Hnuz đhâu, 14/12, tỉnh Sơn La tưz côngz fur xã tiv 44 hâur tỉnh tax ploz tsênhr nôngx cxênhz yiêz, co zos xã Tường Phù, huyện Phù yên. Zos xã thax tsav 3, Tường Phù muôx 7 jêx jos, 1 cxênhz 200 ntâu ziv chuôz zis tsôngv box, phênhv ntâu zos tsôngv box mênhx cxưx Thái nhoz uô nênhx. Đhâu 9 shông krêz uô, Tường Phù tưz tâu yưv pênhr muôx 108 tỷ đeiv ntâu, hâur co pênhr têz qơưk paz zos 101 tỷ đeiv, tsôngv box gôngr tâu 6 tỷ đeiv thiêz 17 cxênhz ntâu hnuz côngz, gôngr 88 cxênhz ntâu yiv ndis ar cxiv uô têx cơ sở cxuô zav... Txos shông 2020, phênhv sâu fênhx pheiz nhoz xã tax 36,5 tsov đeiv iz lênhx nênhs iz shôngk, chor ziv chuôz zis pluôs txu grês, tsi yuôr chuôz zis nhoz uô nênhx hâur tsêr xơư nas, lav uô; cxix luôk chính trị tâu hlôngr yiêz, txiv ngaz chinhr trị, taz por xã hội tâu tuôr truôx, tuôv zênhv têx ploz tsênhr lơưr Bộ ploz tsênhr têz qơưk lok nôngx cxênhz yiêz. Viv li, UB tỉnh Sơn La tưz tso tơưv Cuiz tênhv côngz fur xã Tường Phù tax ploz tsênhr nôngx cxênhz yiêz. No zos xã tiv 7 nhoz huyện Phù Yên thiêz zos xã tiv 44 nhoz tỉnh Sơn La tax nôngx cxênhz yiêz./.

(Thu Thùy-Txâur Vax cxeik nhênhv)

“Hnuz vênhx huôv Lai Châu ntơưv Hà Nội” shông 2020 zos UB tỉnh Lai châu đros UB TP Hà Nội tsưr tsix zuôr tâu tsưr tsix hâur 3 hnuz cxôngx hnuz 18-20/12 zuôr txos. No zos huôx tôngv chiê heik kriê, yax mông lok têz qơưk, lênhx nênhs Lai châu; têx tsiv grê vênhx huôv jông, têx xiv huv OCOP, xiv huv kongz nuv nto bê nhoz tiv phaz txos tsôngv box niêv đrôngs, tsôngv kruô hâur thiêz saz đrâuv têz qơưk, ndar txos tỉnh li tsưr ziv huôv tsar KTXH. Thôngx cxix, paz sik côngv têx lênhx nênhs yưv pênhr, doanh nghiệp, công ty, taz viv, lênhx nênhs tuôx sik hux jos huôv tsar xiv huv kôngz nuv, vênhx huôv, ju lix Lai Châu, gôngr phênhv krêz đar niêv ciêz kruô ju lix, cxơưz cxiz huôv tsar ju lix truôx vênhs hâur têx tỉnh thax tsav Tây Bắc tax tsơưr lươngv jông./.

(DTMN- Txâur Vax cxeik nhênhv)