Ban chỉ huy quân sự thành phố Điện Biên Phủ, tỉnh Điện Biên tsênhv bax zuôr hlê thiêz uô cov tơưs iz luz bôngk Mỹ hnhar muôx 400 cir nhiv kruôr nriêr pov tâu sâuv thax tsav xar Nà Tấu (thành phố Điện Biên Phủ). Ciês nriêr pov tâu luz bôngk, Ban chỉ huy quân sự thành phố Điện Biên Phủ tưz sik côngv đros chính quyền tiv phaz tsưr tsix cêv kuôk thax tsav muôx bôngk, rêik fiêx hêik pâuz thiêz tso nênhs sêiz jor, tok six hơưv, nriêr tsưr ziv chox luz bôngk co muk uô cov tơưs por tsês./.

(Vũ Lợi-Lik Thox cxêik nhênhv)

Tuêv coar lik niêv ciêz số 1-cục coar lik niêv ciêz tỉnh Lào Cai nhiv kruôr pov, sâu tsês chor ntâuz bok kror ndâux tâu nhiês zuôr lol muôs tsênhv tâu tso ntơưv tsêr meir gạch tuy-nen Cam Đường (nhoz công ty TNHH iz thành viên trox Quyết Thắng, jos Dạ 2, xã Cam Đường, thành phố Lào Cai). Tsưr chor hax huv no zos zơưv Đinh Văn Hợi, xênhz shông 1962, nhoz jos Dạ 2, xã Cam Đường, thành phố Lào Cai. Đhâu qênhz yuôx chor hax huv no tâu tso hâur 59 thôngz ntơưr carton, muôx zuôr xar 150 cxênhz đeiv. No cux zos chor hax huv lox tiv zix cxôngx thâuv ntêx txos nhiv no ntơưv Lào Cai cxôngx thâuv moz lok cêr uô pa tiv caz moz côrôna huôv xênhz trâus chiz coaz muôx txơưx jênhv sâu tsês./.

(An Kiên- Txâur Vax cxeik nhênhv)

Tôv công xưv Zênhx Pênhz phax trôngx đriv Lóng Sập sik côngv đros Phongx phax tar zax zênhz thiêz nênhs phamv cxâuv BĐBP tỉnh Sơn La, Công an huyện Mộc Châu thiêz Chi cục Hải quan trôngx đriv Lóng Sập, huyện Mộc Châu, tỉnh Sơn La pov thiêz cxov tâu oz lênhx nênhs nhoz saz đrâuv têz qơưk zos pos Ly x Vax, xênhz zus shông 2002, nhoz ntơưv jok Muống thiêz pos Phàng Thị So, xênhz zus shông 2001, nhoz jok Huổi Hiềng, huyện Sốp Bâu, tỉnh Hủa Phăn (Lào) lok kror cxâuv gra tsik zos chêi zax zênhz. Têx sâu tâu zos 3 đêiv ntâu zênhz đơưz, 200 njiêr yuôx shơư zênhz, iz luz mêir hu xor tôngx. Đhâu nus, oz lênhx nênhs co kriz tiêk gra chor zax zênhz co txix Lào lok hâur thax tsav huyện Mộc Châu chiê muôz trâu iz lênhx nênhs pâuz tsik tsênhz bê thiêz qơư nhoz zuôr tâu thêv grê nhiêx côngz zos 20 triệu đêiv. Nhiv no, Bôv đôiv pênhz phax tsênhv taz tov xưv lik lơưr chêi têz qơưk./.

(TTTB-Lik Thox cxêik nhênhv)

Cux nhoz Sơn la, ntơưv xã Lóng Luông, huyện Vân Hồ, tỉnh Sơn La, Công an huyện Vân Hồ sik côngv đros Công an tỉnh Sơn La ruôr yênhx côngz chuyên án muôv muôs zax zênhz, ntês tâu Tráng A Chống, xênhz shông 1984, nhoz jos Lũng Xá, xã Lóng Luông, huyện Vân Hồ viv muôv muôs zax zênhz. Chuôz zênhx sâu tâu muôx 1 đeiv zênhz đơưz, 20 njiêr zax zênhz thiêz iz cxiê chuôz zênhx txơưr muôx lênhx coaz. Krêz đar qênhz yuôx, seiz shuôk Tráng A Chống li qơư nhoz ntơưv xã Lũng Xá, thâuv tsênhv uô jênhv vưv, đại úy Nguyễn Trung Dũng xênhz shông 1984, cán bộ Cảnh sát qênhz yuôx nênhs phamv cxâuv hình sự, kinh têr, zax zênhz tưz trâus iz cxiê lênhx nênhs fêv tsi pâuz tsênhz zos lênhx tưs zôngv fov tuô trâus plaz. Ciês thâuv co, đại úy Dũng tưz tâu xa mul tsêr kho moz đa khoa Thảo Nguyên, huyện Mộc Châu, tỉnh SƠn La. Xav tênhv qir thơưx tso pov, môngr jông đại úy Dũng tsuôk trâus saz mak tsi uô hiêv txos txox siê./.

(TTTB- Txâur Vax cxeik nhênhv)