Hnuz 12/11, hâur huôx tôngv sik njiz sik thav côx phax Việt Nam- Nhật Bản tsưr tsix cxôngx hnuz 10 txos 16/11/2019 ntơưv Việt Nam, Đoanx côngz xưv Bộ côx phax Nhật Bản tưz mul seiz thiêz uô hâux lưv đros Bộ chỉ huiz bộ đội pênhz phax tỉnh Lào Cai.

Ntơưv Bộ chỉ huiz bộ đội pênhz phax tỉnh Lào Cai, Đoanx côngz xưv tưz tâu mnôngs Đại tá Đỗ Ngọc Tuấn, Chỉ huiz trưởng heik đhâu lok qênhx shênhx sâuv ntus đriv tỉnh Lào Cai. Thôngx cxix heik mênhx, Việt Nam thiêz Nhật Bản puôr lênhx nhoz sâuv thax tsav Châu Á- Thái Bình Dương, siêz njênhs njôngr lok chinhr trị, vênhx huôv 2 mênhx cxưx muôx têx jông iz zav đros têx yênhx tix tax tâu hâur sik hux jos 46 shông ntâu đhâu zos kror truôx tul thiêz đas jos chiê chuôz tsar cêr coaz siv đêz đar hâur Việt Nam- Nhật Bản tror huôv tsar siêz đuô, tas nro sâuv cxuô vênhv thix/.

(TTTB- Txâur Vax cxeik nhênhv)

T

as cik hnuz 13/11, Bộ Công an tsưr tsix ntênhs côngz fur Bộ trưởng Quyết tinhv lok luôs hâux lưv tso thiêz xeir Giám đốc Công an tỉnh Sơn La. Iz chas ntơư, Bộ Công an tưz choz quyết tinhv tso thiêz xeir zuôr Đại tá Nguyễn Ngọc vân, Phưv Giám đốc Công an tỉnh Phú Thọ tuôx uô Giám đốc Công an tỉnh Sơn La./.

(Tuyết Lan-Riê Lâux cxeik, nhênhv)

Sâuv thax tsav tỉnh lai châu hâur six hơưv nhiv kruôr đhâu qênhx shênhx nênhs phamv cxâuv muôv muôs lênhx nênhs tsênhv muôx ntâu. Thax tsav khênhr muôx hâux lưv no zos nhoz tox siêz, qơư tsôngv box muôx yênhx tưv kis, luz nênhx txov nhêv. Têx lênhx nênhs khênhr trâus nênhs fêv đas nziês zos têx pox niêv mênhx cxưx Hmôngz, Thái thiêz Cho. Cxôngx shông 2015 txos nhiv no, Công an Lai Châu tưz pov muôx 31 txuz, ntês tâu 43 lênhx nênhs fêv thiêz chơưv tâu 47 lênhx nênhs trâus muôv muôs. Cxôngx hâur shôngk shông 2019 txos nhiv no pov muôx 5 txuz, ntês tâu 6 lênhx nênhs fêv thiêz chơưv tâu 8 lênhx nênhs trâus muôv muôs. Đại tá Bùi Xuân Phong, Phưv giám đốc Công an tỉnh Lai châu puz pâuz:

“Cxôngx qênhx shênhx no, lưx lươngv Công an Lai châu tror krêz uô têx tsaz yênhx tsưr ziv lok phax tar nênhs fêv muôv muôs lênhx nênhs. UÔ jông côngz xưv yax mông, muôz siêz jênhv pâuz trâu tsôngv box, tiv zix zos têx pox niêv zôngx ziv trâus đas nziês. Đrâuv co, pêz tưz chox kriê têx lưx lươngv nghiệp chuôz tsar seiz car thax tsav, têx qơư khênhr muôx yưv zav nênhs phamv cxâuv no chiê pov thiêz tơưv txênhz tir tar”./.

(Hoàng Thái-Txâur Vax cxeik nhênhv)

  Lưv lươngv phax tar zax zênhz thiêz têx nênhs fêv uô cxâuv chei têz qơưk, Bôv đôiv pênhz phax tỉnh Điện Biên nhiv kruôr đros Zênhx pênhz phax trôngx đriv Huổi Puốc thiêz lưv lươngv txiv ngaz huyện Mường Mày, tỉnh Luông Pha Băng, têz qơưl Lol Tsuôk nhiv kruôr ruôr por tsês tâu yênhx côngz txuz zuôr muôs, uô luôv zax zênhz tsi trơưk chei txix Lol Tsuôk lok hâur VN. Iz chas ntơư, lưv lươngv muôx vax huôv tưz ntêk tâu 2 lênhx nênhs, sâu tsês tâu muôx 100 cxênhz njiêr yuôx shơư zênhz, iz luz yêz lox, iz luz yêz meir. 2 lênhx nênhs trâul ntêk co tâu xav zos: Xia Ly, 24 shông, nhoz ntơưv Hủa Nậm Pa, huyện Pạc Peng, tỉnh U Đôm Xay thiêz Cấu Xênhv Thox, 20 shông, nhoz ntơưv jok Mường Quán, tỉnh Hủa Phăn, Lol Tsuôk.

Ly thiêz Cấu gơưk krêz lênhk tiêk, tưz zuôr chor zax zênhz sâuv ntơưv thax 3 luz têz qơưk siz buôk chiêv lok, tsênhv thâux gra đhâu tỉnh Điện Biên (VN) muk trâu Lào Cai chiê muôs, txơưv trâus ntêk cxov tâu. Nhiv no 2 lênhx nênhs heik sâuv thiêz têx zax zênhz, chuôz zênhx heik sâuv tưz tâu Bôv đôiv pênhz phax tỉnh Điện Biên choz zok trâu lưv lươngv txiv ngaz huyện Mường May, tỉnh Luông Pha Băng, Lol Tsuôk chiê muôz tik cêr cxâuv trơưk đreiv li chei têz qơưk cui tinhv./.

(Vũ Lợi-Riê Lâux cxeiv, nhênhv)