Hnuz 14/7, tỉnh Sơn La tsưr tsix jiês uô tiêr qơư txi côngv nhoz ntu 1, Dự án kho đuô thiêz phuôx huiz tsiv gri Qơư Di tích lịch sử Ngã ba Cò Nòi. Hâur ntu ntâuk tros châuz Pháp, Ngã ba Cò Nòi zos kror cêr zov chênhr txuôk txix faz Bắc đros Tây Bắc trâus tros châuz Pháp têx yêz za ruôr hiêv tsik so. Ntơưv no, muôx 100 ntâu lênhx chiến sĩ hluôk nênhs uô ntêx hlo tưz trâus tuôs, paz trâu zênhx liv lịch sử Điện Biên Phủ. Hêik ntơưv jiês uô tiêr, zơưv Lò Minh Hùng, Phư Bí thư Thường trực Tỉnh ủy Sơn La, Trưởng ban chox kriê Dự án kho đuô thiêz phuôx huiz tsiv gri Di tích lịch sử Ngã ba Cò Nòi tưz uô tsâus txos cxuô cấp, cxuô nganhx thiêz chor tsưr tsix, tiz nênhs, chor doanh nghiệp tưz sik đros paz chiê cxiv uô dự án hâur ntu 1. Thôngx cxix hêik chor tsưr tsix, tiz nênhs, chor nênhs siêz jông tror sik đros paz nhiêx txiêx cxiv tsa dự án ntu 2 thiêz hêik cxuô cấp ủy, chinhr quyền, đoanx thêv tsêx tsung kriz uô truôx jông têx hâux lưv, phongz yaox “ndo txiêx pâuz njis”./.

(TTTB-Lik Thox cxêik nhênhv)

Nhiv kruôr đhâu, Ban chox kriê têz qơưk jiês thik cơưv tiêr THPT shông 2021 đoanx qênhz yuôx số 01 zos zơưv Nguyễn Hữu Độ, Thứ trưởng Bộ zaoz zux thiêz thox cxov uô tsar đoanx tưz muk qênhz yuôx côngz xưv chấm thik cơưv tiêr cxênhx 3 shông 2021 ntơưv tỉnh Yên Bái. Jiês thik cơưv tiêr THPT shông no tỉnh Yên Bái muôx 1 hội đồng thik zos Sở zaoz zux thiêz thox cxov lov lik, đros 8 cxênhz 100 ntâu lênhx shux xênhz dưv thik ntơưv 26 qơư thik. Hội đồng thi tưz huiz tôngv zuôr xar 1 cxênhz 800 lênhx nênhs cxaz chuôz seiz thik. Phuôx plov ntơưv jiês uô hâux lưv, Thứ trưởng Bộ zaoz zux thiêz thox cxov Nguyễn Hữu Độ heik tỉnh Yên Bái tsuv taz por tsơưr lươngv côngz xưv chấm thik, taz por uô jông shux xênhz li qênhx liv. Hâur ntu uô côngz xưv chấm thik, tỉnh tsuv taz por jông côngz xưv phax tar moz Covid-19./.

(TTTB-Txâur Vax cxeik nhênhv)

Chủ tịch UBND tỉnh Lào Cai nhiv kruôr chox kriê uô truôx đuô hâux lưv phax tar caz moz trâu chor nênhs txix saz đrâuv tỉnh lok hâur thax tsav qơư xav txix hnuz 14/7. Lơưr co, chor nênhs txix têx qơư tsênhv trâus cêv kuôk xar hôiv lơưr Thủ tướng Chinhr phủ li chỉ thị 16/CT-TTg hnuz 31/3/2020, lok sik thax tsav qơư phiv liv lok caz moz lơưr Bôv Y têr thiêz cxuô thax tsav qơư hêik pâuz thâuv tuôx txos trâu Lào Cai tsuv uô lơưr cêv kuôk tsêx trung cov txưv 21 hnuz. Đros co, pêx xênhv txix têx qơư tsênhv uô lơưr cêv kuôk trơưk Thủ tướng Chinhr phuv li Chỉ thị số 15/CT-TTg, lok sik txix têx qơư phiv liv lok caz moz tâu Bôv y têr thiêz cxuô thax tsav qơư hêik pâuz tsuv njuôk shuôk caz moz Sát-Covi-2 tsik pov trâus moz txix tsưr ziv RT-PCR hâur 72 six hơưv, lok sik 24 six hơưv txix tsưr ziv njuôk shuôk sêiz caz moz. Zos tsik muôx ntơưr njuôk shuôk caz moz mak tsuv tâu njuôk shuôk caz moz sêi tsuv thêv nhiêx txiêx ntơưv qơư qênhz shuôk tir tar caz moz lok hâur thax tsav tỉnh Lào Cai./.

(An Kiên-Lik Thox cxêik nhênhv)

Thâuv 7 six 15 phênhz hnuz 13/7/2021, ntơưv tuêv 5 thị trấn Điện Biên Đông, huyện Điện Biên Đông, tỉnh Điện Biên, phongx txiv ngaz qênhz yuôx (Công an tỉnh Điện Biên) côngv đros Công an huyện Điện Biên Đông ntês tâu 2 lênhx nênhs muôv muôs tsi trơưk chei chuôz zênhx cuz tơưs. 2 lênhx nênhs no zos Lò văn Sọi xênhz shông 1987 thiêz Lò Văn Hiếng xênhz shông 1979 puôr lênhx nhoz jos Bắng Chộc, xã Na Son, huyện Điện Biên Đông, tỉnh Điện Biên. Chuôz zênhx sâu tâu muôx 1 cir yuôx fov, 4 luz cêr uô cuz tơưs, 1 luz yêz meir thiêz 1 luz điện thoại di động. Nhiv no hâux lưv no tsênhv tror tâu qênhz yuôx yưr lir lơưr phuôx lix li cui tênhv./.

(Vũ Lợi-Txâur Vax cxeik nhênhv)