Đại hội Đảng bộ sở kế hoạch thiêz yưv pênhr tỉnh Sơn la jiês tiv 5, ntu 2020-2025 tưz cơưv suôx câuv. Ntơư zos Đại hội kriz cơưv uô ntêx ntơưv Đảng bộ cấp sở nhoz tỉnh Sơn La. Iz chas chor đại biểu chính thức, cux tsênhv muôx 60 ntâu lênhx bí thư, phưv bí thư nhoz xuô Đảng bộ tỉnh tuôx đros cơưv Đại hội. Hâur jiês cơưv đại hội, cxuô lênhx đại biểu cux bâux xêir tâu Ban chấp hành đảng bộ jiês tiv 5, ntu 2020-2025, muôx 7 lênhx; zơưv Đặng Ngọc Hậu, tror tâu bâux xêir uô bí thư Đảng uỷ; bâux xêir tâu đoanx đại biểu muk cơưv Đại hội đại biểu Đảng bộ cxuô cơ quan tỉnh thiêz bâux xêir tâu uỷ ban qênhz yuôx Đảng uỷ-phưv sêiz car qênhz yuôx Đảng uỷ ntu 2020-2025./.

 (Tsu cxêik nhênhv-Trấn Long -Thào Ly)

Chiv kôngz ntux tsâus yiêz 2019-2020, tas nro tỉnh Yên Bái tsêz chos 18.780 ha liêx têz blêx, njuôk xav zuôr sâu tâu nhos 5 tênhr ntâu iz ha, tâu nhos 98 cxênhz tênhr. Chiê tsôngv px tsi zôngv ntâu zav nôngz blêx tsêz chos hâur iz chiv, uô phiv liv trâu hâux lưv chox kriê uô kôngz, tu, phax tar têx caz hmoz tho nox, lêis sâu, ngênhx Kôngz nuv Yên Bái tưz muôz têx nôngz blêx fiv đros li: Nôngz blêx txuôv (Nhị ưu 838, Nghi hương 305....) thiêz chor nôngz blêx li: Hương chiêm, Séng cù... lok tsêz chos. Txos nhiv no, tas nro tỉnh Yên Bái tưz tsêz tâu nhos 70% ntâu têx liêx têz, yuôr đuô li tsênhv tâu cxuô thax tsav qơư sir jos fuô uô cov tâu trơưk li cheix chiv./.

(Thừa Xuân-Riê Lâux cxeik, nhênhv)

Txix cxuô tsênhv qơư têx xor mông hêik lok uô jông luôs hâux lưv uô tir thêir caz moz côrôna hâur thax tsav cxuô tỉnh faz Bắc thiêz hauar ciêz zuôr txos no, cxuô luz tsêr cơưv nhoz cxuô tỉnh faz Bắc zuôr tror tso shuv xênhz tuôx trâu tsêr cơưv chiê cơưv ntơưr. Ntơưv tỉnh Điện Biên, cxuô lênhx shuv xênhz lok tsuôk tsênhv taz tov muk so nox tsiêz thiêz thâuv tưs tsêr cơưv muôx ntơưr hu mav li tror tuôx trâu tsêr cơưv. Ntơưv tỉnh Yên Bái, cxuô luz tsêr cơưv cux tror tso shuv xênhz tuôx trâu tsêr cơưv txix hnuz 17/2/2020. Đros ntơư, chor lênhx cưk kriê nhoz cxuô luz tsêr cơưv ntơưr tsuv uô jông luôs hâux lưv tir thêir tsik chiê cik caz moz trâu shuv xênhz thiêz cưk kriê ntơưr./.

(Tsu cxêik nhênhv-Tây Bắc -Thào Ly)

Tas cik hnuz 13/2, cxuô thax tsav qơư hâur tỉnh Điện Biên tưz iz cxix uô ntênhs choz zok têx tuz lênhv yiêz shông 2020. Chor tuz lênhv yiêz hâur tỉnh Điện Biên shông no zuôr tâu choz trâu Trung đoàn 82, Quân khu 2, Bộ chỉ huy Quân sự tỉnh Điện Biên thiêz Bộ chỉ huy Bộ đội pênhz phax tỉnh Điện Biên lênhk nhav, car seiz. Chor hluôk nênhs muk uô tuz lênhv yiêz jiês no ntơưv Điện Biên muôx hnuz nhôngs txix 18-27 shông, đas jos jông, hâur co 54% ntâu lênhx tưz cơưv tas ntơưr cxênhx 3, 4% cơưv tas ntơưr Cao đẳng, Đại học. Ntơưv ntênhs choz zok tuz lênhv, chor tuz lênhv yiêz puôr lênhx jông siêz, shir phaz lus sơưr cêr muk tsưx phưv têz qơưk, zuôr sir jos muk cơưv shâuv, uô tiêr cxuô luôs hâux lưv tâu zok muôz hâur cxiv tsa thiêz por hưv têz qơưk./.

(Vũ Lợi-Riê Lâux cxeik, nhênhv)