Hnuz đhâu, tỉnh đoàn Điện Biên tsưr tsix sik thav ntâus grê chêx cuk uô ntâuz ntơưr cơưv shâuv chênhz zênhv shông 2017 thiêz cir ntơưr ndo njôngr shông 2018 đros đoanx hluôk nênhs 3 tỉnh Bắc Lào: Luông Pha Băng, U Đôm Xay, Phong Sa Ly.

Muôx iz cêr ntus đriv ntêr 360 cei cêr đros têz qơưk Lào, têx shôngk đhâu, hâux lưv cơưv shâuv chênhz zênhv hâur têx hluôk nênhs tỉnh Điện Biên thiêz têx tỉnh Bắc Lào thâuv tưs cux tâu uô tsênhv tsênhz. Ntơưv jiês sik thav, hlôngr njêx muôs hluôk nênhs 3 tỉnh Bắc Lào thiêz hluôk nênhs tỉnh Điện Biên tưz thôngz đhâu ntâu njiêz luv coaz tsôngv, thôngx cxix cir ntơưr ndo njôngr shông 2018. Zơưv Đặng Thành huy, Bí thư Tỉnh đoàn Điện Biên puz pâuz:

“ Pêz xav tênhv hâur six hơưv zuôr txos tsuv uô jông côngz xưv yax mông lok cêr fôngx zưs jông Việt Nam- Lào txos cxuô lênhx đoàn viên hluôk nênhs, tror yax mông lok côngz xưv por vêv cêr ntus đriv, chuôz tsar đuô thiêz côngz xưv tsov cưv txos têx shux xênhz nênhs Lào cơưv ntơưr ntơưv Việt Nam, muôz theox chênhv jông tiv zix trâu têx doanh nghiệp hluôk 2 têz qơưk tâu sik njiz, cơưv shâuv chênhz zênhv, tror chuôz tsar têx huôx tôngv vênhx huôv, vênhx ziv, thiv thao hâur đoàn viên hluôk nênhs têx tỉnh thiêz đros uô jông têx jênhv vưv hâur six hơưv zuôr txos”./.

(Vũ Lợi- Txâur Vax cxeik nhênhv)

Lơưr zơưv Vương Trinh Quốc, Chánh văn phongx Ủy ban tỉnh Lào Cai, txuz txiêz nanv yêz ô tô thâux trox yêz đrâu luz yêz ô tô zâu muôx yưv hnuz 5/9 nhiv kruôr đhâu uô puôk tsuôx tuk qox Ngòi Thủ (Thax tsav Trấn Yên-Yên Bái) sâuv txox cêr muk chênhr Nội Bài-Lào Cai tưz uô phiv liv lox txos tỉnh li qênhx shênhx huôv tsar kinh tế-xar hội.

Tsênhv tsênhz, kruô du lịch tuôx Lào Cai ciêz đhâu tsuôk muôx 71 cxênhz lênhx nênhs, grêk tsơưs iz đraz pir li ciêz uô ntêx, tiv zoz thôngz tsik taz por tưz uô phiv liv txos têx yêz li muk lok. Ntâu luz yêz lox tsuv tâu muk trâu txos cêr 70 uô trâu six hơưv muk lok truz ntêr đuô 1-2 six hơưv, tsik tâu hêik txos ntu cêr no zâu, lêv ntâu viv li muôx yưv tsik so muk lok tsik tâu thâuv yêz muk chôngz. Zơưv Vương Trinh Quốc puz pâuz:

“Txơưv tiêk txuz hâux lưv co tsik muôx yưv sâuv thax tsav tỉnh Lào Cai taz sik ho uô phiv liv ciês txos tỉnh, viv li Lào Cai zuôr muôx ntơưr hêik pâuz xa trâu bôv zoz thôngz vận tải thiêz Tổng Công ty yưv pênhr huôv tsar cêr muk chênhr Việt Nam sêiz đrơưv muôx tsưr ziv khưx phưx, taz por zoz thôngz muk lok tâu”./.

(An Kiên-Lik Thox cxêik nhênhv)

Sở tài nguyên thiêz tênhx qơư tỉnh Yên Bái nhiv kruôr thôngz pov chêx cuk njuôs siv tsơưr lươngv đêx sâuv tul niêv đêx Liêz, ntu ntưs đhâu thax tsav tỉnh. Lơưr co, hâux lưv njưs tso đêx kiês nênhs ntơưv qơư công nghiệp Tằng Loỏng, huyện Bảo Thắng, tỉnh Lào Cai trâus tơưs tsi uô zênhr shar txos tsơưr lươngv đêx sâuv tul niêv đêx Liêz ntu đhâu thax tsav tỉnh, tsôngv box tror zôngv tâu chor đêx no chiê tsêz chos thiêz xênhz huôx./.

( Đinh Tuấn- Txâur Vax cxeik nhênhv)

Lơưr Chi cục Chos kôngz lôngk thiêz Por vêv đrox tsuôs tỉnh Lai Châu li hêik pâuz, shông 2018, chor côngx đax đraz kâuv tror muôx ntơưv 7 xar nhoz 2 huyện Mường Tè, Nậm Nhùn. Chor thax tsav har shôngz trâus côngx ruôr hiêv muôx 100 ha, thôngx cxix tsênhv piz uô hiêv txos tsoz chos kôngz nuv. Chiê sêiz kaz thiêz phax tar côngx, Sở Kôngz nuv thiêz Huôv tsar jêx jok tỉnh Lai Châu chox kriê Chi cục chos kôngz lôngk thiêz Por vêv đrox tsuôs sik côngv đros Ủy ban têx huyện hâur ntâuk gri, kruôz kriê phax tar côngx cov ndar six hơưv thiêz muôx chêx cur./.

(KT-Lik Thox cxêik nhênhv)