Hnuz 13/6, Ủy ban huyện Mường Nhé, tỉnh Điện Biên tsưr tsix jiês hêik pâuz thiêz khơưk muôz Côngz jênhv di sản vênhx huôv phi vật thể cấp têz qơưk đros thiêz mênhx cxưx Hà Nhì ntơưv xar Sín Thầu, huyện Mường Nhé li ntênhk Gạ Ma Thú (lok sik tsênhv hu uô ntênhk txi côngv jêx jok).

Ntênhk Gạ Ma Thú zos iz hâur nênhs Hà Nhì li têx di sản vênhx huôv jông tsik so tâu tsưr tsix trâu hli 2 zênhz lix yênhx shông. Ntênhk Gạ Ma Thú hêik txos ntâu kror hâur nênhs Hà Nhì li luz nênhx kinh têr, vênhx huôv, xar hôiv chiê ndar lok chax chês, uô tsâus txos cxênhx nênhs uô ntêx tưz muôx côngz cxiv tsa, por vêv jêx jok thiêz thor iz shông yiêz muôx ntux yar ntux nas huv đros, sâu tâu kôngz lôngk ntâu, pêx xênhv jêx jok muôx jos, cxuô zav hloz lox jông, uô nox huôv tsar./.

(Vũ Lợi-Lik Thox cxêik nhênhv)

Lưx lươngv txơưx jênhv Yên Bái nhiv kruôr qênhz yuôx luz yêz thâux kruô biển số 24B-009-29 txix txox cêr muk chênhr Nội Bài-Lào Cai lok trâu thành phố Yên Bái zos Lê Quang Minh, zus shông 1977, nhoz ntơưv xar Thanh Vinh, thị xar Phú Thọ, tỉnh Phú Thọ tsar. Đhâu qênhz yuôx, pov sâuv yêz thâux ntâu zav hax huv li têx txir kruôr, chuôz zênhx điện tử, kê tênhz, fiêz…zos Trung Quốc uô. Ntơưv six hơưv qênhz yuôx, nênhs tsar yêz tsik muôx ntâuz ntơưr tưs lok têx hax huv no, lưx lươngv txơưx jênhv tưz cxov tsês chor hax huv hêik co chiê tror qênhz yuôx, xưv lik lơưr cêr chêi têz qơưk./.

(KT-Lik Thox cxêik nhênhv)