Hâur hli hluôk nênhs shông 2019, hluôk nênhs Si Ma Cai, tỉnh Lào Cai zuôr chos 3.000 tsoz ntông njuôz, cxaz chuôz cxiv tsa jêx jok yiêz, huôv tsar kinh têr-xar hôiv, cxiv tsa đô thị vav mênhx. Đhâu têx hâux lưv no chiê tror uô muôx yưv chax chêx jông lok Đoanx hluôk nênhs Hồ Chí Minh hâur yênhx lênhx cán bộ, hluôk nênhs, paz muôx cêr sik tưr lov jêv nhoz chor chi đoàn, sik tưr uô chêx cur tok hơưv 88 shông hnuz yênhx lix đoanx hluôk nênhs Hồ Chí Minh./.

(KT-Lik Thox cxêik nhênhv)

Đoanx seiz car UB thường vụ côx hôiv li jiês uô côngz xưv ntơưv huyện Bắc Yên, Mai Sơn tỉnh Sơn La, huyện Than Uyên, Mường Tè tỉnh Lai Châu, đoanx tưz heik tơưv tiêk, xar txu grês cêr pluôs truôx vênhs ntơưv têx thax tsav no hâux lưv yưv pênhr zos coaz tsôngv tiv zix, tsênhv tsênhz tiv zix. Uô hâux lưv đros đoanx seiz car, zơưv Phạm Văn Thủy- Phưv Chủ tịch UB tỉnh Sơn La muôx ziv chênhv:

“Sir jos chiê cxiv tsa cêr zaoz thôngz thiêz chaz tênhv phưx vưv tsôngv box li xênhz huôx tsênhv tsênhz. Qơư tưs muôx cêr jông mul, muôx tênhv tênhz mak nhoz co zuôr huôv tsar tâu kinh têr thiêz txu grês cêr yeiz pluôs sei, truôx vênhs đuô. Zos xar txu grês cêr pluôs truôx vênhs tsuv yưv pênhr zov huv đros”./.

(VOV4- Txâur Vax cxeik nhênhv)

Tix lâus Trần Trung Kiên ziv chuôz zis nhoz jok Mạ, xar Vĩnh Kiên, huyện Yên Bình, tỉnh Yên Bái zos chuôz zis pluôs txix shông 2012 txos shông 2016. Shông 2014, cêr shir phaz muôx tix lâus chuôz zis thâuv tix lâus oz niêv txir tâu txêik pênhr nhiêx liv kik txix zênhx hangx tsênhv chêi xar hôiv. Đros nhiêx tâu txêik zos 30 triệu đêiv, tix lâus Kiên yưv pênhr trâu tu zus nhux đas sha mê nhuôs thiêz buô, kêiz đros trâu chos kôngz lôngk. Tix lâus muôz chor ar phêiz uô oz qơư chiê uô nox, chos ntông nox txir. Khov têx hlôngr yiêz no, chuôz zis hlôngr yiêz jux juk. Shông 2016, tix lâus chuôz zis tưz hla đhâu cêr pluôs, zos chuôz zis zuôr xar pluôs, 1 shông tov kaz mak tơưv đhâu bê ntơưr chuôz zis pluôs./.

(VOV4-Lik Thox cxêik nhênhv)

Hnuz 11/3, thâuv tsênhv uô jênhv vưv ntơưv qơư seiz njuôs moz tsiêx cxu sâuv niêv cêr 6, ntu đhâu xã Mường Mùn (huyện Tuần Giáo), tuêv côngz xưv seiz car moz tsiêx cxu pov iz lênhx txir nênhx thâux 4 tul buô cxôngx Sơn la mul huyện Mường Tè (tỉnh Lai Châu). Thâuv heik chiê qênhz yuôx, tuêv côngz xưv pov chor buô co tsi muôx cxix cxuô ntâuz ntơưr thú y, thâux tsi trơưk chei mul đhâu thax tsav muôx moz ơưk buô huôv xênhz. Đhâu six hơưv yax mông, vênhv tôngv, tâu tsưr muôs buô thôngx ziv, tuêv côngz xưv tưz muôz chor buô por tsês trơưk cui tênhv./.

(KT- Txâur Vax cxeik nhênhv)