Zar hnuz kêix 12/4, Đoanx côngz xưv Bộ tư pháp zos Bộ trưởng Lê Thành Long uô trưởng đoanx muôx jiês uô hâux lưv đros tỉnh Điện Biên lok chêx cur uô côngz xưv tư pháp, thi hành án dân sự shông 2017 thiêz quý 1 shông 2018 sâuv thax tsav. Ntơưv jiês uô hâux lưv, đoanx côngz xưv Bộ Tư pháp ntâuk gri siêz tỉnh Điện Biên li têx chêx cur tax tâu hâur côngz xưv chox kriê, cxiv tsa, xav jênhv, qênhz yuôx văn bản quy phạm pháp luật. Taz sik chor thành viên hâur đoanx côngz xưv Bộ tư pháp cux ndax ndênhk hêik tơưv têx phiv liv hâur côngz xưv tư pháp, thi hành án Điện Biên. Bộ trưởng Bộ tư pháp Lê Thành Long hêik mênhx:

“Iz cxiê côngz xưv tư pháp zos tsênhv kik, iz zav li qênhz yuôx văn bản thiêz uô lơưr cuiz tênhv Luật tso tơưv văn bản, xav jênhv chor tsênhv chêi chiê cxiv tsa dự thảo văn bản tỉnh tsênhv kik. Hok chor hâux lưv choz zok lok six ntâu viv li lơưr cur mak tỉnh tsuv tsov cưv paz trâu Sơ tư pháp cxaz nzir xar muôx 2 txos 3 lênhx nênhs chiê uô iz kror hâux lưv zov chênhr zos qênhz shuôk văn bản”./.

(Vũ Lợi-Lik Thox cxêik nhênhv)

Cxôngx hâur shôngk shông 2018 txos nhiv no, tỉnh Yên Bái muôx 350 cxênhz ntâu jiês nênhs moz tuôx seiz njuôs thiêz kho moz ntơưv têx tsêr kho moz, tsênhv qơư y tế sâuv thax tsav, hâur co muôx 40 cxênhz ntâu jiês tsuv nhoz tsêr kho moz chiê kho moz. Đrâiv iz cxiê moz khênhr njiz li: khâuz thuôk, thox plaz, moz tês-tơư-kror ndâux, moz suôz liêz...mak cux sâu jênhv 1 lênhx nênhs tuôs tiv moz vưv; 1 qơư moz kruô tâuv huôv xênhz đros 25 lênhx trâus moz; 1 lênhx moz hlưz tâuz hâu. Cxôngx njuôs xav zuôr muôx têx zav moz huôv xênhz hâur six hơưv hlôngr cheix, nganhx y tế tỉnh Yên Bái tưz cxiv tsa tsưr ziv phax tar têx zav moz cik trâu lênhx nênhs. Hâur co tsov cưv txos côngz xưv yax mông chiê tsôngv box pâuz thiêz chuv tôngv phax tar./.

(Thừa Xuân- Txâur Vax cxeik nhênhv)

Lơưr Đaix njuôk xav qiv hơưv thax tsav faz Bắc, tiv phiv liv txix chuô faz Tây thiêz tsênhv lok trâu saz Đông Nam, hnuz 11/4, yar ntux cuz sor tưz piz muôx nhoz qơư kik thiêz chor ntus đêx tỉnh Sơn La, đros jêx tưv siêz tiv zix txix 35 txos 36 tưv. Njuôk xav yar ntux cuz sor zuôr muôx sâuv thax tsav đar đros jex tưv txix 35 txos 37 tưv, iz cxiê qơư jêx tưv siêz đuô 37 tưv. Jiês yar tux cuz sor têx jâuv zuôr truz ntêr txos hnuz 14/4. Hâur tsar tov qiv hơưv phiv liv li nhiv no, pêx xênhv tsuv uô jông sêiz shuôk đas jos, tiv zix zos chor nênhs lâul thiêz nhuôs zâu./.

(Trấn Long-Lik Thox cxêik nhênhv)

Thâuv 5 six 50 phênhz zar hnuz keix hnuz 11/4, xí nghiệp Yên Viên li luz yêz hlâu zos Nguyễn trọng Yên tsar cxôngx qar tsav yêz Xuân Giao ( Bảo Thắng- Lào Cai) mul lơưr saz Yên Bái đrâu trâus iz lênhx pox niêv tsênhv mul tơư đhâu ntu cêr hlâu uô lênhx nênhs co trâus tuôs ciês ntơưv qơư. Thâuv muôx yưv hâux lưv no, chiz coaz muôx txơưx jênhv cux tưz tuôx seiz car, xav tênhv qir tiv txuz txiêz nanv no./.

(An Kiên-Txâur Vax cxeik nhênhv)