Têik cik 14/5, tỉnh Sơn La tsưr tsix jiês cơưv Sơ kết 2 shông uô lơưr Bộ chính trị li chỉ thị 05 lok sir jos cơưv shâuv thiêz uô lơưr zơưv hloz Hôx cêr uô nênhx jông. Cux ntơưv jiês cơưv, Ủy ban tỉnh Sơn la tưz khơưk muôz ntơưr kruôk trâu 20 ntâu tập thể, 30 ntâu lênhx nênhs muôx tâu chêx cur jông hâur “Cơưv shâuv thiêz uô lơưr zơưv hloz Hôx cêr uô nênhx jông”; thôngx cxix khơưk kruôk trâu 90 jax sâu jông, hêik pâuz lok vênhx cơưv, nghệ thuật, pov chir lok tsênhv njiêz “Cơưv shâuv thiêz uô lơưr zơưv hloz Hôx cêr uô nênhx jông”. Zos nênhs tâu khơưk kruôk, tix lâus Tòng Đức Anh, Đaix TNVN iz suôv faz Bắc hêik:

“Đhâu cxaz chuôz jiês thik tưr sâu lok “Cơưv shâuv thiêz uô lơưr zơưv hloz Hôx cêr uô nênhx jông”, chor nênhs uô pov chir hluôk li pêz hax zav pâuz đuô lok kror zov chênhr, tsiv gri lox trâu hâux lưv cơưv shâuv thiêz uô lơưr hloz Hôx txix têx hâux lưv uô tsênhv tsênhz tiv zix. Txix co, zuk tsik so sir jos chiê cơưv shâuv nzir shưz xar nênhs uô pov chir cux xưk li txơưx jênhv chính trị-xar hội, tsuv uô nênhx nhoz, uô hâux lưv cov jông huv đros shưz xar, txơưx jênhv hâux lưv uô”./.

(Trấn Long-Lik Thox cxêik nhênhv)

Huyện Văn Yên, tỉnh Yên Bái tsênhv chêx tsôngk paz 114 chuôz zis tsôngv box zênhx max khưx phưx têx trâus tsi jông tiv ntux nas nhiv kruôr đhâu uô, nzor truôx tuk luz nênhx.

Uô ntêx hâur têx hnuz đhâu, sâuv thax tsav tỉnh Yên Bái, hâur co muôx huyện Văn Yên tưz muôx ntux lok nas lox thiêz nxông, uô ruôr hiêv txos tsôngv box têx chuôz zênhx chuôz tas thiêz cêr xênhz huôx, uô kôngz. Trơưk li Ban seiz car phax tar ntux uô ruôr hiêv thiêz zok nriêr chơưv paz lênhx nênhs tỉnh Yên Bái thôngz sâu, hâur thax tsav huyện Văn yên muôx 114 luz tsêr nhoz têx xã Đại Phác, Tân Hợp, An Thịnh trâus zơưk trur, puôk tsuôx; 21 ha blêx, xar muôx 20 ha poz cưk trâus ntux uô ruôr hiêv; iz tsêr cơưv trâus uô hiêv; iz côngz trênhx vênhx huôv trâus nas chuô lox blơưv zơưk trur tas.... Txos nhiv no, phênhv ntâu têx chuôz zis heik sâuv tưz cxiv kho tâu têx vax tsêr lok nhoz, jux juk truôx tuk luz nênhx thiêz uô nox uô hnar./.

(Đinh Tuấn-Riê Lâux cxeik, nhênhv)

Nhiv no tỉnh Lai Châu muôx 10 ntâu qơư pêx xênhv nhoz zos têx qơư zuôr zôngx ziv njiz trâus chuô, ar poz tsuv txar qơư nhoz. Hâur co muôx oz kror qơư zovv qơư lok six phiv liv zos jok Nà Phầy, xã Vàng San, huyện Mường Tè thiêz jok Nậm Sập, xar Nậm Pì, huyện Nậm Nhùn. Oz luz jok co muôx 105 ziv chuôz zis, đrros 500 ntâu lênhx nênhs, hâur co jok Nà Phầy muôx 83 chuôz zis nhoz hâur ntus đêx, qơư nhoz kik đuô ntus đêx thiêz kror qơư no tưz zênhx muôx yưv ntux nas chuô ruôr hiêv tsuv tâu txar qơư nhoz sêi. Zơưv Hà Văn Um, Giám đốc Sở kôngz nuv thiêz huôv tsar jêx jok tỉnh Lai Châu puz pâuz:

“Pêz cux tsênhv chox kriê chor huyện kho đuô iz cxiê qơư nhoz chor ntus đêx, têx qơư zuôr muôx yưv ar poz, đêx ngaz cuôr. Taz sik, txar qơư nhoz zos iz kror hâux lưv lox trâu têx chuôz zis, tsênhv khov trâu nhiêx txiêx thiêz. Têz qơưk paz 20 txos 25 triệu đêiv trâu iz chuôz zis, viv li chor chuôz zis cux lax uô tâu. Hok tsênhv chêi thiêz tsar tov kinh tế, tiv zix zos tỉnh li nhiêx txiêx tsuôk zos khov ntâu trâu Trung ương”./.

(Khắc Kiên-Lik Thox cxêik nhênhv)

Ciêz vênhx huôv ju lix đros thiêz njiêz luk “Têx jông jav nhoz tox siêz” njuôk xav zuôr tsưr tsix ntơưv huyện Bắc Hà, tỉnh Lào Cai txix hnuz xiêz 1 txos hnuz 10/6, đros trâu ntâu hâux lưv uô jông. Iz chas sik tưr chêix nênhk đhiê tâu tsưr tsix hâur niêx shông, hu zâuv ntâu tuk chôngz lênhx tsôngv kruô cxaz chuôz thiêz tuôx seiz, shông no hâur ntênhs ciêz zuôr muôx nzir ntâu tsênhv njiêz txơưr li: Ntênhs hội txir khơưz, sik tưr chêix yêz tuôv lok zos yêz câux  vaz, ndis seiz qơư dinh thự lâuk Hoàng A Tưởng; nox têx zav nox kaz thâuv nzor, nriêr pâuz lok têx txux chi đhiê pax vuôs xòe Tà Chải.....

Ciêz vênhx huôv ju lix shông 2018 tâu tsưr tsix zos chiê piêr kriê têx đuôz shav, vênhx huôv Bắc Hà txos trâu tsôngv kruô sđ hâur thiêz đrâuv luôs 2 chas têz qơưk pâuz txos, iz chas co cxơưz cxiz, paz  ntơưv qơư huôv tsar./.

(An Kiên-Riê Lâux cxeik, nhênhv)