Ndaz ndơưv chiv nhênhv 40 shông tơưv txênhz por vêv ntus đriv faz Bắc ( 17/2/1979-17/2/2019), hnuz 13/2 đoanx teiv plor Hội bộ đội lâuk tỉnh Lào cai tưz tsưr tsix mul hlơưr shaz ndo txos têx zênhz shôngx liệt sỹ ntơưv qơư nza liệt sỹ phường Nam Cường, đrôngs Lào Cai. Đoanx teiv plor cux mul seiz nus, khơưk muôz huv trâu têx lênhx bộ đội lâus cxaz chuôz tơưv txênhz por vêv ntus đriv tsênhv nhoz uô nênhx ntơưv đrôngs Lào Cai. Zơưv Lương Văn Sơn, Chủ tịch hội bộ đội lâuk tỉnh Lào Cai puz pâuz:

“ Têx huôx tôngv no chiê heik tơưv siêz uô tsâus ntâu, ndo txiêx njik đros têx zênhz shôngx liệt sỹ thiêz têx lênhx bộ đội lâuk hâur jiês tơưv txênhz por vêv ntus đriv faz bắc; thôngx cxix tso pov mênhx cxưx li cêr chax chês jông, pov Đảng thiêz têz qơưk li chính sách zos thâuv tưs cux ndo txos têx lênhx nênhs tâu tas siv nênhx viv têz qơưk li têx côngz lox”./.

( An Kiên- Txâur Vax cxeik nhênhv)

Hâur ntu  zok nriêr cxov lênhx nênhs fêv zuôr muôs zax zênhz, Trung uý Kiều Xuân Mạnh, công an huyện Mộc Chau, tỉnh Sơn la tưz trâus lênhx nênhs fêv zuôr muôs zax zênhz muôz fov tuô trâus zơưv Mạnh ndêx puôz. Xav txos trâu nhiv no, zơưv Mạnh tưz jông jux juk, têx jiês cux zuôr tơưv tsêr kho moz trâu têx hnuz tsik ntêr sâu. Zơưv Vi Hồng Kỳ, thơưx sêiz car tsêr kho moz huyện Mộc Châu, tỉnh Sơn la hêik pâuz: “Pêz cux muôz zav yuôx kháng sinh chox lok chơưv kho lênhx nênhs trâus moz thiêz pêz cux fêik, nzuôr cov luz kror cxaz co tsik cxoz vôngk. Nhiv no, lênhx nênhs trâus moz co tưz muôx đas jos thiêz jông jux juk thiêz pêz zuôr tso tơưv tsêr kho moz trâu têx hnuz tsik ntêr sâu”./.

                                                      Tsu cxêik nhênhv-Trấn Long

Zar hnuz keix hnuz 13/2, Chiz coaz cảnh sát qênhz yuôx, công an tỉnh Điện Biên tưz tsưr tsix qênhz yuôx Trần Văn Công li tsêr nhoz ntơưv xã Thanh Nưa, huyện Điện Biên, tỉnh Điện Biên. Lênhx nếnh tiv 2 njuôs xav muôx lênhx coaz txos txuz lênhx nxeik Cao Mỹ Duyên trâus tuô tuôs mak xã hội nhiv no lênhx tưs cux tsov cưv txos. Kror tsuv tsov cưv zos, Trần Văn Công zos tul pox niêv muôx bê hu Thu no li tul txir ( zos lênhx nênhs xuz thơưx pov Cao Mỹ Duyên tuôs ntơưv guôx buô); thôngx cxix cux zos tsưr tsêr luz tsêr nriêr tâu Cao Mỹ Duyên li tul tix lâuk. Đhâu thâuv pov muôx nyar sâuv Trần Văn Công li luz yêz ô tô, chêx cuk njuôs siv zos Cao Mỹ Duyên li nyar./.

(Vũ Lợi- Txâur Vax cxeik nhênhv)