Ntux no njiv truz ntêr hnuz hâur têx hnuz đhâu, cux uô ruôr hiêv lox txos tsôngv px têx kôngz lôngk, tsiêx tu zus thiêz luz nênhx nox nhoz muk lok hâur niêx hnuz. Ntơưv tỉnh Sơn La thiêz Điện Biên, đhâu thôngz sâu xav txos hnuz 11/1, hâur iz luz tỉnh tưz muôx txos zuôr 100 tus txiêx cxu li nhux tưv, nhux đas, yik buô trâus tuôs, tiv ntux no njiv hênhr. Zơưv Lừ Văn Trường, Phưv chi cục sêiz car tu zus tsiêx cxu tỉnh Sơn La hêik pâuz:

 (Pêz hêik trâu tsôngv px sđ, tsuv  cxiv kho têx guôx đu lul, sor so, tsik chiê yâu chuô thiêz muôz cov txâuk cxuô zav jâuz tâux, krâur trâu tsiêx cxu lox zâuv nox, tsiêx cxu thiêx txâuk đas jos tir thêir no njiv. Thiêz tsik tso lav nhux tưv nhux đas, zos chor mê nhuôv nhux tưv nhux đas, tsuv trâur tơưk trâu ntê cov sor tsik chiê uô muôx yưv têx tsik jông, tiv ntux no njiv uô ruôr hiêv txos)./.

                             Tsu cxêik nhênhv-VOVTB

Chiê por vêv jông paz tsiêx cxu đros 130 cxênhz ntâu tul nhux tưv nhux đas thiêz 500 cxênhz ntâu tul buô, yik hâur jiês ntu no njiv ntêr, têx đoanx côngz xưv tỉnh Yên Bái tưz muk qênhz yuôx thiêz heik kriê tsôngv box uô têx tsưr ziv phax tar yeiz thiêz no muôx chêx cuk. Lơưr co, 6 đoanx côngz xưv zos nganhx kôngz nuv tỉnh sơưr thơưx tưz muk txos têx huyện tox siêz li Mù Cang Chải, Trạm Tấu, Văn Chấn, Văn Yên, Lục Yên...sik côngv đros chính quyênx tiv phaz qênhz yuôx thiêz heik kriê tsôngv box tsi tso tsiêx cxu, cxax yuôx phax moz cxix cxuô, cxênhx tsês hnhaz blêk, jâuz tâux trâu nhux nox....Zơưv Đàm Duy Đức, Chi cục tsar chi cục tu zus thiêz thú y tỉnh Yên Bái puz pâuz:

“Đros tox siêz jêx tưv grês kis đuô thax tsav qơư kis, muôx têx qơư pov muôx đâuk bu. Viv li têx đoanx côngz xưv muk tox siêz chox kriê pox nhuôs pâuz qênhx shênhx qiv hơưv njuôs xav no njiv, chuv tôngv cơư tsiêx cxu, their guôx tu zus, thiêz bax tơưs trâur chiê tsiêx cxu ntê hâur têx hnuz jêx tưv grês kis”./.

(VOVTB-Txâur Vax cxeik nhênhv)

Viv ntux no njiv uô ruôr hiêv, têis cik hnuz 12/1, ntơưv thax tsav trôngz Khoang La San, cêr yuôv đriv têz pêz luz têz qơưs Việt Nam, Lok Tsuôk, Trung Quốc tưz pov muôx đâuk bu. Thiếu tá Đặng Văn Tuấn, Thơưx sêiz car zênhx Biên phòng A Pa Chải hêik pâuz. Hâur têx hnuz muôx ntux no njiv no, ntux no njiv txo grêk kik 2 - 4 độ C./.

                                      Tsu cxêik nhênhv-Vũ Lợi

Têx hnuz đhâu, sâuv niêv cêr 12 txuôk TP Điện Biên Phủ thiêz tsênhv qơư huyện Mường Chà, niêv cêr 4H cxôngx tsênhv qơư huyện Mường Chà muk Mường Nhé thiêz huyện Nậm pồ, 2 saz ntus cêr ntâu ziv chuôz zis trâur tơưs lox chiê lênhx nênhs hâur chuôz zis ntê. Ntâu lênhx nênhs tsar yêz meir muk đhâu cux đrês yêz lok ntê tơưs. Ntơưv têx jêx jos nhoz têx xã sâuv têx cêr no, tsôngv box trâur tơưs ntơưv qar tiêx, vax hâur ntâu hnuz hmo chiê ntê. Đrâuv hâux lưv trâur tơưs ntê, têx chuôz zis tsênhv kho đuô tsêr nhoz, vor trur tsêr cov jông chiê chuô tsi njơưx lok hâur tsêr..../.

(VOV4-Txâur Vax cxeik nhênhv)