6 cán bộ nhoz Tiểu đoàn huấn luyện-cơ động, Bộ chỉ huiz Bộ đội pênhz phax tỉnh Lai Châu nhiv kruôr trâus kỷ luật Đảng tiv uô cxâuv cui tênhv lok lênhs tov, chox kriê, coar lik, uô txơưx jênhv, jênhv vưv công vụ, cui tênhv lok coar lik nhiêx txiêx. Tsênhz mênhx, cxôngx hâur shôngk shông 2021 txos nhiv no, Tiểu đoàn huấn luyện-cơ động, Bộ chỉ huy Bộ đội pênhz phax tỉnh Lai Châu tưz tsưr tsix sâu nhiêx txiêx tsi trơưk cui tênhv chiê zuôr chuôz zênhx trâu chiến sĩ yiêz, taz sik têx chuôz zênhx heik sâuv puôr lênhx tưz tâu têz qơưk muôz./.

(TTTB-Txâur Vax cxeik nhênhv)

Tas cik hnuz 13/7, ntơưv Sở Y tế tỉnh, Ủy ban tỉnh Yên Bái uô ntênhs tso lênhx nênhs muk paz TP HCM phax tir thêir moz Covid-19. Đoanx côngz xưv muôx 44 lênhx nênhs, hâur co 12 lênhx bác sĩ, 30 lênhx cưk yuôx, 2 lênhx kỹ thuật muk paz max Tp HCM uô luôs hâux lưv phax tar moz Covid-19. Co zos chor canr bôv, bác sĩ, nhân viên ngênhx y tế tỉnh Yên Bái tâu xeir tsov, muôx txux chi, tsưr ziv uô nuv seiz njuôk shuôs, kho moz. Đoanx li hâux lưv zov chênhr zos kho chơưv kho moz, yơưz phơưz chor nênhs tâu nhoz jê đros nênhs moz, tso nyar seiz njuôk shuôs caz moz Covid-19 ntơưv têx qơư kuôk cêv thiêz tsêr kho moz tsês trâu têx lênhx nênhs moz Covid-19 thiêz chor nênhs tâu xav tiêk zôngx ziv trâul cik tâu moz. Six hơưv muk paz max TP HCM xav txix hnuz 13/7 txos tax thâuv tưs TP HCM phax tir thêir tâu moz gênhk./.

(Báo nhân dân-Riê Lâux cxeik, nhênhv)

Chor lênhx nênhs y tế nhoz qơư seiz car tiê thêir moz Covid-19 ntơưv cêik cêr 237 nhoz cêr muk chênhr Nội Bài-Lào Cai nhiv kruôr qênhz pov thiêz yưr lir 1 lênhx nênhs trâus moz Covid-19 uô ntêx thâuv lênhx nênhs no tuôx txos thành phố Lào Cai. Nênhs moz zos iz lênhx txir nênhx tsar yêz, xênhz shông 1977, nhoz An Nhơn, Bình Định, khênhr thâux hax huv cxôngx faz Nam tuôx Lào Cai chiê muôs tơưv trâu saz Trung Quốc. 2 jiês uô ntêx tuôx txos Lào Cai lok hnuz 20/6 thiêz 26/6, chêx cuk njuôs siv sei lênhx nênhs no tsi muôx caz moz. Taz sik, lok hnuz 12/7 chêx cuk njuôs siv ho pov muôx caz moz. Uô ntêx, nênhs moz tưz tâu chox muk tsêr kho moz đa khoa tỉnh Lào Cai chiê yưr lir; đhâu co tâu xa lok tsêr kho moz Nhiệt đới Trung ương chiê kho moz./.

(VOVTB-Txâur Vax cxeik nhênhv)

Tror uô luôs hâux lưv sơưr tơưv txênhz phax tir thêir têx nênhs fêv uô cxâuv chei têz qơưk, Công an tỉnh Điện Biên nhiv kruôr ruôr por tsês tâu iz txuz zuôr muôs, uô luôv zax zênhz lox, sâu tsês tâu 60 poz zênhz đơưz. 2 lênhx nênhs trâul ntêk tâu zos Đruôl Xênhv Vưx, xênhz shông 1970 thiêz Nu Xênhv Hav, xênhz shông 1991, puôr lênhx nhoz uô cê ntơưv jok Pha Thanh, xã Mường Nhà, huyện Điện Biên, tỉnh Điện Biên. Têx chuôz zênhx sâu tâu muôx 60 poz zênhz đơưz, 2 luz yêz meir, đros trâu ntâu zav chuôz zênhx txơưr đuô cik txos. Ntơưv Cơ quan Công an, 2 lênhx nênhs no krêz lênhk tiêk, tưz zuôr chor zax zênhz heik sâuv ntơưv thax tsav đriv têz Việt Nam-Lol Tsuôk lol, tsênhv taz tov thâux gra muk muôs txơưv trâul qênhz pov thiêz ntêk tâu. Nhiv no txuz nuv co tsênhv tror tâu qênhz yuôx, uô tsênhz mênhx./.

(CTV-Riê Lâux cxeik, nhênhv)