Xav txix 12 six tar su hnuz 12/9, tỉnh Sơn La tror tso chêi trâu iz cxiê zav dịch vụ ntơưv têx huyện, thành phố, yưx huyện Phù Yên (tiv luz huyện no tsênhv kriz uô cêv kuôk xar hôiv lơưr Thủ tướng Chính phủ li Chỉ thị 16 thiêz 15) tror tâu kriz kror trôngx huôv tsar uô nox. Têx dịch vụ tâu chêi tror huôv tsar uô nox zos: txiêr plâuz hâu, tsâus plâuz hâu, uô khax, taz sik tsik tsuv nhoz uô cê chôngz đuô 10 lênhx nênhs tror sâur. Têx hâux lưv li thể dục, thể thao, chêix yêz tuôv, ntâuk tik kêiz, bóng bàn, tenis, golf, gym, yoga cux tâu tso chêi uô; taz sik, tsik tsuv nhoz uô cê chôngz đuô 20 lênhx nênhs tror sâur. Ciês thax tsav Quảng trường Tây Bắc mak txưr cxuô kror hâux lưv li muk tơưv, uô si txos thâuv muôx hêik pâuz yiêz. Chor tsêr cơưv Cao đẳng, Trung cấp, cxuô qơư thox cxov, kruôz kriê hâur ntu uô hâux lưv tsuv uô truôx jông lơưr têx cui tênhv lok phax, tar caz moz Covid-19 lơưr Chinhr phuv, cxuô bôv, nganhx, cơ quan y têr thiêz tỉnh tưz hêik kriê./.

(Trấn Long-Lik Thox cxêik nhênhv)

Xor mông cxôngx nganhx muôx txơưx jênhv tỉnh Lào Cai puz pâuz: txos nhiv no, têx hax huv kôngz nuv li txir thanh long, txir tsơưz...tâu yêz container muôz uô txiêk thâux muôs trâu saz Trung Quốc tsênhv muk tsi tâu đhâu trôngx đriv viv saz Trung Quốc tsi thôngx ziv. Uô ntêx, tsuôk têx yêz thâux xiv huv kôngz nuv fênhx yax thiêx tâu muk đhâu ntơưv trôngx đriv Kim Thành xưz. Xav cxôngx hnuz 29/8 txos nhiv no, đhâu zuôr xar 2 ciêz tâu tso chei tror muk lok, nhiv kruôr muôx 80 ntâu yêz teiv thâux muôx nhos 2 cxênhz 400 tênhr txir tsơưz muk đhâu tâu ntus đriv. 100% chor txir tsơưz no puôr lênhx zos tỉnh Lào Cai li./.

(An Kiên-Txâur Vax cxeik nhênhv)

Lơưr Cơ quan Công an têx ntâuz ntơưr, kaz hli 12/2020, tiv tsik muôx nhiêx chiê zuôr zax zênhz lok sir zôngv, Lý A Thù (zus shông 1993) tưz zâuv Lý A Xu (zus shông 1986), sik đros nhoz ntơưv jok Pú Nhu Háng Sung, xar Lan Pán Tẩn, huyện Mù Cang Chải (Yên Bái) muk trâu Công ty cổ phần huôv tsar du lịch njuôz Thịnh Đạt nhoz sâuv thax tsav chiê nhiês 11 zar kuôr hlâu. Thâuv tsênhv chox muk muôs chêk trâus lưx lươngv muôx vax huôv pov, cxov tsês. Tòa án huyện Mù Cang Chải tưz tso tơưv cuêz tênhv xưv bluô Lý A Thù 8 luz hli cơư tux, Lý A Xu trâus xưv bluô hành chính. Taz sik hâur ntu tik cêr cxâuv co, Lý A Thù tưz khiêr gâuv tsik uô trơưk têx xưv bluô co. Txos hnuz 6/9/2021, pâuz zuôr tsik điv zuk kror cxâuv viv li Lý A Thù tưz  tuôx trâu Công an huyện chiê hêik pâuz thiêz jênhv zuk têx uô cxâuv./.

(TTTB-Lik Thox cxêik nhênhv)

Phongx phax tar zax zênhz thiêz nênhs phamv cxâuv, Bộ đội pênhz phax tỉnh Điện Biên nhiv kruôr đros Phongx cảnh sát qênhz yuôx nênhs phamv cxâuv lok zax zênhz, Công an tỉnh Điện Biên ntês 2 lênhx nênhs muôv muôs zax zênhz, sâu tâu 60 cxênhz ntâu njiêr zax zênhz shơư yuôx. 2 lênhx nênhs no jênhv zos Pà Xênhv Zax xênhz shông 1984 nhoz jos Nậm Xả, xã Mường Toong, thiêz Sinh Xênhv Vưx xênhz shông 1985 nhoz jos Nậm Pồ, xã Mường Nhé, huyện Mường Nhé, tỉnh Điện Biên. Uô ntêx co, Pà shưv iz lênhx nênhs Lào muôx zax zênhz muôs thiêz Pà tưz zâuv Sinh muôs 20 tul nhux đas, gôngr tâu 270 tsov đeiv chiê muk thax tsav ntus đriv nhoz huyện Điện Biên zuôr zax zênhz thâux muk tỉnh Lai Châu muôs. Thâuv jênhv tâu zax zênhz, Pà thiêz Sinh tsênhv thâux muk muôs txơưv trâus lưx lươngv muôx txơưx jênhv pov thiêz ntês, hâux lưv no tsênhv tror tâu qênhz yuôx uô cov tsênhz mênhx./.

(Vũ Lợi-Txâur Vax cxeik nhênhv)