Đôngx chir Lò Minh Hùng, Phưv Chủ tịch Ủy ban tỉnh Sơn La, Tsar ban chox kriê phax tar moz ơưk buô châu Phi (DTLCP) thiêz tỉnh Đoanx côngz xưv nhiv kruôr qênhz yuôx luôs hâux lưv phax tar moz ơưk buô châu Phi ntơưv huyện Thuận Châu. Đôngx chir Phưv Chủ tịch Ủy ban tỉnh heik huyện Thuận Châu tsuv fuô uô jông têx tsưr  ziv trơưk đreiv li Thủ tướng Chính phủ chox kriê; qênhz shuôs jông hâux lưv tuô tsênhr, zuôr muôs, fax thâux têx buô thiêz grêix buô mul lok hâur thax tsav; tsưr tsix hlơưr por tsês 100% tuk buô trâus moz thiêz tuôs lơưr têz qơưk chei cui tinhv./.

(KT-Riê Lâux cxeik, nhênhv)

Nhoz hâur ntênhk hôiv pax lâus shông 2019 thiêz Hnuz hôiv Vênhx huôv, Thể thao thiêz Du lịch tỉnh Điện Biên jiês tiv 6, hmo 13/3, tỉnh Điện Biên tsưr tsix kriz uô tsaz yênhx “Ciêz tox siêz” ntơưv qơư đrêk yêz jê kror Đờ Cát Tơ Ri, phường Thanh Trường, thành phố Điện Biên Phủ.

Zơưv Phạm Việt Dũng, Giám đốc Sở vênhx huôv, Thể thao thiêz Du lịch tỉnh Điệ Biên puz pâuz: “Ciêz tox siêz” zos iz hâur Ntênhk hôiv pax lâus shông 2019 li têx hâux lưv uô yiêz chiê hêik pâuz lok tsôngv box cxuô mênhx cxưx sâuv thax tsav tỉnh Điện Biên hêik taz, thax tsav Tây Bắc hêik cxuô li xênhz huôx vênhx huôv jông nhoz têx ciês. Đhâu co, paz tuôr têx vênhx huôv mênhx cxưx tỉnh Điện Biên thiêz thax tsav Tây Bắc:

“Đhâu jiês ciêz no pêz xar tuôx chiê thiêz khưx phưx mênhx cxưx Tây Bắc têx ciêz tox siêz, đhâu jiês ciêz no tsênhv hêik tơưv tâu tưz tsik zos cxuô mênhx cxưx gra zuk têx ntâuz, hax huv tuôx muôs mak tsênhv muôx têx vênhx huôv jông paz uô trâu ntênhk ciêz zos iz kror ntênhk hôiv jông tâu sơưr đơưk nhiêv txos”./.

(Vũ Lợi-Lik Thox cxêik nhênhv)

  Sở zoz thôngz yêz lox tỉnh Sơn La nhiv kruôr tso tơưv tsưr ziv sôr 392 lok sâuv qênhz yuôx têx lênhx nênhs tsar yêz lox zuôr muôs, uô lax luôv hâur thax tsav tỉnh Sơn La li đas jos. Iz chas ntơư, zuôr qênhz yuôx hur tiz si têx lênhx nênhs tsar yêz lox li heik sâuv hâur thax tsav, hâur co  muôx qênhz yuôx njuôk shuôs zax zênhz, six hơưv qênhz yuôx uô ntêx hnuz 20/3. Luôs hâux lưv qênhz yuôx đas jos zuôr tâu uô ntov jông, côngz  fênhx chiê qênhz pov thiêz yưx têx lênhx nênhs tsar yêz muôx tsi txâuk đas jos trơưk li cui tinhv./.

(Tuyết Lan-Riê Lâux cxeik, nhênhv)

Sâuv thax tsav xar Nậm Mả, huyện Văn Bàn, tỉnh Lào Cai nhiv kruôr muôx iz txuz tuô tuôs nênhs cik txos chor nênhs hâur iz chuôz zis muk tuôx tsiêx kuk hâur har jôngr. Tsênhv tsênhz, thâuv 8 six sơưr nzor hnuz 12/3, zơưv Hoàng A Lù, zus shông 1967, đros tuk vâur hloz zos Zax A Dơ, zus shông 1993 thiêz tuk vâur tiv oz zos Cư A Mạnh muk uô đrox trâu têz txir hơưk. Thâuv tsênhv hor txuôk chiê luôx đrox chêk chor zơưv txir vâur hnoz suôz liêz kuôx tsik đêz. Zơưv Lù thiêz oz tuk vâur iz lênhx gra iz traz fov Hmôngz, muk lơưr pêz saz chiê zok tuô liêz. Taz sik, thâuv tsênhv zok nriêr, tix lâus Zax A DƠ tưz tuô trâus zuk tuk zơưv txir. Đhâu co, Dơ tưz tuôx trâu chính quyền tiv phaz chiê hêik pâuz lok kror hâux lưuv co./.

(An Kiên-Lik Thox cxêik nhênhv)