Hnuz 12/12, ntơưv tỉnh Lai Châu muôx jiês cơưv tiv 7, zos cơưv sik côngv uô côngz xưv nhoz têx tỉnh ntus đriv Lai Châu, Hà Giang, Lào Cai, Điện Biên (Việt Nam) thiêz tỉnh Vân Nam (Trung Quốc). Ntơưv jiês cơưv, hâu nov 4 tỉnh ntus đriv Việt Nam thiêz tỉnh Vân Nam, Trung Quốc tưz cirntơưr ndo njôngr jiês cơưv tiv 7, chor cơưv sik côngv uô côngz xưv nhoz têx tỉnh Lai Châu, Hà Giang, Lào Cai, Điện Biên (Việt Nam) thiêz tỉnh Vân Nam (Trung Quốc) thiêz 5 văn kiện sik côngv uô trâu hâur ntu zuôr txos sâuv thax tsav ntus đriv. Oz tos cux thôngx ziv, jiês cơưv tiv 8, zos cơưv sik côngv uô côngz xưv nhoz têx tỉnh Lai Châu, Hà Giang, laox cai, Điện Biên (VN) thiêz tỉnh Vân nam trung Quốc, zuôr tâu tsưr tsix trâu ntơưv tỉnh Vân Nam, Trung Quốc hâur shông 2020./.

(Khắc Kiên-Lik Thox cxêik nhênhv)

Shông no, huyện Mộc Châu, tỉnh Sơn La tưz paz txưv txeik pênhr, tsưr ziv tsoz phưz tsoz chos, tsiêx tu zus chiê cxiv tsa trâur nuv kôngz nuv trâu 2.700 ziv chuôz zis. Khov tâu paz txưv cxiv tsa têx trâur nuv, tưz cxơưz cxiz têx lênhx nôngx mênhx huôv tsar uô xênhz yar thiêz krêz uô đêz đar trâur nuv kinh têr jông. Mộc Châu tưz muôx 650 ziv chuôz zis nôngx mênhx txơưx uô xênhz yar kôngz nuv tâu mul dưv Phêv ziv njiz têx chuôz zis txơưx tsiv uô xênhz yar kôngz nuv zos tỉnh thiêz huyện tsưr tsix./.

(VOV4- Txâur Vax cxeik nhênhv)

Chiê txo grêk tsơưs chor jiês ntux no chênhr, no njiv têx uô hiêv txos tsiêx cxu hâur chêix ntux no no, tỉnh Lào Cai tưz bax cxix cxuô têx tsưr ziv phax tar ntux no, cux xưk li tsoz phưz đas jos trâu paz tsiêx cxu nhoz têx tiv phaz đros qiv hơưv li txơưr txar. Zơưv Nguyễn Xuân Nhẫn, Phưv giám đốc Sở Kôngz nuv thiêz Huôv tsar jêx jok tỉnh Lào Cai puz pâuz:

“Đros tỉnh Lào Cai mak têx shông tror lok no zênhx muôx drêiv iz tsưr ziv zos Chủ tịch Ủy ban tỉnh tso tơưv zos tsưr ziv phax tar yêiz plaz trâus tuôs nox nhoz tsiêx cxu thiêz tsoz chos. Tiv iz zos qênhz shuôk tsês chiê zav nox, tiv oz zos têx tsêr guôx, tiv pêz zos đros thiêz iz cxiê tuk tsiêx cxu lâul, tsik muôx jos zôngv tsik tâu đas jos mak muôz muôs thiêz tror nriêr cxaz paz tsiêx cxu thâuv ntux sor tuôx”./.

(An Kiên-Lik Thox cxêik nhênhv)