Đhâu 7 shông uô tsaz yênhx tsưr ziv têz qơưk lok cxiv tsa jêx jok yiêz, xar Chiềng Ngần-zos xar uô kaz ciês nhoz thành phố Sơn La, tỉnh Sơn La tưz uô tiêr cxiv tsa jêx jok yiêz. Ntu đhâu, xar tưz muôx ntâu sir jos thiêz tưz uô tiêr 19 luôs hâux lưv tax ploz tsênhr jêx jok yiêz. Hâur co, xar tưz huiz tôngv tex pênhr jos tâu xar muôx 36 tiv đêiv. Têx côngz trinhx zoz thôngz jêx jok, cxiv luôs đêx liv tâu yưv pênhr cxiv uô tưz paz tsar tov trâu pox nhuôs huôv tsar uô xênhz yar, chor nênhs muôx hâux lưv uô tsik so hâur xar muôx 95% ntâu, phênhv sâu lênhx nênhs hâur xar tax tâu muôx 32 triệu đêiv ntâu iz shông, chor chuôz zis pluôs hâur xar grêk tsơưs txos yuôr 1,9%./.

(VOV4-Lik Thox cxeik, nhênhv)

Muôx iz xor mông jông trâu pox nhuôs nhoz huyện Văn Bàn- tỉnh Lào Cai, co zos cêr Dương Quỳ- Nậm Chày zuôr tâu choz lok sir zôngv hâur 3 luz hlik hâur shôngk shông 2020 zuôr txos chiê pox nhuôs tos tsêz yiêz 2020. Dự án kho đuô cêr Dương Quỳ-Nậm Chày, huyện Văn bàn muk đhâu têx xã: Dương Quỳ, Nậm Chày thiêz Dần Thàng, ntêr 14 cei cêr, đar 5 yiv. Tas nro pênhr yưv uô cêr zos zuôr xar 44 tỷ đeiv. Côngz tsinhx tâu krêz uô thâuv hli 8 tsêz no, zos cêr muôx ziz njiêz lox chiê tsôngv box mul lok./.

(VOV4- Txâur Vax cxeik nhênhv)

Lơưr Ủy ban huyện Lục Yên, tỉnh Yên Bái hêik pâuz, tas nro huyện muôx 9.800 lênhx nênhs tsik pâuz ntơưr. Chiê cêir chêx qênhx shênhx no, hâur shông 2017-2018 huyện Lục Yên tưz kriz 3 lớp kriê cxuôv tsik pâuz ntơưr trâu 95 lênhx nênhs, shông 2019 lơưr tsưr ziv zuôr kriz 6 lớp. Ntu zuôr txos, huyện Lục Yên tror qênhz yuôx chor nênhs tsik pâuz ntơưr chiê yax kriê, hêik sơưr đơưk cxaz chuôz cơưv chor lớp cxuôv đis muôs ntơưr; sir jos txos shông 2020 tax ploz tsênhr cxuôv đis muôs ntơưr ntơưv 22/24 xar, thị trấn thiêz paz trâu930 lênhx nênhs mênhx cxưx tsơưs nênhs pâuz ntơưr, paz trâu chor nênhs pâuz ntơưr nhoz hnuz nhôngs txix 15-60 shông./.

(VOV4-Lik Thox cxêik nhênhv)

Zơưv Diệp Văn Chính, giám đốc Ban coar lik qơư por hưv trôngz jôngr ntông Mường Nhé, tỉnh Điện Biên puz pâuz, taz viv nhiv kruôr đros Công an, Hạt qênhz jôngr, chinhr quyênx xã Chung Chải (huyện Mường Nhé) tso 13 tul vuôz ciz tror mul trâu har jôngr xuz tsuô. 13 tul vuôz ciz no hnhar 35 cir, tâu Ban coar lik jênhv cxôngx hạt qênhz jôngr huyện Nậm Pồ cxôngx hnuz 31/7. Txos nhiv no 13 tul vuôz ciz no muôx jông đas jos thiêz tưz shưv đros trôngz jôngr xuz tsuô nhoz no. Vuôz ciz no tâu cui tênhv por vêv ntơưv Chinhr phuv li nghị định 32 lok coar lik, por vêv têx tsiêx cxu tsiv gri pêv har jôngr./.

(VOV4- Txâur Vax cxeik nhênhv)

Đônx pênhz phax Si Ma Cai-Bôv đôiv pênhz phax tỉnh Lào Cai nhiv kruôr tso tơưv cuêz tênhv khởi tố txuz án hình xưv cik xos jêik tsês chiê zênhz đơưz tsik zos chêi sâuv thax tsav. Uô ntêx co, ntơưv thax tsav jok Phố Cũ, xar si Ma Cai, huyện Si Ma Cai, tỉnh Lào Cai, tổ côngz xưv Đônx pênhz phax Si Ma Cai tưz pov cxov tâu iz lênhx pox niêv jêik chiê zênhz đơưz. Lênhx nênhs co zos Chư Xênhv Shôngx, zus shông 1992, hêir nênhs Hmôngz, nhoz ntơưv jok Phố Mới, xar Si Ma Cai, huyện Si Ma Cai, tỉnh Lào Cai. Chor zênhz đơưz Chư gra đros hnhar muôx 9,48g krưr hâur luz hnaz tax tsês hâur khâuz hnaz trik. Chư hêik tiêk tưz zuôr chor zax zênhz co lok chiê muôs zuôr liv, thâuvtsênhv gra zênhz muk muôs chêk trâus cxov. Muôl muôs, jêik chiê cxuô zav tsơưr zax zênhz zos kror uô cxâuv cêr chêi têz qơưk, tsôngv pox nhuôs sơưr đơưk txar jav./.

(An Kiên-Lik Thox cxêik nhênhv)