Têis cik hnuz 14/11, uỷ Ban tỉnh Laox cai tưz kriz uô luôs hâux lưv ndo txiêx njis txos cxuô lênhx cưk kriê, đhâu 60 shông muôx njêx muôs tuôx kriê ntơưr trâu thax tsav jêx jos tox siêz đêz đrôngl. Đros ntơư cux muôx ntơưr kruôk, huv puz trâu cxuô lênhx cưk kriê uô tâu truôx luôs hâux lưv kriê cơưv txux chi hâur shông cơưv 2018-2019. Txix shông 1959, txix thâuv Đảng, Chính Phủ thiêz zơưv hloz Hôx, muôx luk hu cxuô lênhx cưk kriê nhoz tiêx đras tuôx muk kriê ntơưr trâu cxuô tỉnh thax tsav jêx jos tox siêz đêz đrôngl. Txix ntơư, hâu nov tỉnh laox cai tưz muôx oz jiês tok txêik têx lênhx cưk kriê ntơưr nhoz tiêx đras txưv zênhv tuôx muk kriê ntơưr trâu thax tsav tox siêz đêz đrôngl. Đhâu 60 shông, tsôngv px cxuô hêir nênhs nhoz thax tsav ntus đriv tỉnh laox cai tưz muôx luz nênhx hlôngr yiêz jux juk thiêz 100% lênhx tsôngv px pâuz nhênhv tâu ntơưr. Chênhr zos uô tâu cxuô luôs hâux lưv kriê cơưv txux chi hêik sâu, Thủ tướng Chính phủ tưz muôz qix thiêz ntơưr kruôk trâu 5 puô lênhx cưk kriê ntơưr nhoz tỉnh Laox cai ndax trâu  hnuz cưk kriê ntơưr 20/11./.

                      (Tsu vưx cxêik nhênh-Ly Thao-An Kiên)

Dự án niêv cêr 107- nhiv no zos cêr 134 cxôngx trôngz Khau Riềng, xã Pắc Ta mul txos jos Pá Ngừa, xã Tà Mít, huyện Tân Uyên, tỉnh Lai Châu ntêr 40 ntâu cei cêr, tâu cxiv uô hâur 3 shông cxôngx shông 2010-2012, đros pênhr yưv uô zos 839 tỷ đeiv cxôngx têz qơưk li phênhv pênhr paz txưv. Côngz tsinhx no tâu yưv pênhr uô chiê tsênhv qơư 2 tỉnh Sơn la- Lai Châu zôngx ziv mul lol đuô, phưx vưv trâu côngz xưv txar qơư nhoz trâu tsôngv box zuôr qơư uô tsêr meir đêx tênhv Bản Chát Huổi Quảng, cxơưz tiês huôv tsar KTXH hâur thax tsav. Taz sik, đhâu ntâu shông chox lol sir zôngv, txox cêr no tsuôk muôx nhos 20 jiês lênhx nênhs mul lol hâur iz hnuz, yêz ô tô mak tsuôk li tsi pov muôx. Taz sik, chiê coar lik txox cêr no, iz shông têz qơưk tsuv muôz 2,5 tỷ đeiv chiê kho đuô. Qơư tsov txos, tsưr ziv uô, cuiz tênhv yưv pênhr li chas, lênhx tưs muôx txơưx jênhv đros dự án lav phêv, tsi muôx chêx cuk no. Đeix nta suôz VN zuôr tror thôngz xor mông txos tsôngv cưr tix fôngx zưs./.

(TTTB- Txâur Vax cxeik nhênhv)

Pêz luz huyện Trấn Yên, thị xã Nghĩa Lộ thiêz đrôngl Yên Bái, tỉnh Yên Bái tưz uô tiêr luôs hâux lưv cxiv tsa jêx jos yiêz.  Nhiv no, hâu nov tỉnh Laox cai tsênhv taz tov uô cov tiêr ntâuz ntơưr chiê hêik trâu Thủ tướng Chính Phủ côngk nhav huyện Trấn Yên uô tâu tiêr luôs hâux lưv cxiv tsa jêx jos yiêz.  Đhâu 10 shông uô trơưk luôs hâux lưv cxiv tsa jêx jos yiêz, tỉnh Yên Bái tưz muôx 62 xã uô tax tâu luôs hâux lưv cxiv tsa jêx jos yiêz, tsar zuôr xar 40% luz xã hâur hur si tỉnh. Zơưv Nguyễn Văn Khánh, phưv chủ tịch tỉnh Yên Bái hêik pâuz:

  “Hâur ntu zuôr txos no, tỉnh tsênhv zuôr tror sir jos chox car uô truôx luôs hâux lưv cxiv tsa jêx jos yiêz thiêz têx xã uô tâu tiêr luôs hâux lưv cxiv tsa jêx jos yiêz mak pêz tsênhv zuôr njuôk hov qênhz shuôk têx luôs hauax lưv uô tâu tiêr cov huv đros thax tsav qơư nhoz”./.

                                  (Tsu vưx cxêik nhênh-Thào Ly-TTTB)

Tỉnh Sơn La nhiv no muôx 18 xiv huv tâu Cục sở hữu trí tuệ cungz ntơưr por hưv suôz bê muox: Yuôx zêx shan tuyết, yuôx zêx Ô Long, jâuz taz por, txir bơ (Mộc Châu); txir mo môngk, txir tsơưz (Yên Châu), yuôx zêx Tà Xùa (Bắc Yên); txir lưv tsiz (Sông Mã); txir thênhx caz (Phù yên); txir na (Mai Sơn), yuôx zêx Phổng Lái, kok tsư ha (Thuận Châu; njiêz blâuv Mường Và (Sốp Cộp); cà phê, txir tuz ziz, jiz mur, njês niêv đêx Đas thiêz njês tầm SƠn La. Yuôx zêx shan tuyết tưz tâu por hưv yênhx côngz ntơưv Thái Lan, zos xiv huv kôngz nuv xuz thơưx hâur tỉnh tâu por hưv ntơưv niêv ciêz saz đrâuv têz qơưk. Têx xiv huv kôngz nuv thâuv đăng cir suôz bê, gôngr phênhv muôz siêz tsiv grê, khav tênhv tsơưr lươngv sâuv niêv ciêz, muôz siêz tsiv grê muôs tơưv xiv huv tiv phaz trâu saz đrâuv têz qơưk./.

(Báo Sơn La-Txâur Vax cxeik nhênhv)