Đhâu ntux yar kruôr gis truz ntêr hnuz, txơưv tiêk hâur têx hnuz đhâu, ntux lok lơưs cux uô ruôr hiêv mê njik txos tsôngv px sđ têx kôngz lôngk hâur thax tsav huyện Tân Uyên, tỉnh Lai Châu; taz sik đhâu ntơư, cux uô trâu têx ar têz nôngk, zôngx ziv tsêz chos cxuô zav kôngz lôngk.

          Đhâu thôngz sâu, nhiv no huyện Tân Uyên muôx 500 ha liêx, hâur ntơư muôx 275 ha tsêz chos iz chiv thiêz 50ha tsêz chos zav blêx kaz. Taz sik hâur têx hnuz no cux tsênhv muôx ntux yar ntux nas txơưr txar ntâu, hâu nov huyện tưz yax kriê tsôngv px hâur thax tsav huyện tsuv fông qir, tsuôs yuôx tuô caz hmoz huv đros, cov tsôngv px thiêx muôx phênhv sâu tâu nju kôngz lôngk./.                                   

                                      (Tsu cxêik nhênhv-Báo Lai Châu)

  Chiê paz tsôngv px thax tsav tox siêz huyện Tủa Chùa (Điện Biên) gra siêz txux chi tsưr ziv jênhv pâuz lok phax tir thêir moz Covid-19, tsaz yênhx thax tsav Tủa Chàu nhiv kruôr đros Tsênhv qơư Y tế huyện Tủa Chùa muôz 38 lir yuôx kruôr nzuôr têk thiêz 4.360 luz xaz phôngz nzuôr têk pheiz puz trâu 3.429 chuôz zis ntơưv 38 jok thiêz 18 tsêr cơưv hâur thax tsav têx xã: Mường Báng, Sính Phình, Tủa Thàng, Xã Nhè thiêz thị trấn huyện Tủa Chùa. Hâur six hơưv no, tsaz yênhx thax tsav Tủa Chùa tsênhv paz têx ntơưr, ntâuz yax kriê lok sâuv phax tir thêir moz; uô têx hâux lưv fuô kriê tsưr ziv trâu tsôngv px lok phax tar têx moz gênhs./.

(KT-Riê Lâux cxeik, nhênhv)

          Vũ Lợi chor sâu xor xưv Đêix nta suôz Vn nhoz iz suôv faz Bắc xa mông:  Công an huyện Điện Biên, tỉnh Điện Biên tưz cxov tâu iz lênhx nênhs, zuôr muôs 4 đêiv zênhz đơưz.   Đhâu iz ntu qênhz yuôx, txos trâu thâuv 5 six hnuz xiêz 10/3, ntơưv thax tsav jos Na Sang 1, xã Núa Ngam, huyện điện Biên, công an tir thêir zax zênhz tỉnh Điện Biên tưz cxov tâu Tùng x Hav, xênhz shông 1988, nhoz jos Nà Sản 1, xã Xaz zôngz, huyện Điện Biên Đông, tỉnh Điện Biên. Ntơư zos yơưz tâu 4 đêiv zênhz đơưz, iz luz máy hu xor tôngx đros trâu iz cxiê ntâuz ntơưr cik txos.

Nhiv no, công an huyện Điện Biên tsênhv taz tov uô cov cxix cxuô ntâuz ntơưr chiê muôz Tùng x Hav, xênhz shông 1988, nhoz jos Nà Sản 1, xã Xaz zôngz, huyện Điện Biên Đông, tỉnh Điện Biên tik cêr cxâuv cov zos đrêiv chêi têz qơưs tso tơưv./.

(Tsu cxêik nhênhv-Vũ Lợi)