Pos Nguyễn Thị Thúy, phường Đồng Tâm, TP Yên Bái, tỉnh Yên Bái heik ziv chênhv lok txuz nuv tsôngv box zuôv lênhx nênhs tsar yêz uô yêz siz yar thêv nhiêx ntơưv Sa Pa, Lào Cai li no:

“Txuz nuv nhoz Sa Pa mak muôx ntâu mông heik li uz li no, tsi pâuz shor muôx tsênhz lok tsi muôx li luôs heik, tok têx cơ quan muôx vax huôv suô luk taz sik trơưk li cur mak txuz nuv co, zos uô li ntơư tsi jông, tsi tiêk uô tsi truôx tuk XH, uô cxâuv chei têz qơưk mak tsênhv uô iz kro tsi jông trâu sđ seiz njiê pov thiêz. Heik trâu cơ quan muôx vax huôv tsuv uô tsênhz mênhx txuz nuv no. Zos tiêk tsôngv box zuôv mak tsuv tror muôz chor nhiêx ntơư trâu lênhx nênhs tsar yêz, iz chas ntơư yax mông, heik kriê chiê tsôngv box uô lơưr têz qơưk têx chei, cui tinhv”./.

(Đinh Tuấn-Riê Lâux cxeik, nhênhv)

  “Krêz ciêz tox siêz” zos huôx tôngv xuz thơưx tâu tỉnh Điện Biên tsưr tsix, krêz đar hâur ntênhs phêv pax lâus chiê tsôngv kruô tâu pâuz txos tsôngv box têx mênhx cxưx Tây Bắc li têx cêr vênhx huôv jông. “ Krêz ciêz tox siêz” chiê heik kriê côgnv thôngx têx mênhx cxưx sâuv thax tsav heik taz, thax tsav Tây bắc heik cxuô li cêr xênhz huôx jông. No cux zos jiês chiê têx huyện, thị xã, thành phố, têx taz viv, doanh nghiệp hâur tỉnh heik kriê têx muôx jos, têx xiv huv kôngz nuv, tsôngv box têx mênhx cxưx hâur tỉnh li têx vênhx huôv chax chês jông./.

(Vũ Lợi- Txâur Vax cxeik nhênhv)

Hnuz 14/3 (lok zos hnuz xiêz 9/2 hli ntux), thị trấn Bắc Hà, huyện Bắc Hà, tỉnh Lào Cai tsưr tsix ntênhs hội txi côngv Bắc Hà shông 2019. Ntênhs hội no zos tsưr tsix uô tsôngv box ntơưv qơư thiêz têx thax tsav nhoz jê iz ndis co li têx txux chi cêr nênhx vênhx huôv. Ntơưv ntênhs hội tưz tsưr tsix uô ntâu zav li: Hlơưr shaz ndo txiêx njis, nthuôr uô cêr lov jêv, lêiv poz, sik truz hluô, sik lâuz pak, tso keiz  siz ndơưk,...... Têx txux chi uô si lov jêv co tưz hu zâuv tâu ntâu tuk chôngz lênhx tsôngv box  ntơưv qơư thiêz tsôngv kruô nhoz luôs 2 thax tsav đros cxaz chuôz./.

(KT-Riê Lâux cxeik, nhênhv)

Moz ơưk buô Châu Phi pov huôv xênhz ntơưv thax tsav uô tsôngv box tox siêz Sơn La lok six cxơưx, ntơưv têx ciêz, hâux lưv zuôr têx xiv huv greix buô cux txu gris. Têx qơư muôs greix buô nhoz ciêz tsênhv qơư thiêz ciêz xiêz 7/11 đrôngs Sơn La, tỉnh Sơn La thâuv tsi tâu muôx moz huôv xênhz mak lok six chôngz lênhx nênhs tuôx zuôr, nhiv no mak tsơưs lơưv lok six ntâu. Qir tiv zos viv tsôngv box nyei tsi car zuôr greix buô nox thâuv muôx moz huôv xênhz nhoz xã Mường É, huyện Thuận Châu, tỉnh Sơn La. Niêv lâuk Đỗ Thị Tươi, muôs greix buô nhoz ciêz xiêz 7/11, đrôngs Sơn La heik:

“Cxuô lênhx nênhs lênhx tưs cux cxơưx thâuv moz huôv xênhz, chênhr viv li uô zênhr shar txos hâux lưv muôs zuôr greix buô, viv lơưr nyei uô zênhr shar txos đas jos”./.

(Trấn Long- Txâur Vax cxeik nhênhv)