An kiên, nênhs sâu xor xưv Đaix TNVN thax tsav faz Bắc xa mông: Ban chox kriê phax tar moz Covid-19 thị xar Sa pa, tỉnh Lào Cai nhiv kruôr sêi đrơưv xav jênhv, cêv kuôk, njuôk shuôk moz trâu 2 lênhx kruô nênhs Pháp sik đros chêix sâuv yêz za đros lênhx nênhs cik caz moz Sát Cô-vi 2 tiv 34 tuôx ndis shuôk uô si sâuv thax tsav.

Oz lênhx nênhs no tuôx txos trâu thành phố Hồ Chí Minh thâuv 6 six hnuz 3/3, đhâu co tuôx trâu Hội An thiêz muk trâu Thừa Thiên. Txos 8/3, chêix yêz kruô Sao Việt tuôx trâu Sa Pa. Zar hnuz kêix 11/3, chính quyền tiv phaz tưz hêik thiêz xuôk yêz thâux oz lênhx nênhs no muk cêv kuôk, njuôk shuôk moz ntơưv tsêr kho moz đa khoa tỉnh Lào Cai. Xav txos nhiv no, 2 lênhx kruô no cux tsênhv tsik tâu pov muôx moz li chak./.

(An Kiên-Lik Thox cxêik nhênhv)

Txix moz Covid-19 huôv xênhz phiv liv, 2 thax tsav qơư ju lix lox đar nhoz Lai Châu zos thax tsav ju lix ndis seiz tox trôngz hâur pêk ntơưv đơưv Ô Quy Hồ thiêz qox hlâu đhok tsov iêr ntơưv Tam Đường tưz cơư trôngx, tax nduô tsês tsi uô hâux lưv tok tsôngv kruô sđ tuôx ndis shuôs têz qơưk uô si. Iz chas ntơư, qir txix hnuz 11/3, 2 ju lix heik sâuv tưz qir tsi uô hâux lưv chiê paz hâu nov ntơưv qơư phax tir thêir moz Covid-19. Nhiv no, sở tsênhv đros hâu nov cxuô huyện, TP qênhz shuôs zoz qơưx thiêz têx hâux lưv uô lênhk tol kruô tuôx ndis shuôs têz qơưk uô si ntơưv têx qơư ju lix. Khov têx qơư ju lix li têx muôx tsênhz tiês hâur lênhk tol tsôngv kruô; moz têx txơưr txar hâur thax tsav thiêz heik cxuô huyện, xã, taz viv zuôr heik trâu Ban chox kriê phax tar moz tỉnh chiê muôx tsưr ziv kriê tsênhv tsênhz. Zos zuôr trâul txos, taz vviv zuôr nhênhz chơưv trâu tỉnh muôx ntâuz ntơưr heik cov tax tso tsês tsi lênhk tol tsôngv kruô tuôx ndis shuôs ntux uô si, lar heik zos ntơưv têx qơư ju lix côngv thôngx, thax tsav moz zôngx ziv siz cik tâu tiv muôx chôngz nênhs./.

(Khắc Kiên-Riê Lâux cxeik, nhênhv)

Vũ Lợi, nênhs sâu xor xưv Đaix TNVN thax tsav faz Bắc xa mông: Lơưr xor mông txix Ban chox kriê phax tar moz Covid-19 tỉnh Điện Biên, nhiv no sâuv thax tsav tsik tâu pov muôx lênhx tưs trâus moz Covid-19. Xav txos hnuz 10/3, tas nro tỉnh muôx 42 lênhx nênhs tsênhv trâus cuz, hnôngk cik txos têx qơư muôx caz moz. Chor nênhs no tưz tâu têx qơư y têr cêv kuôk, njuôk shuôk moz. Pov 35/42 lênhx nênhs tsik trâus moz Covid-19, tưz jông moz thiêz tơưv tsêr kho moz; 7 lênhx nênhs tsênhv tâu cêv kuôk, chơưv kho, tok sêz moz li chak. Tỉnh zuôr tror sox sêiz jông chor kruô muk lok ntơưv trôngx đriv, sir jos qênhz yuôx chiê phax tar caz moz thiêz hêik pâuz y têr lơưr cui tênhv./.

(Vũ Lợi-Lik Thox cxêik nhênhv)

  Việt Anh, nênhs sâu xor xưv Đeix TNVN xa mông: Đhâu iz ntu so ntêr viv moz Covid-9, txix hnuz xiêz 9/3 têx tsêr cơưv cxênhx 3 thiêz Trung tâm zoz zux thường xuyên hâur thax tsav tỉnh Sơn La tưz tok shux xênhz tror tuôx tsêr cơưv, cơưv ntơưr.

Ciês thâuv têx shux xênhz tror tuôx cơưv ntơưr, tsêr cơưv tưz heik cov têx nhuôs shux xênhz heik trâu tsêr cơưv pâuz lok shux xênhz têx đal jos thiêz nox nhoz, muk trâu thax tsav, suôv qơư tưs lok hâur six hơưv so ntơưr nhiv kruôr đhâu. Iz chas ntơư, phênhv ntâu, shux xênhz tas nro tsêr cơưv tsi pov muôx têx txơưr txar li chas lok đas jos. Chiê trâu qơư nhoz, qơư cơưv truôx tuk, Sở Zoz zux thiêz thox cxov têx huyện tỉnh Sơn La tưz chox kriê cxuô tsêr cơưv nhoz hâur Sở zoz zux thiêz thox cxov, Phongx zoz zux thiêz thox cxov cxuô huyện, TP bax têx tsưr ziv phax tir thêir moz. Chiê taz por tsaz yênhx shông cơưv mak chiê têx shux xênhz tror tuôx tsêr cơưv, cơưv ntơưr zos hâux lưv zuôr trâul txos, lar heik zos têx shux xênhz lớp 12 zuôr muôx six hơưv bax trâu jiês thik cơưv tiêr ntơưr lớp 12 thôngz têz qơưk zuôr txos. Ngênhx zoz zux Sơn La tsưr ziv iz jiês no zos cê taz por trâu tsaz yênhx cơưv, cê bax tâu jông luôs hâux lưv phax tir thêir moz Covid-19 trâu canr bôv, cưk kriê ntơưr thiêz shux xênhz, ndar txos iz tênhx qơư nhoz, kriê thiêz cơưv truôx tuk./.

(Việt Anh-Riê Lâux cxeik, nhênhv)