Phưv Bí thư Tỉnh ủy, Chủ nhiệm Ủy ban qênhz yuôx Tỉnh ủy Sơn La-zơưv Hoàng Quốc Khánh nhiv kruôr tâu bâux uô chủ tịch UBND tỉnh Sơn La khóa 14, six cxiv 2016-2021.

Lơưr co, Hôiv đôngx tỉnh Sơn La tưz tso zơưv Cầm Ngọc Minh, chủ tịch UBND tỉnh khóa 14, six cxiv 2016-2021 so lâul. Chêx cur tso ntơưr bâux muôx tas nro 67 ntơưr thôngx ziv zơưv Hoàng Quốc Khánh uô chủ tịch UBND tỉnh Sơn La. Zơưv Hoàng Quốc Khánh zus hnuz 2/9/1969, hêir nênhs Thái, nhoz xar chiềng Pằn, huyện Yên Châu, tỉnh Sơn La. Cơưv tiêr Tiến sỹ kinh têr; txux chi chính trị zos Cao cấp./.

(Thu Thùy-Lik Thox cxêik nhênhv)

Chiê luôs hâux lưv phax tar ntux uô ruôr hiêv thiêz zok nriêr chơưv paz lênhx nênhs hâur thax tsav uô tâu jông, Ban seiz car phax tar ntux uô ruôr hiêv thiêz zok nriêr chơưv paz lênhx nênhs tỉnh Điện Biên nhiv kruôr heik Ban chox kriê T.Ư lok phax tar ntux uô hiêv sâu jênhv heik Chính phủ, Thủ tướng Chính phủ, têx Bộ, ngênx T.Ư paz nhiêx txiêx 100 tỷ đeiv hâur shông 2019.

Iz chas ntơư, chor nhiêx no tâu ntơưv qơư zôngv chiê tror cxiv kho, uô têx côngz trênhx trâus puôk tsuôx tiv ntux uô thiêz yưx cxiv uô têx côngz trênhx phax tar ntux uô ruôr hiêv, taz por truôx tuk luz nênhx, huôv tsar uô nox uô hâuk trâu tsôngv box cxuô heir nênhs hâur thax tsav./.

(Vũ Lợi-Riê Lâux cxeik, nhênhv)

Lơưr qênhz yuôx txix têx tiv phaz hâur tỉnh Lào Cai, tas nro tỉnh muôx 361 ziv chuôz zis tsuv sêiz đrơưv txar qơư nhoz đhâu thax tsav phiv liv zuôr njiz trâus ntux têz uô hiêv hâur chêix ntux nas chuô shông 2019.

Hâur chor ziv chuôz zis hêik co, muôx 209 ziv chuôz zis tsuv sêiz shuôk chiê nhoz siz shơư đros têx jêx jok txơưr, yuôr 155 ziv zuôr tso nhoz uô cê thiêz nhoz truôx ntơưv qơư kuz. Chor huyện Bảo Thắng, Bảo Yên thiêz Văn Bàn muôx chor ziv chuôz zis tsuv txar qơư nhoz sêi đrơưv ntâu tiv zix. Tas nro nhiêx txiêx chiê uô hâux lưv no xar muôx 6 tiv đêiv, tsơưs đuô pir li têx shông uô ntêx./.

(An Kiên-Lik Thox cxêik nhênhv)

Moz ơưk buô châu Phi huôv xênhz xuz thơưx ntơưv jok 3, thị trấn Nông trường Trần Phú, huyện Văn Chấn, tỉnh Yên Bái lok hnuz xiêz 4/5, hur si 247 tuk buô trâus moz thiêz muôz hlơưr por tsês.

Đhâu hlo thâuv qênhz njuôk shuôs, tâu xav tiêk trâus moz ơưk buô châu Phi, hâu nov ntơưv qơư tưz zênhx max chox kriê uô luôs hâux lưv phax tuô caz moz ơưk; tsuôs yuôx trâu thax tsav muôx moz huôv xênhz thiêz iz ndis têx qơư nhoz jê co, yênhx lix qơư seiz jor, qênhz shuôs tir thêir  tsik chiê caz moz ơưk buô châu phi cik đêz đar trâu cxuô thax tsav qơư. Xav txix thâuv 2 thax tsav qơư muôx caz moz ơưk buô huôv xênhz heik sâuv, đros thiêz têx sir jos phax tir thêir, txos nhiv no đhâu 30 ntâu hnuz tưz tsi pov caz moz ơưk buô châu phi huôv xênhz nzir; Ủy ban huyện Văn Chấn tưz muôx ntơưr heik, tsi muôx moz ơưk buô châu Phi ntơưv thị trấn Nông trường Phú./.

(Thừa Xuân-Riê Lâux cxeik, nhênhv)