Lơưr Chi cục por vêv đrox tsuôk tỉnh Điện Biên li thôngz sâu, qênhx shênhx côngx huôv tsar uô ruôr hiêv txos kôngz lôngk, jôngr ntông tror pov muôx ntơưv 14 xã nhoz 5 huyện: Điện Biên, Điện Biên Đông, Mường Chà, Nậm Pồ thiêz Mường Nhé. Ntâu thax tsav pov muôx 500-700 tul côngx sâuv iz yiv ndis, tiv zix muôx têx qơư muôx 1000 ntâu tul sâuv iz yiv ndis. Txos nhiv no, tas nro mênhv chêx trâus côngx uô hiêv hâur tỉnh zos 870 hecta, hâur co muôx nhos 865 hecta zos mênhv chêx jôngr. Zơưv Nguyễn Trọng Kính, Chi cục tsar chi cục por vêv đrox tsuôk, Sở kôngz nuv thiêz huôv tsar nôngx cxênhz tỉnh Điện Biên puz pâuz: Nhiv no côngx tsênhv huôv tsar sei, đhâu côgnz xưv qênhz yuôx, seiz car, taz viv tưz pov ntâu ntâu qơư côngx ntês kê:

“Nhiv no pêz tsênhv seiz car jông qênhx shênhx côngx cxôngx faz Bắc Lào za tuôx Sơn La thiêz co za mul Điện Biên, cxôngx hâur shôngk shông txos nhiv no tưz muôx 1-2 jiês côngx huôv xênhz sâuv tỉnh. Nhiv no têx lưx lươngv canr bộ trạm cux tsênhv seiz car chiê pâuz tâu qênhx shênhx chiê muôx tsưr ziv yưr lir”./.

(Vũ Lợi- Txâur Vax cxeik nhênhv)

Tỉnh Sơn La nhiv no muôx 2.990 lênhx nênhs muôx suôz bê hâur tsôngv box mênhx cxưx tsơưs nênhs, zos chor nênhs uô ntêx hlo, tâu nênhs hâur jêx jok nhiêv, njênhs txos. Lơưr zơưv Lường Văn Toán, Phưv Ban mênhx cxưx tỉnh Sơn La, chiê phuôx huiz đuô thiêz nênhs muôx suôz bê li pưk txux cux xưk li cxơưz cxiz lơưr, tsuv muôx tsênhv chêi paz nhiêx txiêx muk uô hâux lưv. Nhiv no ntâu jiês chôngz lênhx nênhs muôx suôz bê tâu tsêx trung chiê cêir chêx têx hâux lưv hâur ntêx hnuz taz sik tsik muôx tsênhv chêi paz tưs. Đuô thiêz, hâur qênhx shênhx uô tsênhv chêi trâu nênhs muôx suôz bê, tsik tâu muôx sik côngv thôngx ziv nhoz nganhx côngz xưv mênhx cxưx đros Ủy ban mặt trận têz qơưk, uô muôx yưv sik yôngx. Viv li, tsuv nhênhz chơưv thiêz muôx tsênhv chêi, cuiz tênhv tsênhz mênhx lok nênhs muôx suôz bê li huôx tôngv. Txix co, têx cấp, nganhx thiêz sêiz car thiêz muôx tsưr ziv ntâuk gri tâu têx huôx tôngv, cux xưk li nênhs muôx suôz bê têx hâux lưv uô tâu./.

(KT-Lik Thox cxêik nhênhv)

Hnuz 14/8, Ban viv pox niêv li têx hlôngr yiêz jông tỉnh Yên Bái tsưr tsix jiês kriê cxaz côngz xưv fênhx zav cxênhx txir nênhx thiêz pox niêv trâu 40 ntâu lênhx nênhs zos nênhs sâu xor xưv, biên tập viên tuôx cxôngx têx chiz coaz pov tsir TW thiêz tiv phaz sâuv thax tsav tỉnh. Thôngz đhâu lớp kriê cxaz co zuôr paz têx lênhx nênhs uô côngz xưv thôngz xor mông ntơưv têx chiz coaz pov tsir tâu sik seiz lax, pheiz kênh chênhz zênhv hâur côngz xưv thôngz xor mông cux xưk li cxiv tsa hâux lưv thôngz xor mông lok côngz xưv fênhx zav cxênhx txir nênhx thiêz pox niêv. Thôngx cxix, muôz siêz pênhr xưv thôngz xor mông, gôngr phênhv heik kriê tsôngv box sđ uô lơưr./.

(KT- Txâur Vax cxeik nhênhv)