Đại tướng Tô Lâm, Ủy viên Bộ Chính trị, Bộ trưởng Bộ Công an nhiv kruôr tuôx dưv “Hnuz hội niêv côngv siêz tas nro tsôngv box sơưr đơưk” shông 2021 ntơưv xã Phì Nhừ, huyện Điện Biên Đông, tỉnh Điện Biên. Bộ trưởng Tô Lâm khav tinhv: Ntâu shông đhâu, Hnuz hội niêv côngv siêz tas nro tsôngv box sơưr đơưk ntơưv thax tsav tsôngv box nhoz tưz yênhx iz kro jông, xa cêr shir phaz, lov jêv txos trâu tsôngv pêx xênhv sơưr đơưk, txos yênhx ziv chuôz zis thiêz cxuô heir nênhs. Bộ trưởng Tô Lâm cux vav chiê siêz, tsôngv box sơưr đơưk hâur thax tsav tỉnh Điện Biên tror sir jos sik côngv têk, siz thôngx siêz đros lưv lươngv Công an uô hâux lưv tsưx phưx truôx tuk thax tsav qơư heik cxuô thiêz cxiv kho, uô đuô têx tsêr nhoz chiê tsôngv box truôx tuk qơư nhoz, ziv hnuz ziv muôx luz nênhx tsâu sor, vav mênhx. Ndax six hơưv tuôx dưv Hnuz hội niêv côngv siêz tas nro tsôngv box sơưr đơưk ntơưv tỉnh Điện Biên, ntơưv tsêr cơưv phưv thôngz mênhx cxưx lok zos tsêr cơưv Phổ thông dân tộc nội trú  Phì Nhừ, Bộ trưởng Tô Lâm tưz phuôx tôngv thiêz paz 500 tsov đeiv trâu huyện Điện Biên Đông cuiv nhiêx cxiz cơưv txơưx cơưv njê. Hâur six hơưv no, Bộ Công an cux tưz paz max 55 tyv đeiv chiê tror cxiv kho, uô đuô 1.100 luz tsêr nhoz trâu chor chuôz zis  pluôs, chuôz zis txov nhêv hâur thax tsav tỉnh Điện Biên./.

(Vũ Lợi-Riê Lâux cxeik, nhênhv)

Shông no, cux xưk li tas nro têz qơưk, tỉnh tox siêz Yên Bái uô hâux lưv sâu têz qơưs têx nhiêx txiêx hâur ntu muôx moz Covid-19 phiv liv, ruôr hiêv ntâu txos luz nênhx xar hôiv thiêz têx doanh nghiệp, tsưr tsix, pêx xênhv sâuv thax tsav li hâux lưv huôv tsar uô nox. Khov kriz uô jông têx tsưr ziv, côngz xưv sâu nhiêx txiêx nhoz tỉnh Yên Bái cux uô tâu truôx jông; hâur 10 luz hli sâu tâu muôx 2.850 tiv đêiv, ndê 23% ntâu pir li shông uô ntêx. Pos Nguyễn Thị Trang Nhung, Giám đốc Sở Tài chính tỉnh Yên Bái puz pâuz:

“Chiê uô tâu hâux lưv sâu nhiêx txiêx têz qơưk tỉnh li tsưr ziv tưz tso tơưv, 2 hli zar kaz shông, cxuô cấp, cxuô nganhx, cơ quan, taz viv, thax tsav qơư zuôr sir jos uô jông têx hâux lưv, tsưr ziv trơưk Tỉnh ủy, Ủy ban tỉnh li tsaz yênhx, sir jos cov sâu tâu nhiêx txiêx têz qơưk tỉnh muôx 4.000 tiv đêiv tror sâur”./.

(Tuấn Xuân-Lik Thox cxêik nhênhv)

Cxax yuôx vắc xin phax tar moz Covid-19 tâu xav tinhv zos tsưr ziv zov chênhr chiê uô nênhx đros têx caz moz hâur ntu muôx moz gênhk nhiv no, cxiz huôv tsar kinh tế, truôx tuk tsôngv pêx xênhv sơưr đơưk luz nênhx. Ntơưv chor tỉnhTây Bắc, ntâu thax tsav qơư tưz cxax côngz tiv iz tâu trâu ntâu lênhx nênhs txix 18 shông tror zar sâuv, taz sik hâur Sơn La, chor nênhs li heik co cux tsênhv cxax tâu tsơưs lênhx, tsi tâu tâu 40%. Thôngz sâu hâur tas nro tỉnh Sơn La, xav txos hnuz 12/11, chor nênhs txưv txix 18 shông tror zar sâuv tưz tâu cxax côngz yuôx tiv iz zos 348 cxênhz lênhx nênhs, tax 38% ntâu; chor nênhs cxax côngz tiv 2 zos zuôr xar 11%. Heik lol tsênhv njiêz no, zơưv Nguyễn Hữu Hùng, Phưv Giám đốc Sở Y tế tỉnh Sơn La heik:

“Pir li iz cxiê tỉnh nhoz jê iz ndis, tỉnh Sơn La tsi muôx chôngz lênhx nênhs trâul moz Covid-19 li luôs 2 chas tỉnh. Chênhr zos li heik co, têx thax tsav qơư  li: Điện Biên, Yên Bái  thiêz iz cxiê suôv qơư txơưr đuô tưz tâu Bộ y tế, cux iz zav li Ban chox kriê phax tar moz Covid-19 T.Ư muôz têx yuôx vắc xin ntâu đuô. Zos li heik no, thiêx cxax tâu tsơưs đuô luôs 2 chas thax tsav đrâuv. Ntơưv Sơn La, txos nhiv no, tỉnh tưz lênhk txeik tâu xav hur si muôx 26 jiês T.Ư phênhz têx yuôx vắc xin tuôx, xav tas nro chor yuôx vắc xin tâu pheiz co zos zuôr xar 428 cxênhz côngz yuôx. Hur si têx yuôx vắc xin muôz ntơư, Ban chox kriê tỉnh thiêz Sở Y tế tỉnh tưz muôz pheiz trâu cxuô huyện, TP chiê cxax trâu tsôngv pêx xênhv cov zos đrêiv cui tinhv”./.

 (Thu Thùy-Chia dịch đọc)

Ủy ban tỉnh Lào Cai nhiv kruôr tso tơưv luôs hâux lưv kriz uô tsưr ziv paz trâu têx doanh nghiệp zâu thiêz tov thơưx shông 2022 chiê huôv tsar uô nox cov tâu truôx, kinh doanh, tiv zix zos têx doanh nghiệp njiz trâus phiv liv tiv moz Covid-19. 11 tsưr ziv, hâux lưv uô paz trâu têx doanh nghiệp zâu thiêz tov thơưx sâuv thax tsav tỉnh Lào Cai hâur shông 2022 zos: côngz xưv yax kriê, piêr pâuz têx cêr chêi; paz lok pênhr, nhiêx txiêx; nhiêx sê, kế toán; paz qơư uô nox; paz lok công nghệ, kỹ thuật, qơư uô hâux lưv cxuô; paz nriêr qơư muôs têx hax huv; paz lok xor mông, hêik pâuz thiêz pháp lý; huôv tsar pênhr jos; paz têx doanh nghiệp zâu thiêz tov thơưx hlôngr đuô tsưr ziv uô nox… Đros co, tỉnh tror paz txo grêk têx nhiêx sê phênhv sâu doanh nghiệp lơưr chêi têz qơưk li cui tênhv, cxơưz cxiz chor doanh nghiệp zâu thiêz tov thơưx uô truôx jông hâur sâu tsês chiê thiêz muôs hax huv. Paz kruôz kriê pênhr jos trâu chor doanh nghiệp no…/.

(An Kiên-Lik Thox cxêik nhênhv)