Huyện Phong Thổ xar muôx 100 cêik cêr ntus đriv buôs ti đros têz qơưk Trung Quốc, muk đhâu 13 xar thiêz tsôngv box cxuô mênhx cxưx luz nênhx tsênhv yuôr ntâu kror txov nhêv. Chiê pêx xênhv pâuz tâu lok jiês bâux xêir, chor lưx lươngv nhoz ntơưv thax tsav qơư tưz yax kriê txix ntâu tsưr ziv li loa nta suôz. Tiv zix, chor bôv đôiv Pênhz phax thiêz chor tôv yax kriê bâux xêir nhoz ntơưv qơư tsênhv muk trâu yênhx jêx jok, ziv chuôz zis, hêik yênhx lênhx nênhs pâuz txos six hơưv, qơư tso ntơưr bâux xêir. Zơưv Vương Thế Mẫn, Chủ tịch UBND huyện Phong Thổ, tỉnh Lai Châu puz pâuz: “Pêz tưz đros chor bôv đôiv Pênhz phax sir jos uô côngz xưv qênhz yuôx qênhx shênhx muk lok đhâu ntus đriv tsik zos chêi. Chox kriê tas nro chor lưx lươngv sâuv thax tsav bax trâu jiês bâux xêir, tiv zix zos tuôr truôx ngaz tuk. Lưx lươngv Pênhz phax thiêz chor lưx lươngv txơưr sâuv thax tsav tưz kriz uô nriêr pâuz tsênhv tsênhz ntơưv cxuô thax tsav qơư, tsưr tsix yax kriê trâu pox nhuôs cxuô mênhx cxưx sâuv thax tsav pâuz lok jiês bâux xêir têiv plor Côx hôiv thiêz HĐND cxuô cấp”./.

(Khắc Kiên-Lik Thox cxêik nhênhv)

Văn phongx Thường trực Ban seiz car phax tar ntux uô ruôr hiêv thiêz zok nriêr chơưv paz lênhx nênhs tỉnh Lào Cai nhiv kruôr muôx ntơưr heik lênhx nênhs sơưr thơưx hâu nov têx huyện Mường Khương, bảo Thắng thiêz TP Lào Cai cov heik têx phongx lês car uô đreiv têx hâux lưv li heik sâuv zuôr chênhz zênhv đhâu coz nas chuô lox hmo 12/5, tas cik sơưr nzor hnuz 13/5 nhiv kruôr đhâu.

Iz chas ntơư, heik txos têx phongx kinh tế TP Lào Cai, Phongx Kôngz nuv thiêz huôv tsar tox siêz huyện Mường Khương, huyện Bảo Thắng thâuv muôx yưv têx trâul ruôr hiêv tsi tâu tâu pâuz tsênhz mông, heik pâuz kênhz, uô ruôr hiêv txos tỉnh hâux lưv thôngz sâu, heik pâuz. Uô ntêx ntơư, Lào Cai Văn phongx cấp tỉnh phax tar ntux uô ruôr hiêv cux muôx jiês tsuv tsa ndâux heik txos cxuô thax tsav qơư nhoz hâur tỉnh têx luôs hâux lưv uô co. Thôngz sâu xav txos tar su hnuz 13/5 tso pov, coz nas chuô lox heik sâuv tsuôk lol mê njik xưz, taz sik lol trâu thax tsav đar, chuô lox tưz uô ruôr hiêv hnhar trâu ntâu thax tsav qơư nhoz Lào Cai.

Tsênhv tsênhz, muôx 2 lênhx nênhs trâul saz, tsôngv px 170 luz tsêr trâul zơưk trur; ntâu đeiv ntâuz uz no phưx vưv trâu yax kriê bâux xeir đại biểu Côx hôiv khóa 15, HĐND cxuô cấp trâul puôk tsuôx tsi jông; 13 ha blêx, jâuz tâuv thiêz ntâu tsoz chos trâul chuô blơưv vâu lor. Njuôk xav têx trâul uô ruôr hiêv tas nhos 2 tyv đeiv ntâu./.

(An Kiên-Riê Lâux cxeik, nhênhv)

Tỉnh Sơn La txos nhiv no tsik tâu pov muôx lênhx nênhs tưs trâus cik tâu caz moz Covid-19 ntơưv côngv thôngx. Taz sik, côngz xưv phax, tar caz moz tâu thax tsav qơư sir jos kriz uô truôx jông. Xav txix hnuz 29/4 txos nhiv no, tas nro tỉnh tưz nriêr pâuz tâu 1.949 lênhx nênhs cik txos chor nênhs moz ntơưv têx tỉnh Bắc Ninh, Hòa Bình, Hà Nam, Vĩnh Phúc, Điện Biên… Hâur co, muôx 92 lênhx nênhs nhoz jê, njiz tâu chor nênhs trâus moz, tsênhv yuôr zos chor nênhs nhoz jê, njiz tâu chor nênhs nhoz jê chor nênhs moz co. Đros ntu no, cux nriêr pâuz tâu muôx 602 lênhx nênhs lok txix têx tỉnh muôx caz moz, tsêr kho moz K thiêz Tsêr kho moz Nhiệt đới Trung ương lok trâu ntơưv thax tsav qơư. Đhâu qênhz yuôx, nriêr pâuz, nganhx Y têr Sơn La tưz njuôk shuôk 964 lênhx nênhs xav tiêk trâus cik caz moz. Đhâu njuôk shuôk, tas nro 964 lênhx nênhs no puôr lênhx tsik pov trâus cik  caz moz Sát Covi-2.

Lok côngz xưv cxax yuôx phax moz Covid-19, xav txix hnuz piz cxax yuôx siv txix hnuz 26/4 txos nhiv no, Sơn La tưz cxax yuôx trâu tas nro muôx 9.300 ntâu lênhx nênhs zos chor nênhs tsuv tâu cxax yuôx uô ntêx lơưr Chính phủ li Nghị quyết 21, zos chor thành viên Ban chox kriê phax tar caz moz Covid, cán bộ y têr, lưx lươngv công an, pênhz phax, pov chir….Hâux lưv cxax yuôx vắc xin phax moz Covid-19 jiês iz ntơưv tỉnh zuôr suôv câuv trâu hnuz 14/5/2021./.

(Thu Thùy-Lik Thox cxêik nhênhv)

Chủ tịch Ủy ban huyện Văn Yên, tỉnh Yên Bái nhiv kruôr cir quyết tinhv xưv bluô nzir iz lênhx nênhs krêz heik tsi mênhx lol têx qơư zuk tưz nhoz thiêz muk đhâu chiê phax tir thêir moz Covid-19 hâur thax tsav. Tsênhv tsênhz, hnuz xiêz 07/5, đhâu Sở Y tế tỉnh Yên Bái thiêz cơ quan lês car uô đreiv têx hâux lưv seiz njuôk shuôs moz heik pâuz, L.T.B (xênhz shông 1992), nhoz ntơưv xã Xuân Ái, huyện Văn Yên pâuz zuk zos lênhx  tưz tâu nhoz jê, buôk ti đros lênhx nênhs trâul moz Covid-19 (zos zav moz txơưx siz cik, riêz nênhs) thiêz tsuv muk krêz heik trâu qơư y tế pâuz lơưr cui tinhv, taz sik tiv nyei tsav krêz heik tiêk, zuk tưz muk txix tsêr kho moz K cơ sở 3 Tân Triều-Hà Nội lok, zuôr trâul chox muk kuôk cêv nưk nhoz nưk iz kro, viv li tưz tsi muk krêz heik trâu têx hloz pâuz. Txeik tâu mông txix tsôngv px sđ heik, lưv lươngv Công an xã Xuân Ái (Văn Yên) tưz muk qênhz shuôs seiz L.T.B pok muôx tsênhz têx li heik ntơư thiêz xav tinhv tâu B zos tsi uô trơưk cui tinhv. Đros trâu têx uô tsi trơưk cui tinhv hâur phax tir thêir moz Covid-19, hnuz 11/5, Chủ tịch Ủy ban huyện Văn yên tưz cir quyết tinhv bluô L.T.B 10 tsov đeiv nhiêx./.

(Thừa Xuân-Riê Lâux cxeik, nhênhv)