Tas cik hnuz 14/8, shux xênhz têx tsêr cơưv cxênhx 2 thiêz cxênhx 3 hâur tas nro tỉnh Lào Cai tưz shir phaz lus tror tuôx trâu tsêr cơưv, qir bax trâu shông cơưv yiêz 2017-2018. Txos iz jiês no, luôs hâux lưv xeir zuôr shux xênhz ntơưv têx tsêr cơưv hâur thax tsav tỉnh phênhv ntâu tưz uô tiêr tas, taz por trơưk tsưr ziv tso tơưv. Iz cxiê tsêr cơưv cxênhx 3 xeir zuôr tsi tâu txâuk shux xênhz mak zênhx max xeir zuôr cxaz nzir, taz por txâuk shux xênhz thâuv qir cơưv shông cơưv yiêz. Trơưk li UBND tỉnh Quyết tinhv số 3232 lok cui tinhv tsưr ziv, six hơưv, hnuz nhôngs hâur shông cơưv 2017-2018, đros thiêz tsêr cơưv cxênhx 2 thiêz cxênhx 3, shông cơưv 2017-2018, qir cơưv txix hnuz 21/8/2017, suôx câuv lok hnuz 25/5/2018 (Chor shux xênhz lớp 12 mak cơưv suôx câuv lis yax zos uô ntêx hnuz 15/5/2018)./.

(KT-Riê Lâux cxeik, nhênhv)

       Hâur ntu đhâu, công an tỉnh tưz đros doanh nghiệp Thanh Tuyền, thành phố Lai Châu, tỉnh Lai Châu, tưz tsưr tsix muôz nhiêx paz trâu shuv xênhz nhoz tsêr cơưv kriê mê nhuôv zâu Hua Sỏ, xã Nậm Sỏ, huyện Tân Uyên. Luz tsêr cơưv kriê nhuôv zâu muôx 3 qar, xav nhiêx zos cxiv uô tas 350 đêiv. Đhâu ntơư, tưz muôx tsêr cơưv kriê nhuôv zâu nhoz trâu 2 luz jos: Hua Ít thiêz jos Hua Sỏ, xã Nậm Sỏ./.

(Tsu cxêik nhênhv-KT)

       Tsuôk yuôr iz ciêz xưz, shông cơưv yiêz 2017-2018 zuôr qir tsưr tsix ntơưv ntâu cxênhx cơưv hâur thax tsav tỉnh Điện Biên. Taz sik têx trâus uô ruôr hiêv tiv nas chuô uô nhiv kruôr đhâu cux tsênhv khưx phưx tsi tâu tâu thiêz uô hiêv tsi tsơưs txos cêr cơưv txux chux li têx tsêr cơưv hâur thax tsav li hâux lưv bax trâu krêz shông  cơưv yiêz. Đêx nas chuô tưz cuôr yôngz hur tiz si têx chuôz zênhx, meir uz no phưx vưv kriê thiêz cơưv ntơưr, uô têx tsêr cơưv tưz kuz, đaz tuôs, nhiv no ziv puôk tsuôx, têx qơư đaz tuôs đuô, tưz tsi khor, truôx trâu kriê thiêz nhoz cơưv ntơưr. Cưk kriê Quàng Thị Hằng Thu, phưv thơưx seiz car tsêr cơưv cxênhx nhuôs zâu Mường Lói heik cxơưx hlo li no:

"Txos iz jiês no, têx chuôz zênhx uz no phưx vưv trâu hâux lưv kriê ntơưr thiêz krêz shông cơưv yiêz mak tưz tsi yuôr iz zav jông hlo. Nhiv no têx tsêr nhoz cơưv thiêz kriê ntơưr cux đaz tuôs, puôk tsuôx tas, tsi pâuz shor zuôr uô li chas. Tsêr cơưv mak shông cơưv tưs cux trâus đêx nas ngaz, muôx kênh shông đêx ngaz 2 jiês. Nhiv no tsuôk vav chiê siêz tiêk, cxuô cấp ngênhx đros paz tsêr cơưv khưx phưx têx chuôz zênhx tưz tsi jông, puôk tsuôx ntơư chiê tsêr cơưv tsưr tsix krêz shông cơưv yiêz thiêz muôx iz luz tsêr jông, khor truôx đuô chiê têx shông cơưv tov kaz tsi trâus cxơưx viv nas chuô uô hiêv li no"./. 

(Vũ Lợi-Riê Lâux cxeik, nhênhv)

         Đhâu jiês ntux têz uô ruôr hiêv, đêx nas cuôr yôngz ntơưv Mường La, tỉnh Sơn La hâur ntu nhiv kruôr đhâu tsik ntêr no, tưz uô trâu yênhx puô ziv chuôz zis trâus njiz cêr txov nhêv, viv têx vax tsêr, chuôz zênhx chuôz tav trâus đêx nas cuôr yôngz, puôk tsuôx tas. Đhâu ntơư, hâu nov thiêz px cxuô tsênhv qơư tưz zênhx max gra zav nox tuôx đros paz chơưv yêiz thiêz zênhx max zok nriêr qơư cxiv uô vax tsêr trâu px nhoz cov tror muôx luz nênhx truôx tuk jux juk. Xav txos trâu hnuz 14/8, côngv thôngx sđ tưz đros cxiv uô tsêr trâu thax tsav qơư nhoz yiêz trâu px. Viv thax tsav qơư  co, muôx txâuk đêx sir zôngv thiêz cêr muk lok zôngx ziv. Zơưv Nguyễn Thành Công, Bí thư huyện uỷ Mường La heik pâuz tiêk “57 ziv chuôz zis no, côngv thôngx sđ sir jos đros paz cxiv uô 10 hnuz sâuv no, cux zuôr uô tâu tiêr. Đhâu ntơư, pêz cux zuôr cxiv uô vax tsêr trâu thax tsav qơư nhoz yiêz Huổi Liếng. Kror tiv 2 zos cxiv uô vax tsêr trâu px jos Huân Nậm; Jos Bâu….Sir jos txos hnuz 30/8, tsuv cxiv uô cov tâu tiêr cxuô luz tsêr trâu px thax tsav qơư nhoz yiêz./.

(Tsu cxêik nhênhv-Thuỳ)