Xưk li tưz xa mông, thâuv 10 six tas cik hnuz 10/9, tsôngv px jok 8, xã Chiềng Sơn, huyện Mộc Châu qênhz pov iz lênhx txir nênhx trâul tuôs pêv têz kok kriêr nhoz jê ntus har jôngr. Thâuv qênhz pov, lênhx txir nênhx co liêz kaz, pư khưz trưs trâu hâur ar, sâuv tâuz hâu muôx ntâu kror trâul to. Đhâu hlo thâuv txeik tâu mông heik pâuz, Phongx Cảnh sát hình sự đros têx phongx muôx vax huôv công an tỉnh Sơn La, Công an têx huyện: Mộc Châu, Vân Hồ, Phù Yên, Bắc Yên tưz qênhz pov, ntêk Phàng A Nổ, muôx iz luz bê hu txơưr zos Nủ, xênhz zus shông 1989, nhoz ntơưv jok Suối Vạch, xã Kim Bon, huyện Phù Yên, tỉnh Sơn la lok sâuv tuô nênhs tuôs. Ntơưv cơ quan Công an, Phàng A Nổ krêz lênhk tiêk, zar hnuz kêix xiêz 9/9, Nổ tưz đros Đặng Thái S, xênhz zus shông 1989, nhoz xã Kim Bon, huyện Phù Yên siz zâuv muk pêv tsêr têz nhoz jok 8, xã Chiềng Sơn chiê uô hmo nox thiêz nhoz so pêv co. Txos tas cik sơưr nzor hnuz xiêz 10/9, Nổ thiêz S gơưk tưz siz char viv 2 lênhs puôr lênhx nhiêv trâul iz tus nxeik hluôk gâux nhoz tỉnh Thanh Hóa, tiv siz char chuôv tsi jông siêz, viv li Nổ tưz muôz kưk ntâuk 2, 3 tês trâu S tâuz hâu uô S trâul tuôs, đhâu ntơư Phàng A Nổ tưz khiêr gâuv.

Hnuz 13/9, Nổ trâul têx lưv lươngv muôx vax huôv qênhz pov thiêz ntêk tâu ntơưv thax tsav jê ntus đêx Sông Đax nhoz huyện Mộc Châu, tỉnh Sơn la./.

(Trấn Long-Riê Lâux cxeik, nhênhv)

  Têis cik 14/9, yênhx puô lênhx shux xênhz cơưv shông tiv iz Cao đẳng Lào Cai shir phaz tuôx tsêr cơưv thâuv hâur shôngk shông cơưv yiêz 2020-2021.

No zos jiês tuôx cơưv ntơưr tiv oz đros shux xênhz hệ cao đẳng. Jiês xuz thơưx mak tsưr tsix trâu iz đraz hlik hli 8/2020 đros xar muôx 1.500 lênhx shux xênhz hệ trung cấp.

Jiês tuôx tsêr cơưv chiê cơưv ntơưr no truz ntêr xar muôx 1 ciêz, njuôk xav tsêr cơưv zuôr txêi tok muôx nhos 700-800 lênhx shux xênhz, tuôx txix tas nro têx huyện, thị hâur tỉnh Lào Cai thiêz têx tiv phaz iz ndis xưk li Lai Châu, Điện Biên, Yên Bái…hâur chor shux xênhz tuôx cơưv ntơưr muôx tsik tsơưs lênhx tax tâu điểm siêz đuô 20 điểm hâur pêz môn thik cơưv tiêr ntơưr cxênhx pêz nhiv kruôr đhâu. Shux xênhz tuôx cơưv yiêz Phạm Quy Nhơn-Khoa sêiz car Khách sạn hêik:

“Cur tsik xêir tsov tsêr cơưv đại học viv cơưv ntêr đuô. Cur xêir tsov chiê cơư cao đẳng viv tâu uô ntâu đuô, six hơưv cơưv lur thiêz tsênhv tsênhz đuô. Cur xêir tsov nganhx sêiz car khách sạn, cur vav tiêk zuôr zos yênhxx iz lênhx nênhs sêiz car jông, txơưx chiê zaz zâuv chôngz đuô chor kruô du lịch tuôx trâu Lào Cai”./.

(An Kiên-Lik Thox cxêik nhênhv)

Tsôngv box…! Xưk li tưz xa mông, nhiv kruôr đhâu, ntơưv huyện Lục Yên, tỉnh Yên Bái muôx ntux nas lox, uô đêx ngaz tas ntâu thax tsav qơư, uô ruôr hiêv ntâu têx chuôz zênhx chuôz tas, kôngz lôngk, côngz trênhx cxuô zav…. Thường trực Huyện ủy Lục Yên tưz cơưv zênhx max chiê chox kriê uô luôs hâux lưv phax tar ntux uô hiêv. Têx đoanx côngz xưv hâur huyện cux tưz buôk ti mul têx qơư trâul đêx nas uô hiêv chiê chox kriê khưx phưx. Zơưv Đoàn Ngọc Tuấn, Phưv Chủ tịch Ủy ban huyện Lục Yên heik:

“Ủy ban huyện Lục Yên tưz chox kriê têx xã, thị trấn fuô uô zênhx max têx faz tsưr ziv chiê khưx phưx têx tsi jông tiv ntux nas uô. Phênhz lênhx nênhs seiz jor, nhoz njôngr ntơưv têx qơư trâul đêx nas ngaz chiê heik trâu px pâuz, tơư kriê têx yêz muk lol đhâu cov truôx tuk trâu lênhx nênhs thiêz chuôz zênhx chuôz tas. Tiv 2 zos phênhz lênhx nênhs chiê khưx phưx sei, đros kho têx vax tsêr  nhoz trâu px cux li yêik txar px muk nhoz têx qơư truôx tuk. Tiv 3 zos chox kriê Huyện ủy, Ủy ban huyện tưz phênhz têx đoanx buôk ti muk trâu iz cxiê xã chiê kriê kho têx tsi jông cux  li  paz têx px trâul ruôr hiêv”./.

(Tuấn Xuân-Riê Lâux cxeik, nhênhv)

Công ty cổ phần Vận tải cêr hlâu Hà Nội nhiv kruôr kriz uô tsưr ziv chiê muk lok oz luz tàu du lịch muk txix Lào Cai-Hà  Nội thiêz Hà Nội trâu Lào Cai.

Lơưr co oz luz tàu zos SP3 piz muk thâuv 10 six iz tas hmo thứ 6 yênhx ciêz txix ga Hà Nội thiêz tàu SP4 piz muk thâuv 9 six 40 phênhz yênhx hnuz ciêz txix ga Lào Cai.

Six hơưv tror chiê oz luz tàu no piz muk lok txix thưr 6 thiêz hnuz ciêz hâur ciêz no (zos txix hnuz 18/9 thiêz 20/9).

Đros co, Công ty phưx vưv dịch vụ yêz buýt muk lok txix Lào Cai muk Sa Pa thiêz txix Sa Pa tror lok, đros gri zos 40.000 đêiv iz jiês. Tsôngv kruô zuôr zuôr tâu ntơưr chêix yêz buýt đros uô cê trâu zuôr ntơưr chêix tàu, đros têx xêir tsov zuôr ntơưr ntơưv tsêr; zuôr sâuv chor website, chor qơư muôs ntơưr chêix tàu hỏa sâuv thôngz têz qơưk./.

(An Kiên-Lik Thox cxêik nhênhv)