Công ty Cao su Sơn La nhiv no tsênhv seiz car 6 cxênhz ntâu ha ntông cao su hâur thax tsav 6 huyện hâur tỉnh Sơn La. Chiê uô tâu jông luôs hâux lưv phax cuz tuô cuz têx ntông cao su hâur shông nhiv kruôr đhâu, Công ty tưz đros Phongx cảnh sát phax cuz tuô cuz thiêz chơưv paz lênhx tiz nênhs Công an tỉnh Sơn La, Chi cục yuôx jôngr tsưr tsix 40 ntâu jiês yax kriê ntơưv 43 jok đros thiêz 4 cxênhz ntâu lênhx nênhs cxaz chuôz. Iz chas ntơư, tưz luôx têx đrox tsuôs cêv hluôr tơưk tâu zuôr xar 155 cêik iz ndis têx thax ntông cao su. Khov bax thiêz sir jos uô luôs hâux lưv phax cuz tuô cuz viv li cheix ntux kruôr 2016-2017, txơưv tiêk muôx ntâu jiês ntux kruôr gis ntêr nhoz cxiê qơư, tưz uô 11 txuz hluôr tơưk txeik cuz nhoz têx har jôngr iz buôk ndis têx vax ntông cao su, taz sik puôr lênhx qênhz pov tâu nzor thiêz tuô tâu zênhx max viv li hluôr tơưk tsi txeik chis cuz trâu têx ntông cao su./.

(Hoàng Long-Riê Lâux cxeik, nhênhv)

Ntux no njiv truz ntêr hnuz, sâuv thax tsav tỉnh Điện Biên no njiv grêk kik 7-9 độ C; iz cxiê thax tsav tox siêz ntux no njiv 1-3 độ C thiêz cux uô ruôr hiêv tsik zos tsơưs txos tsôngv px sâuv thax tsav li luz nênhx nox nhoz muk lok hâur niêx hnuz.  Iz cxiê thax tsav jêx jos tox siêz li: Pha Đin, nhoz saz huyện Tuần Giáo, txơưv tiêk; thâuv tar su ntux tsik pok huôz, taz sik cux zos thax tsav qơư tsik so trâus lok tê, viv ntux no njik txos 3 độ C, tsôngv px thax tsav ntơư tsuôk zos nhoz hâur tsêr trâur tơưk ntê, uô tsik tâu zav hâux lưv tưs. Chênhr zos muôx ntux no njiv li hêik ntơư, hâu nov tsênhv qơư tưz chox kriê tsôngv px sđ uô jông luôs hâux lưv tir thêir no njiv trâu cxiêx cxu, tsik chiê têx tsiêx cxu trâus puôk tsuôx tiv ntux no njiv./.

                                                      (Tsu cxêik nhênhv-Vũ Lợi)

Trơưk li huyện tox siêz Sa Pa, tỉnh Lào Cai cui tinhv, têx tsêr cơưv ntơưr hâur thax tsav zuôr bax tsưr ziv sox seiz njôngr ntux têx txơưr txar, thâuv tưs zos ntux no njiv hênhs, kis đuô 6 tưv mak tso têx shux xênhz so ntơưr. Tiêv sik li, taz têx hnuz jê lok no, thâuv ntux tsi so no njiv, jêx tưv muôx kênh jiês grêk kis txix 2-3 tưv, lok ntơưv iz cxiê tsêr cơưv nhoz Sa Pa shux xênhz cux six tuôx tsêr cơưv chiê cơưv ntơưr li têx hnuz fênhx yax. Trơưk li pos Nguyễn Thanh Nhạn, Phưv Tsar Phongx zoz zux thiêz thox cxov huyện Sa Pa, iz cxiê tsêr cơưv hâur Sa Pa, viv tưz muôx jông qơư nhoz thiêz cơưv taz por têx shux xênhz tsi trâus no, viv li cux tsênhv uô đreiv luôs hâux lưv kriê thiêz cơưv ntơưr li têx hnuz ntux tsi yuô no ntơư. Yuôr đros thiêz têx tsêr cơưv txơưr đuô, têx thâuv tsêr cơưv tưz heik cov shux xênhz so ntơưr, taz sik chor nhuôs cux six tuôx cơưv mak hâux lưv kriê thiêz cơưv ntơưr cux tâu tsưr tsix li cxiê hnuz. Yưx têx tsêr cơưv txov nhêv mak đros thiêz têx chuôz zênhx muôx nhiv no nhoz têx tsêr cơưv hâur tsênhv qơư, shux xênhz tuôx cơưv ntơưr muôx têx tsênhv sor đuô nhoz hâur tsêr./.

(TTT-Riê Lâux cxeik, nhênhv)

Iz cxiê tsiêx cxu trâus tuôs, tiv ntux no njiv truz ntêr hnuz ntơưv tỉnh Yên Bái. Xav txos trâu hnuz 13/1, chor nhux tưv nhux đas trâus tuôs sâuv thax tsav zos 85 tus. Têx tsiêx cxu trâus tuôs tiv ntux no njiv zos nhoz trâu thax tsav huyện tox siêz Mù Cang Chải, Lục Yên, Văn Chấn. Zos xav chor tsiêx cxu trâus tuôs ntơư, uô puôk tsuôx tas 1,4 tỷ đêiv. Chênhr zos muôx yưv têx tsik jông li hêik ntơư, zơưv Nguyễn Văn Khánh, phó chủ tịch uỷ ban tỉnh, uô tsar đoanx tưz muk qênhz yuôx têx tsiêx cxu trâus tuôs thiêz yax kriê tsôngv px sđ uô jông luôs hâux lưv tir thêir no njiv trâu tsiêx cxu, tsik chiê sđ têx tsiêx cxu trâus tuôs nzir./.

                                                    (Tsu cxêik nhênhv-Thừa Xuân)