tưz tsês chiê ntâu kror shir phaz trâu nênhs nhiêv ndơưk poz nhoz Sơn La.

Txơưv tiêk ndơưk tâu siz bâus, cux muôx njil pôngz siêz, taz sik chor nênhs nhiêv ndơưk poz nhoz tỉnh tox siêz no cux lok six shir phaz, njênhs thiêz vav njôngr trâu chor nênhs hâur đội ndơưk poz zuk têz qơưk hâur jiês ndơưk tiv oz.

Niêv tix Nguyễn Thị Tuyết Nhung, nhoz tov 6, phường Quyết Thắng, thành phố Sơn La hêik:

“Vav tiêk jiês ndơưk tiv oz, nhoz tiêx Mỹ Đình nênhs Việt Nam cux xưk li chor cấu thủ Việt Nam zuôr uô tas nro têx kror mak lơưr xar uô cov tâu hnuz co hâur jiês ndơưk poz uô kaz ciês no thiêz vav tiêk đội Việt Nam zuôr ndơưk tâu zênhx”./.

(Đắc Thanh-Lik Thox cxêik nhênhv)

Muôx nhos 840 chuôz zis pluôs tsi tâu muôx Đeix mnôngs, tivi seiz nhoz têx lênhx tsôngv box heir nênhs tsơưs, chuôz zis pluôs, tâu sơưv têz qơưk têx chei paz zuôr tâu tỉnh Điện Biên paz tivi lok sik Đeix hâur shông 2019 thiêz 2020. No zos tsênhv njiêz tưz tâu HĐND tỉnh Điện Biên thôngz đhâu ntơưv nghị quyết “Cui tinhv têx chuôz zênhx, tsưr ziv thiêz phênhv paz max têx chuôz zênhx mnôngs-seiz, uô dưv anr yax xa mông thiêz txo grêk cêr pluôs lok têx xor mông nhoz têz qơưk tsaz yênhx qơư tsov txos lok txo grêk yeiz pluôs truôx ntu 2016-2020 hâur thax tsav ntơưv jiês cơưv tiv 9 nhiv kruôr đhâu.

Tỉnh Điện Biên muôx 51.100 chuôz zis pluôs, hâur co muôx 50.400 ntâu chuôz zis zos tsôngv box heir nênhs tsơưs, muôx nhos 2.800 chuôz zis tâu sơưv têz qơưk têx chei paz. Chor chuôz zis pluôs hâur thax tsav tỉnh muôx tivi seiz tsuôk muôx nhos 12 cxênhz chuôz zis. Taz sik, phênhv ntâu têx tivi no zos tivi kuz đrav ntêx xưz, seiz tsi tâu ntâu têx đuôz uz no./.

(Vũ Lợi-Riê Lâux cxeik, nhênhv)