Lơưr xor mông txix Sở Vênhx huôv-Thể thao thiêz Du lịch tỉnh Điện Biên, chor kruô du lịch tuôx ndis shuôk têx qơư du lịch sâuv thax tsav hâur jiês so tsiêz xar muôx 22.800 lênhx nênhs, hâur co kruô ntiêx têz muôx nhos 4.100 lênhx. Tas nro phênhv sâu txix hâux lưv du lịch xar muôx 38 tiv đêiv ntâu. Txix ciês uô ntêx tsiêz, Sở Vênhx huôv, Thể thao thiêz Du lịch tưz kruôz kriê têx qơư kinh doanh nhoz so du lịch thiêz chor jêx jok vênhx huôv tsưr tsix tok tsiêz huv đros têx phongx cxưx. Thôngx cxix bax txâuk lênhx nênhs, qơư nhoz so cxuô zav thiêz cxuô tsar tov chiê phưx vưv jông tiv zix trâu tsôngv kruô./.

(Vũ Lợi-Lik Thox cxêik nhênhv)

Hnuz 12/2, zos gâuk jax hnuz, xuz thơưx hâur shông yiêz 2019, tsôngv box Giáy nhoz xã Quang Kim, huyện Bát Xát, tỉnh Lào Cai shir phaz lus krêz uô ntênhs hội muk uô liêx têz, thor cov muôx ntux nas jông paz trâu tsôngv box uô tâu kôngz lôngk, sâu tâu nju.

Ntênhs hội li tsênhv njiêz chênhr zos hlơưr shaz ntơưr, muôz têx jâuz mor txi côngv đaz xênhz têz xênhz qơư, car đêx car ar cxuô jêx jok hâur xã. Lênhx sơưr txi zos iz lênhx txir nênhz, txir ndâux txir luk hâur chuôz xênhv.

Đhâu txi tas li heik sâuv zos txos trâu grê txi ndêx nzông ntơưv yar tiêx, iz ndis tuk ndêx nzông lơưr khi đei lok six ntâu luz poz trâu. Txi ndêx nzông tas, têx luz poz zuôr tâu muôz pheiz trâu hur si cxuô lênhx sđ chiê lêiv por, txos tax thâuv tưz lêiv tâu luz poz muk trâus luz vox đei siêz sâuv njik shôngz yaz saz tov mak thâuv co têx luk thor li tâu xa txos trâu têx đaz xênhz têz xênhz qơư, car đêx car ar tưz tâu seiz njiê pov, thâuv no sđ thiêx muk uô tâu liêx têz.

Ntênhs muk uô liêx têz tâu uô txix tsôngv box sđ nhoz cxuô jêx jok hâur xã jiês siz tưr lêix têz lêix liêx, siz tưr tsêz chos kôngz ntơưv đras liêx Ná Chao chiê zuôr hmôngr jông hâur shôngk shông. Đhâu thâuv grêk mul uô liêx têz tas, tsôngv box Giáy nhoz Quang Kim cux xâuk tsiêz chiê sik đros muk lês uô cxuô luôs hâux lưv hâur shông yiêz./. 

(An Kiên-Riê Lâux cxeik nhênhv)

Uô lơưr Bôv chính trị li Nghị quyết số 22 thiêz Bôv Công an li tsưr ziv lok hlôngr yiêz, kho đuô tsưr tsix Bôv mêir Công an cov jông, muôx chêx cur, Công an tỉnh Lai Châu tưz cxiv uô tsưr ziv tso lưx lươngv Công an chênhr muk uô hâux lưv ntơưv 59 xar zov chênhr phiv liv lok ngaz tuk. Txos nhiv no, tưz muôx 30 ntâu xar đros zuôr xar 80 lênhx công an chính quy muk uô công an xar. Hâux lưv công an chính quy muk uô hâux lưv ntơưv tiv phaz paz taz por ngaz tuk, cêir chêx ciês têx phiv liv muôx yưv ntơưv tiv phaz, tiv zix zos chor xar zov chênhr lok ngaz tuk. Đại tá Bùi Gia Lượt, Phưv giám đốc Công an tỉnh Lai Châu puz pâuz:

“Uô ntêx mak tso cán bộ muk tiv phaz tsuv uô tâu sưv pêx xênhv, uô lơưr chox kriê 4 đros pêx xênhv. Tiv oz zos uô jông côngz xưv nriêr pauz qênhx shênhx, thax tsav, lênhx nênhs, chor ziv chuôz zis chiê hêik pâuz sêi trâu cấp ủy chính quyền cêir chêx vênhv thix ngaz tuk chính trị, ngaz tuk xar hôiv, chiê muôx yưv huôv xênhz phiv liv lox”./.

(Khắc Kiên-Lik Thox cxêik nhênhv)

Tas cik hhnuz 12/2, ntơưv jok Tiên Sơn, xã Chiềng Khương, huyện Sông Mã, tỉnh Sơn La, Phongx phax tar zax zênhz thiêz têx nênhs fêv, Bôv đôiv Pênhz phax tỉnh Sơn La đros Zênhx Pênhz phax trôngx đriv Chiềng Khương ruôr por tsês tâu txuz plâuz 105L, ntêk tâu Lò Văn Thu, xênhz shông 1986, nhoz ntơưv jok Pạnh, xã Chiềng Khương, huyện Sông Mã, tỉnh Sơn La lok sâuv zuôr muôs, uô lax luôv zax zênhz tsi trơưk chei. Têx chuôz zênhx sâu tâu muôx 12 cxênhz njiêr yuôx shơư zênhz, i luz xor tôngx mê tuôr ntơưv têk thiêz iz cxiê zav chuôz zênhx txơưr đuô cik txos. Đhâu qênhz yuôx, lênhx nênhs no krêz lênhk tiêk, zuôr chor yuôx zax zênhz sâuv ntơưv iz lênhx nênhs nhoz saz Lok Tsuôk (tsi pâuz tsênhz bê thiêz qơư nhoz) chiê gra lok muôs. Nhiv no txuz plâuz co tsênhv tâu bôv đôiv Pênhz phax tỉnh Sơn La tror qênhz yuôx, uô tsênhz mênhx./.

(Vì Hiện-Riê Lâux cxeik, nhênhv)