Zar hnuz kêix hnuz 12/12, Đoanx đại biểu Côx hội tỉnh tưz muôx jiês chuôs njiz cử tri ntơưv huyện Bát Xát thiêz huyện Bảo Yên.

Ntơưv jiês chuôs njiz cử tri tưz heik tơưv cêr njênhs njôngr lok Đoanx đại biểu Côx hội tỉnh thiêz HĐND tỉnh têx hâux lưv uô. Cử tri huyện Bát Xát heik HĐND cxuô cấp chuôz tsar tiês seiz kaz luôs hâux lưv uô lơưr têz qơưk tsênhv chei, cui tinhv ntơưv qơư, por hưv tsôngv box li vax huôv; qênhx shênhx vuôz tsuôz kiêk nênhs tênhx qơư nhoz jok Minh Trang, xã Cốc Mỳ tiv krêz yâu zuôr tôngx, uô hiêv txos tsôngv box luz nênhx nox nhoz, hâur ntơư muôx 20 chuôz zis nhiv kruôr yeik lok nhoz yiêz tsuv tâu paz nhiêx; têz qơưk tsuv paz nhiêx txiêx trâu cxiv uô têx cưx đês đêx phưx vưv tsôngv box têx xã tox siêz uô nox uô hâuk.

Hlôngr njêx muôs đoanx đại biểu Côx hội tỉnh, zơưv Vũ Xuân Cường, Ủy viên ban Thường vụ tỉnh ủy, Phưv Chủ tịch HĐND tỉnh, Tsar đoanx đại biểu Côx hội tỉnh tưz sâu jênhv cử tri têx ziv chênhv thiêz têz, phênhz tsênhz mênhx iz cxiê tsênhv njiêz tâu cử tri heik txos ntơưv jiês chuôs njiz. Cử tri têx ziv chênhv, luk heik, zuôr tâu đoanx đại biểu Côx hội tỉnh xa trâu têx bộ, ban, ngênhx thiêz tỉnh qênhz shuôs, đơưk tu chiê tâu trơưk cử tri sđ tsưr ziv, siêz xar./.

(KT-Riê Lâux cxeik, nhênhv)

Hnuz 12/12, chủ tịch uỷ ban tỉnh Lai Châu, Đỗ Ngọc An tưz đros Đoanx côngz xưv muk qênhz yuôx, sêiz shuôk jiês têv nạn laox tôngv ntơưv côngz trênhx tênhv tênhz Nậm Na 1 thiêz hêik lênhx nênhs sêiz car cxiv uô côngz trênhx, tsuv uô jông luôs hâux lưv cxiv uô côngz trênhx tsik chiê muôx yưv têx tsik jông trâu laox tôngv. Lar hêik, tỉnh Lai Châu tsênhv zuôr cxiv tsa đoanx qênhz yuôx, sêiz kaz liên ngênhx chiê qênhz yuôx cov tsênhz mênhx qir tiv txuz uô muôx yưv têx tsik jông hêik sâu. Uô ntêx ntơư, hnuz xiêz 10/12, ntơưv côngz trênhx tênhv tênhz Nâmk Na 1, nhoz xã Hoang Thèn, huyện Phong Thổ, tỉnh lai Châu, tưz muôx yưv txuz têv nạn laox tôngv, uô 2 lênhx nênhs trâus tuôs, iz lênhx trâus saz./.

(Tsu cxêik nhênhv-Khắc Kiên)

Huyện Sốp Cộp, tỉnh Sơn La nhiv kruôr tsưr tsix ntênhs côngz fur xã Sốp Cộp uô tâu luôs hâux lưv cxiv tsa jêx jok yiêz.

Sốp Cộp zos xã thax tsav II, muôx 17 jok, 1.592 chuôz zis, 5.961 lênhx nênhs. Uô lơưr tsaz yênhx cxiv tsa jêx jok yiêz, Ủy ban, Ban chox kriê jêx jok yiêz xã tưz tso tơưv Nghị quyết, tsưr ziv thiêz têx ntâuz ntơưr fuô kriê, choz hâux lưv trâu yênhx jêx jok; tsi so chox kriê, qênhz yuôx, fuô kriê uô têx hâux lưv. Zos xã muôx ntâu kror jông, zos tsênhv qơư hành chính hâur huyện, hu zâuv tâu ntâu pênhr jos cxiv uô têx côngz trênhx; txix shông 2010 txos nhiv no, xã tưz hu zâuv tâu sđ siz chos gôngr côngv tâu 304 tỷ đeiv (tsôngv px, tsưr tsix, xiz nênhs paz tâu 30 tỷ đeiv) cxiv uô 188 txox cêr mul lok jêx jok; 8 côngz trênhx đêx liv taz por txâuk đêx trâu uô 100% têx liêx blêx; zuôr xar 1.400 chuôz zis muôx vax tsêr jông, tsi yuôr chuôz zis tưs txov nhêv, vax tsêr đaz pêk tuôs; xav kror đruôz đraz shông 2017 tâu zuôr xar 28 tsov đeiv iz lênhx nênhs iz shông.... Trơưk li ntâuk grê, xã Sốp Cộp uô tâu 100% luôs hâux lưv lok cxiv tsa jêx jok yiêz trơưk cui tinhv./.

(KT-Riê Lâux cxeik, nhênhv)

Hnuz 12/12, ntơưv thị xã Nghĩa Lộ, tỉnh Yên Bái, tưz tsưr tsix jênhv txêik thiêz chos 500 tsoz chos pax Anh đào, zos Hội Dô tô Ku ka-Nhật Bản muôz puz ndax trâu cxuô lênhx thành viên tuôx sêiz shuôk tỉnh Yên Bái.

Pax Anh đào zos iz zav pax pir trâu saz hnuz tuôx thiêz zos iz zav pax jông jav hênhr.

Hâur shông 2014, Hội tưz muôz 1 cxênhz tsoz pax Anh đào puz trâu tỉnh Điện Biên; 1 cxênhz tsoz puz trâu tỉnh Yên Bái thiêz tỉnh Hà Gang; Vav thiêz chiê siêz tiêk: Tsôngv px chos tsoz chos pax Anh đào ntơư, zuôr tsưx phưv tâu zos đrêiv tsưr ziv tso tơưv thiêz đhâu 5 shông tov kaz, Hội cxuô lênhx thành viên zuôr tror tuôx sêiz shuôk têx pax chos ntơư thiêz txuôk đros ntâu cêr shir phaz đros trâu tsôngv px sđ sâuv thax tsav./.

(Tsu cxêik nhênhv-Báo Yên Bái)