Têis cik 13/3, ntơưv thax tsav qơư di tích trôngz F, tỉnh Điện Biên tưz tsưr tsix kriz uô cxiv tsa côngz trinhx qơư chiê txi côngv chor liệt sỹ ntơưv qơư ntâuk tros châuz Điện Biên Phủ. Dự án cxiv tsa uô qơư txi côngv chor liệt sĩ ntơưv qơư ntâuk tros châuz Điện Biên Phủ tâu cxiv tsa sâuv trôngz F (Txuôk đros trôngz A1) tas nro nhiêx txiêx cxiv uô muôx 100 tiv đêiv ntâu. Njuôk xav côngz trinhx tâu cxiv uô hâur 9 luz hli. Hêik ntơưv jiês kriz uô, Ủy viên Bôv chính trị, Bôv trưởng Bôv Tài chính Đinh Tiến Dũng hêik mênhx, dự án yưv pênhr cxiv tsa côngz trinhx qơư txi côngv liệt sĩ ntơưv qơư ntâuk tros châuz Điện Biên Phủ chiê tax tâu pêx xênhv tas nro têz qơưk hêik cxuô thiêz pêx xênhv cxuô mênhx cxưx tỉnh Điện Biên hêik taz li siêz xar.

Hêik tơưv Đảng, têz qơưk têx uô tsâus ntâu thiêz ndo txos chor zênhz shôngx liệt sĩ têx côngz lox hâur côngz xưv ntâuk châuv tros châuz paz trâu giải phóng mênhx cxưx. Thôngx cxix zos qơư zoz zux, kruôz kriê siêz nhiêv têz qơưk trâu cxênhx hluôk nênhs ntu tov kaz no./.

(Vũ Lợi-Lik Thox cxêik nhênhv)

Ủy ban huyện Thuận Châu (tỉnh Sơn La) nhiv kruôr tok txeik ntơưr côngk nhav đơưv trôngz Pha Đin, xã Phổng Lái (Thuận Châu) zos qơư di tích cấp têz qơưk. Di tích đơưv trôngz Pha Đin nhoz hâur xã Phổng Lái, sâuv txox cêr lox sôr 6, ntêr muôx 30 cêik, trơưk faz Đông-Tây hâur tỉnh Sơn La thiêz Điện Biên. Zos txox cêr chênhr muk txix Điện Biên tuôx trâu T.Ư thiêz chor tỉnh tiêx đras, hâur ntu tir ntâuk trol châuz Pháp, lar heik zos hâur ntu tir ntâuk trol Điện Biên Phủ 1954, thax tsav no tưz trâul trok châuz Pháp ntâuk lol six lox, chiê tir thêir pêz chor tuz lênhv tsi khênhr fax thâux kôngz krâur, triêv fov, muôk txưr muk paz qơư tsav trok Điện Biên. Nhiv no, to bê tâu seiz zos iz hâur têx đơưv trôngz hâur thax tsav Tây Bắc jông jav , huôz pok niêz, lax nziês hâur niêx shông, đơưv trôngz Pha Đin tsênhv yênhx qơư ju lix đros trâu muôx ntâu tsar zav jông zos chênhr tsôngv px ntơưv qơư cxiv uô. Xav kror đruôz đraz iz shông, chor qơư ju lix sâuv trôngz Pha Đin no tưz tok muôx yênhx cxênhz lênhx kruô hâur thiêz đrâuv luôs 2 chas tỉnh tuôx ndis seiz uô si./.

(Thu Thùy-Riê Lâux cxeik, nhênhv)

Ntu jê lok no, ntơưv cêik cêr 22+600 sâuv txox cêr 152 đhâu thax tsav xar Bản Hồ, thị xar Sa Pa, tỉnh Lào Cai muôx yưv iz qơư xưz poz lox, uô phiv liv ntâu txos zoz thôngz. Kror xưz poz no truz ntêr muôx 100 ntâu thiêr saz kaz cê ntơưv ntus luz pak tênhv Bản Hồ. Txos trâu têis cik hnuz 13/3, qênhx shênhx no hax zav phiv liv đuô thâuv plas cêr xưz pox lox đuô, toz muôx yênhx thiêr, uô trâu chor cơ quan muôx vax huôv tsuv txưr tsik khênhr têx yêz muk lok đhâu.

Tiv txox cêr 152 zos ntu cêr zov chênhr txuôk oz huyện Bảo Thắng thiêz Sa pa, Lào Cai đros muôx chor nênhs muk lok hâur yênhx hnuz lok six chôngz, viv li chính quyền ntơưv qơư tưz tso nênhs thiêz têx chuôz zênhx tuôx paz khơưz, kho đuô cêr cov đar trâu saz kâuv cêr. Nhiv no chor yêz ô tô zâu  tưz muk lok tâu đhâu. Taz sik ciês saz pêv kâuz cêr ho tror muôx iz kror xưz poz sâuv trôngz siêz lok, ziv hnuz ziv lox đuô. Lơưr zơưv Đặng Văn Lương, Phưv Giám đốc Vận tải thiêz Cxiv tsa tỉnh Lào Cai, kror no tsuôk zos lav kho đuô uô ntêx chiê muk lok tâu xưz, hok xar cov truôx jông mak tov kaz no tsuv cxiv tsa thêir cov tsik trâus xưz poz./.

(An Kiên-Lik Thox cxêik nhênhv)

Cux ntơưv Lào Cai, iz chas luôs hâux lưv cxiv tsa, fuô uô tsưr ziv sâu têx cuiv nhiêx phax tar ntux uô ruôr hiêv trâu shông 2021, mak ngênhx muôx vax huôv tỉnh Lào Cai cux tsênhv sir jos heik cov sâu thêv têx cuiv nhiêx hâur shông 2020. Lar heik, chor nhiêx Lào Cai tsuv thêv trâu cuiv nhiêx phax tar ntux uô hiêv shông 2020 iz chas têx nhiêx tsênhv zos 19 tyv đeiv ntâu, tsênhv muôx đros nzir 9 tyv đeiv ntâu têx nhiêx tsênhv sâu nzir, tsi tâu tâu thêv txix chor shông 2016-2019 thiêz. Xav txos tas hnuz 31/12/2020, đhâu 3 jiês Ủy ban tỉnh Lào Cai tsuv tso tơưv ntâuz ntơưr heik cov thêv ntơư, tas nro tỉnh nhiv kruôr sâu tâu zuôr xar 1.200 taz viv 10 tyv đeiv ntâu cuiv nhiêx phax tar ntux uô hiêv, tax 36% ntâu tsưr ziv choz.

Cuiv nhiêx phax tar ntux uô hiêv zos têx nhiêx chênhr chiê Lào Cai uô hâux lưv phax tar, khưx phưx têx tsi jông thiêz zok nriêr chơưv paz lênhx nênhs tiv ntux uô ruôr hiêv. Hâur shông 2020, Lào Cai tưz muôz xar muôx 6 tyv đeiv chiê khưx phưx têx côngz trênhx, zuôr têx chuôz zênhx uz no trâu uô luôs hâux lưv heik pâuz, qênhz njuôk shuôs ntux têx txơưr txar chiê gra siêz sđ sik đros chênhr phax, phax tir thêir têx tsi jông./.

(An Kiên-Riê Lâux cxeik, nhênhv)