Sơn La nhiv no muôx zuôr xar 200 zav xiv huv tsiv grê, muôs tâu ntâu, zos iz kro zôngx ziv chiê huôv tsar tsaz yênhx “iz xã iz xiv huv jông” (OCOP), tưz hu zâuv ntâu doanh nghiệp, HTX, chuôz zis zuôr muôs uô lax luôv têx xiv huv uz no đros uô. Txos nhiv no, tas nro tỉnh muôx 83 xiv huv kôngz nuv jông hâur thax tsav qơư tâu côngk nhav zos têx huv jông OCOP. Đhâu qênhz shuôs ntâuk grê cxuô têx lênhx nênhs muôx siv huv jông co, têx cui tinhv đhâu thâuv côngk nhav uô tâu jông tsar ndê xav kror đruôz đraz muôx 15% ntâu, muôx kênh taz viv uô tâu ntâu đuô 2 bâus li: HTX 19/5, HTX Quyết Thanh (Mộc Châu), HTX yuôx zêx Phổng Lái (Thuận Châu); têx qơư chos kix đuz Phù Yên....; Ntâu zav xiv huv muôx suôz bê to tưz muôz cêr njênhs njôngr trâu lênhx nênhs sir zôngv hâur thiêz đrâuv luôs 2 chas têz qơưk li: Cà phê Bích Thao, jiz mur Hồ Sâm, yuôx zêx Tà Xùa..... Tỉnh Sơn La xav tinhv, zuôr tror paz max têx doanh nghiệp, HTX têx hâux lưv uô tsênhv uô tsi tâu tâu chiê muôx nzir ntâu zav huv jông. Tỉnh tsưr ziv txos shông 2025, muôx nzir txix 2-3 xiv huv jông OCOP cấp têz qơưk......../.

(VOV4-Riê Lâux cxeik, nhênhv)

Công an tỉnh Lai Châu nhiv kruôr tsưr tsix kriz uô hâux lưv chiê paz tuôr truôx ngaz tuk trâu hnuz bâux xêir têiv plor Côx hôiv khóa 15 thiêz têiv plor hội đôngx cxuô cấp ntu 2021-2026. Lơưr co, lưx lươngv Công an txix tỉnh txos cxuô thax tsav qơư sir jos kriz uô hâux lưv tuôr truôx ngaz tuk; tso tas nro nênhs, chuôz zênhx cxuô zav chiê paz tuôr truôx tâu ngaz tuk trâu jiês bâux xêir thiêz hnuz bâux xêir. Thượng tá Phan Thành Bá, Phưv Giám đốc Công an tỉnh Lai Châu puz pâuz: “Côngz an tỉnh tưz hêik cxuô taz viv sir jos uô ntâu jiês côngz xưv li: sir jos phax tar chor nênhs fêv uô cxâu lok hình sự, chox nênhs muk lok đhâu ntus đriv tsik zos chêi chiê paz tuôr truôx ngaz tuk thiêz tir tar tâu têx phiv liv muôx yưv txix ciês ntơưv cxuô qơư. Đhâu co paz muôx tâu ngaz tuk trâu jiês bâux xêir, tsik chiê muôx yưv têx phiv liv txơưv tiêk lok six zâu xưz”./.

(TTTB-Lik Thox cxêik nhênhv)

Cơ quan Cảnh sát qênhz yuôx, Công an huyện Bắc Hà,  tỉnh Lào Cai nhiv kruôr tso tơưv quyết tinhv tik cêr cxâuv trâu Vax Seo Vềnh, xênhz shông 2001, nhoz ntơưv jok Bản Pấy, xã Hoàng Thu Phố, huyện Bắc Hà, tỉnh Lào Cai lok sâuv tuô nênhs. Uô ntêx ntơư, thâuv iz six iz tas hmo hnuz xiêz 5/5, Công an huyện Bắc Hà txeik tâu Công an xã Hoàng Thu Phố mông heik pâuz lok lênhx nhuôv Vax Seo M, xênhz shông 2018, nhoz jok Bản Pấy, xã Hoàng Thu Phố trâul tuôs, tsi pâuz tsênhz qir tiv zos viv li chas; đhâu ntơư têx công an tưz zênhx max sik đros qênhz yuôx, yơưz phơưz. Lênhx nênhs fêv tâu xav zos lênhx nhuôv M ntơư tus tix lâus côngv iz tus txir tsi côngv niêv, muôx bê hu uô Vax Seo Vềnh co tuô. Đhâu thâuv co tsi ntêr, lưv lươngv muôx vax huôv qênhz pov, ntêk tâu Vềnh thâuv luz six hơưv tsênhv tso têk khiêr gâuvntơưv xã Sín Chéng, huyện Si Ma Cai (Lào Cai) chiê chox lok ntơưv Công an qơư uô hâux lưv qênhz nus, uô tsênhz mênhx. Ntơưv no Vềnh krêz lênhk tiêk, tiv muôx ntâu cêr qiv, tsi jông siêz trâu zuk lênhx txir zos Vax Seo Chả thâuv pheiz chuôz zis têx ar liêx têz, viv li Vềnh tưz xar tsưr ziv muôz tus cưr  (M) tuô chiê tâu sơưv têx ar liêx têz ntơư. Nhiv no, txuz plâuz co tsênhv tror tâu qênhz yuôx, uô tsênhz mênhx./.

(An Kiên-Riê Lâux cxeik, nhênhv)

Đros moz Covid-19 li phiv liv, tiv zix zos tưz muôx iz cxiê jiês yêz muk lok cik txos chor nênhs moz Covid-19, viv li, nganhx Zoz thôngz vận tải tỉnh Yên Bái tưz sir jos kriz uô nzir têx tsưr ziv chiê tuôr truôx ngaz tuk, phax tar caz moz sâuv têx yêz, qơư muôx chôngz nênhs li hêik tas nro chor nênhs tsar yêz, nhân viên thiêz cxuô lênhx nênhs tsuv chox đêiv bos kror ndâux hâur qơư tsar đrêk yêz, sâuv yêz. Tsưr tsix njuôk shuôk caz moz trâu nênhs tsar yêz thiêz nhân viên đros trâu chor kruô sâuv yênhx jiês yêz muk lok... Zơưv Lê Tuấn Giang, Trưởng phongx sêiz car Vận tải, chuôz zênhx thiêz nênhs tsar yêz-Sở Zoz thôngz Vận tải tỉnh Yên Bái hêik: “Sở muôx zalo txuôk txix Sở đros trâu tas nro têx tsêr yêz chiê kriz uô tâu sêi têx cui tênhv lok phax, tar caz moz hâur hâux lưv thâux xa kruô. Sở cux choz trâu chor lưx lươngv Thanh tra zoz thôngz kriz uô lơưr têx chêi lok phax tar caz moz. Côngz xưv qênhz yuôx, hêik pâuz mak tsik so tâu sir jos uô ntơưv têx qơư tsar đrêk yêz  thiêz taz viv thâux xa kruô muk lok”./.

(Thừa Xuân-Lik Thox cxêik nhênhv)