Têx qơư seiz car cêr ar tỉnh Sơn La tsênhv sir jos fuô uô ntâu faz tsưr ziv, chiê taz por cêr mul lok tâu thôngz hâur cheix ntux nas chuô shông no. Đros thiêz Công ty seiz car thiêz cxiv uô cêr zoz thôngz I, tâu choz seiz car 660 ntâu cêik cêr mul lok, hâur ntơư muôx têx cêr zov chênhr li: Txox cêr lox 279 txix Sơn La muk trâu Lai Châu; cêr lox 4G txix TP Sơn La muk trâu huyện Sông Mã, tỉnh txox cêr 106 txix TP Sơn La muk trâu tsêr meir tênhv tênhz Sơn La...... Txix ciês hâur cheix ntux nas, tưz qênhz shuôs têx luôs hâux lưv, fuô kriê trâu hur si Ban seiz car phax tar đêx nas chuô thiêz txo grêk tsơưs ntux uô ruôr hiêv  txix Công ty txos trâu têx tổ, đội car seiz; qênhz yuôx, seiz shuôs njôngr cov taz por têx cêr mul lok tâu thôngz hâur niêx hnuz, chiê bax tsưr ziv phax tir thêir têx tsi jông, cov cêr mul lok tâu đhâu hâur yênhx hnuz. Zơưv Phạm Hồng Tuyến, Phưv Giám đốc Công ty heik pâuz:

“Pêz Công ty tưz bax uô lơưr tsưr ziv taz por cêr mul lok thôngz trơưk tsưr ziv 4 ntơưv qơư, taz por têx cêr mul lok tâu đhâu, tsi trâus cxuz. Têx chuôz zênhx, yêz uz no tâu pêz pheiz muôx hur si nhoz têx cêr zôngx ziv trâus xưz poz; zos thâuv tưs muôx têx tsi jông mak zênhx max fuô uô, cxiv kho ciês. Lok sâuv lênhx nênhs, pêz hu tas nro têx công nhân. Zos thâuv tưs zuôr trâus txos nzir nênhs, mak hu cxaz têx lox tôngv ntơưv qơư đros uô thiêz cxiv kho zênhx max cov muôx cêr mul lok đhâu”./.

(Thu Thùy-Riê Lâux cxeik, nhênhv)

Txix hnuz xiêz 6 txos hnuz 11/5, công an tỉnh Điện Biên tưz cxov tâu 3 lênhx nênhs zaz zâuv tsôngv px hâur thax tsav huyện Mường Chà thiêz huyện Mường Ảng uô vax tsưr tsik trươk chêi.

  Đhâu ntơư, hâu nov tỉnh Điện Biên tưz muôx ntơưr hêik cxuô Ban ngênhx, hâu nov cxuô tsênhv qơư hâur thax tsav tỉnh, tsuv uô truôx luôs hâux lưv yax kriê cxuô lênhx cán bộ đros trâu px, tsuv gra siêz tsưr ziv tir thêir têx nênhs fêv tsik chiê tsôngv px sđ trâus têx nênhs fêv hêik sâu hâuz nziêk đas uô vax tsưr tsik trươk chêi thiêz tsik chiê têx nênhs fêv hêik co uô ruôr hiêv txos sđ luz nênhx nox nhoz muk lok hâur niêx hnuz./.

(Tsu cxêik nhênhv-Vũ Lợi)

Nhiv kruôr đhâu, hâur thax tsav xã Bản Lang, huyện ntus đriv Phong Thổ, tỉnh Lai Châu muôx iz txuz yêz công nông ntos tox thâuv tsênhv taz tov muk sâuv txox cêr txix jok Sàng Giang lok trâu jok Thèn Thầu txơưv trâus pôngz kaz cêr, ntos tox đêz muôx 5 thiêr, uô tuôs 3 lênhx nênhs, 4 lênhx trâus saz. Đhâu thâuv yêz tos tox, ntâu lênhx tsôngv box thiêz hâu nov ntơưv qơư, đros trâu têx lưv lươngv tưz muôx njêx muôs ntơưv qơư co chiê chox chor nênhs trâus saz muk chơưv kho trâu tsêr kho moz. Đội Cảnh sát hình sự, Công an huyện Phong Thổ cux tưz tuôx đros tsôngv box paz chox chor nênhs trâus saz muk tsêr kho moz, choz zok hâux lưv trâu Phòng Cảnh sát hình sự, Công an tỉnh Lai Châu chiê tror qênhz yuôx, uô tsênhz mênhx./.

(Khắc Kiên-Riê Lâux cxeik, nhênhv)

Sâuv ntu cêr lox 4D, muk đhâu jos Nậm Pản, xã Thanh Bình, huyện Mường Khương, tỉnh laox cai, lực lươngx tir thêir chor nênhs fêv nhiês zuôr muôs zax zênhz, công an tỉnh laox cai tưz cxov tâu oz lênhx nênhs fêv nhiês zuôr muôs zax zênhz. Ntơư zos thu tâu 329 đêiv zênhz đơưz, xav nhiêx zos 69 tỷ đêiv.

Đhâu qênhz yuôx yơưz phơưz thiêz nus, oz lênhx nênhs hêik sâu zos Nguyễn Văn Đài xênhz shông 1975 thiêz Nguyễn Văn Lý, xênhz shông 1991, puôr lênhx nhoz trâu huyện Anh Sơn, tỉnh Nghệ An. Chor zax zênhz co zos zuôr đhâu đriv têz lok Tsuôk thâux chox lok muôs trâu hâur thax tsav ntus đriv tỉnh laox cai thiêz Trung Quốc thiêx trâus lực lươngx cxov tâu./.

(Tsu cxêik nhênhv-An Kiên)