Tỉnh Điện Biên nhiv kruôr tsưr tsix ntâuk grê 20 shông uô lơưr chei Bôv đôiv pênhz phax, ntâuk grê luôs hâux lưv seiz car, tsưx phưv truôx têz qơưk, đriv têz reik đros cxiv tsa tas nro tsôngv box sđ sik đros tsưx phưv têz qơưk thiêz txiv ngaz tsôngv box hâur thax tsav.

Đhâu 20 shông uô lơưr, đros thiêz pưs txux uô ntêx nyuôs, bôv đôiv pênhz phax tỉnh Điện biên tưz khav tinhv tâu qơư sơưr, pưs txux hâur lês uô têx hâux lưv, fiv đros zoz qơưx tsênhv tsênhz ntơưv qơư. Bax tsưr ziv sik hux jos đros lưv lươngv, tsôngv box cxuô heir nênhs hâur thax tsav ntus đriv thiêz têz qơưk đrâuv tsưx phưx đriv têz têz qơưk, đơưk tu jông têx cuz nxor, phiv liv nhoz 2 saz đriv têz. Zơưv Mùa A Sơn, Chủ tịch Ủy ban tỉnh Điện Biên heik:

“Đhâu 20 shông uô lơưr chei lưv lươngv pênhz phax tỉnh Điện Biên tưz uô jông têx hâux lưv zok muôz, tưz phuôx huiz jông pưs txux hâur por hưv, tsưx phưv đriv têz têz qơưk, nhênhz chơưv trâu cấp ủy Đảng, hâu nov ntơưv qơư hâur tsưx phưv jông ntus đriv têz qơưk, đhâu ntơư thax tsav ntus đriv nhoz tỉnh Điện Biên hâur têx shông nhiv kruôr đhâu thâuv tưs tưz tâu tsưx phưv truôx jông”./.

(Vũ Lợi-Riê Lâux cxeik, nhênhv)

Huyện Mường La, tỉnh Sơn La nhiv kruôr muôs tâu 15 tấn txir lưv tsiz muk trâu têz qơưk Trung Quốc. No zos jiês xuz thơưx ciês txir lưv tsiz Mường La tâu muôs trâu têz qơưk Trung Quốc, zos Công ty TNHH Thanh Tùng (Sơn La) thiêz Công ty TNHH Cánh Đồng Vàng (thành phố Hò Chí Minh) sâu zuôr đros gri zuôr ntơưv vax zos 13.000 đêiv iz cir. Shông 2018, chor txir lưv tsiz sâuv thax tsav huyện Mường La muôx nhos 3.000 tấn. Nhiv no, tưz sâu zuôr muôs muôx 90%, hâur co, muôs tơưv saz đrâuv têz qơưk thiêz muôs ntơưv têx qơư muôl muôs lox hâur têz qơưk muôx 1.500 tấn./.

(KT-Lik Thox cxêik nhênhv)

Trơưk li mông txix Ban car seiz por hưv cêr ar, Sở zoz thôngz-Cxiv tsa tỉnh Lào Cai heik pâuz, đhâu hlo thâuv muôx tox xưz poz ntơưv cêik cêr 58+300, tỉnh txox cêr lox 153 (Muk txix Bảo yên trâu Bắc Hà) hâur thax tsav jok Nậm Hu, xã Tân Tiến, huyện  Bảo Yên, taz viv no tưz hux jos đros hâu nov cxuô thax tsav qơư huiz tôngv lưv lươngv tsưr tsix chơưv paz 2 lênhx nênhs trâul ar, poz jêz cxuz thiêz kho, thoz huk têx qơư muôx tox xưz poz chiê yêz mul lok tâu thôngz. Xav txos iz jiês no, qơư xưz poz ntơưv cêik cêr heik sâuv tưz tâu kho, thoz huk chiê yêz mul lok tax iz saz, taz por têx yêz muôx têx mul lok tâu đhâu./.

(KT-Riê Lâux cxeik, nhênhv)

Xar muôx 11 six tar su hnuz 13/8, ntơưv xar An Phú, huyện Lục Yên, tỉnh Yên Bái tưz muôx yưv iz txuz trâus pôngz đêx, uô oz lênhx nhuôs zâu trâus tuôs.

Oz lênhx nhuôs co zos Hoàng Nhật Huy (4 shông) zos zơưv Hoàng Văn Khôi tuk mê nhuôv; nhuôs Hoàng Đình Khiêm (3 shông); zos zơưv Hoàng Văn Hơn tuk nhuôv, đros nhoz uô cê ntơưv jok Tổng Khuyển, xar An Phú. Oz tuk nhuôs co zos cưr tix txir hloz txir nzơưv tuz.

Qir tiv xuz thơưx tâu xav jênhv zos oz tuk nhuôs tsik uô jông sêiz plav tơư pôngz trâu hâur pak đêx. Tiv nriêr pov tâu lis, tsik muôx nênhs chơưv paz nzor viv li oz tuk nhuôs tưz trâus tuôs. Đhâu ciês muôx yưv trâu pôngz đêx, chính quyền tiv phaz thiêz pox nhuôs hâur jok tưz tuôx phêiz kênh cêr pôngz siêz, paz chuôz zis uô đaz uô kruô trâu chor nhuôs./.

(Thừa Xuân-Lik Thox cxêik nhênhv)