Lol nas ntêr cxôngx hmo 11 txos zar hnuz keix hnuz 12/8, tưz uô tox poz lox ntơưv niêv cêr 4G, ntu xã Nà Ớt huyện Mai Sơn, tỉnh Sơn La uô zaoz thôngz mul lol tsi tâu. Niêv cêr 4G zos txox cêr zaoz thôngz tsênhv mul cxôngx TP Sơn La mul têx huyện Sông Mã, Sốp Cộp, tỉnh Sơn La, viv li yêz mul lol ntâu đhâu. Ciês thâuv muôx tox poz, têx lưx lươngv muôx txơưx jênhv tưz tuôx chiê heik kriê têx yêz mul lol cov taz por cux xưk li thoz huk têx ar, poz jêz poz lol hâur cêr./.

(Trấn Long- Txâur Vax cxeik nhênhv)

Muôx nhos 7 six tsâuk ntux hnuz 11/8, tix lâus Lương Thanh Thưởng, xênhz shông 2002 zôngv yêz meir thâux Thưởng Pos zos Cổ Thị Nín, xênhz shông 1948 (hur si 2 lênhx pos cư puôr lênhx nhoz ntơưv jok Nậm Cằm, xã Nghĩa Đô, huyện Bảo Yên, tỉnh Lào Cai), muk sâuv txox cêr lox 153 txix Nghĩa Đô muk trâu huyện Bắc Hà. Tsênhv thâuv muk tâus cêr, txos ntu cêr ntơưv cêik cêr 58+500 hâur jok Nậm hu, xã Tân Tiến, huyện Bảo Yên txơưv muôx ar, poz jêz xưz poz sâuv tsas cêr siêz lok cxuz tas hur si 2 pos cư.

Đhâu hlo thâuv txeik tâu mông, hâu nov xã tưz chox kriê, hux jos đros têx lưv lươngv zok nriêr, chơưv paz 2 pos cư heik co, iz chas ntơư yêik txar têx chuôz zis tsôngv box nhoz jê iz ndis muk nhoz qơư truôx tuk. Đhâu sir jos khơưz huk têx ar, poz jêz zok nriêr, chor lưv lươngv ntơưv qơư tưz zok nriêr pov 2 pos cư cxuz hâur têx ar, poz jêz thiêz qir uô ntâuz ntơưr choz zok lênhx nênhs trâu chuôz zis uô đaz uô kruô./.

(An Kiên-Riê Lâux cxeik, nhênhv)

Tas cik hnuz 12/8, ntơưv jos Co Sáng, xã Quài Nưa, huyện Tuần Giáo tỉnh Điện Biên muôx yưv txiêz nanv tênhv tênhz, uô cuz tas zơưv Quàng Văn Vụ muôx 51 shông li luz tsêr lơưx nhiv kruôr cxiv uô tâu yiêz. Tiv muôx chuô lox, tas nro luz tsêr lơưx 3 qar ziv trâus cuz sei đuô. Tsôngv box, têx lưx lươngv muôx txơưx jênhv xã tsi muôx chuôz zênhx phax tuô cuz viv li đhâu muôx nhos 1 six hơưv luz tsêr tưz trâus cuz tas hur si. Ruôr hiêv njuôs xav muôx nhos 500 tsov đeiv. Tâu pâuz no zos luz tsêr yiêz tâu zơưv Vụ chuôz zis nhiv kruôr cxiv uô tâu kuôk nor 3 luz hlik, tsi tâu lol nhoz taz sik nhiv no tưz trâus cuz nhiêz tas lơưv./.

(Vũ Lợi- Txâur Vax cxeik nhênhv)

Bộ Chỉ huy quân sự tỉnh Lai Châu tưz tsưr tsix cơưv zuôr chênhz zênhv, khưx phưx têx tsi jông tiv ntux uô hâur thax tsav tỉnh 6 luz hlik hâur shôngk shông 2018.

Six hơưv đhâu, canr bôv, chiến sĩ lưv lươngv vũ trang tỉnh tưz khưx phưx têx phiv liv, phuôx huiz lênhx tuz lênhv zơưv Hloz Hôx têx cêr nênhx jông viv tsôngv lax px hâur cheix ntux nas chuô, paz truôx tuk luz nênhx nox nhoz trâu tsôngv box. Cxuô cơ quan, taz viv zuôr tror tuôr truôx, uô đreiv cxuô cấp luôs hâux lưv seiz jor, qênhz shuôs lok phax tar ntux uô hiêv; bax cxix cxuô têx chuôz zênhx, lênhx nênhs tsês thâuv tưs hu txos thiêz zuôr trâul txos mak zênhx max lês uô tâu têx hâux lưv co, chox kriê têx taz viv tsưr tsix cơưv shâuv têx tsưr ziv phax tar đêx nas chuô, phax tar tơưs cuz thiêz tsưr tsix cơưv shâuv lok phax tar đêx nas hloz, zok nriêr chơưv paz lênhx nênhs ntơưv têx thax tsav qơư tsênhv yuôr trơưk tsưr ziv kriê. Bax tsưr ziv qênhz shuôs qênhx shênhx hâur thax tsav, chuôz tsar tiês qênhz yuôx thiêz zênhx max nhênhz chơưv trâu cấp ủy, hâu nov ntơưv qơư tsưr tsix uô jông têx tsưr ziv phax tar đêx nas chuô, zok nriêr chơưv paz lênhx nênhs zos thâuv tưs muôx yưv têx tsi jông./.  

(KT-Riê Lâux cxeik, nhênhv)