Tỉnh Lai Châu nhiv kruôr tror tso chor cán bộ y têr muk trâu Bình Dương chiê paz trâu thax tsav qơư no kriz uô hâux lưv phax, tar moz Covid-19. Lai Châu li chor nênhs muk paz tỉnh Bình Dương jiês no muôx 9 lênhx bác sĩ, 10 lênhx điều dưỡng, 3 lênhx y sỹ thiêz 1 lênhx kỹ thuật viên njuôk shuôk caz moz. Bác sĩ Nguyễn Minh Đức, uô hâux lưv ntơưv tsêr kho moz đa khoa tỉnh Lai Châu puz pâuz, uô ntêx thâuv zuôr muk, cxuô lênhx cưk yuôx bác sỹ hâur đoanx tưz tâu njuôk shuôk caz moz Sát-Covi-2 txix kỹ thuật PT-PCR; tâu kriê nzir têx txux chi, tsưr ziv phax, tar caz moz, chơưv kho trâu chor nênhs trâus moz Covid-19… Viv li, cxuô lênhx cưk yuôx bac sỹ no puôr lênhx tso siêz thiêz zuôr sir jos đros Bình Dương hêik taz thiêz tas nro têz qơưk hêik cxuô nzor tir tar cov tâu caz moz Covid-19. Uô ntêx co, hâur hli 8/2021, tỉnh Lai Châu tưz tso oz đoanx muôx 70 ntâu lênhx  y, bác sĩ tưz muk paz thành phố Hồ Chí Minh phax tar caz moz Covid-19./.

(Khắc Kiên-Lik Thox cxêik nhênhv)

Nhiv kruôr no, ntâu thax tsav qơư hâur tỉnh Điện Biên muôx ntux lok nas lox, uô ruôr hiêv txos têx xor tênhv tênhz hâur thax tsav tỉnh, uô yênhx cxênhz lênhx pêx xênhv nhoz chor huyện Mường Ảng, Điện Biên, Điện Biên Đông thiêz TP Điện Biên Phủ trâul tsi muôx tênhv tơưk. Ciês ntơưv TP Điện Biên Phủ tưz muôx 14 cxênhz ntâu lênhx trâul ruôr hiêv, njuôk xav xuz thơưx, têx trâul uô hiêv co tas muôx zuôr xar 300 tsov đeiv. Đhâu ciês thâuv muôx yưv têx tsi jông ntơư, Công ty tênhv tênhz Điện Biên tưz hu sđ tuôx đros paz kho têx xor tênhv trâul puôk tu tsuôx thiêz thôngz sâu têx trâul ruôr hiêv, tso tơưv tsưr ziv cxiv kho, chiê taz por muôx tênhv tênhz trâu tsôngv px sđ tơưk pov cêr./.

(Vũ Lợi-Riê Lâux cxeik, nhênhv)

Cik txos chor đuôz clip cxêik cơư tâu, tâu tso hâur mạng xã hội, hâur txuz iz lênhx cxêik shux xênhz nhoz Yên Bái trâus chôngz lênhx nênhs ntâuk, nhiv no Công an thành phố Yên Bái (tỉnh Yên Bái) tưz piz qênhz yuôx, nriêr pâuz, hu chor nênhs cik txos tuôx chiê nus cov tsênhz mênhx, xưv bluô trơưk cui tênhv. Uô ntêx co, hnuz 12/9, sâuv mạng xar hôiv muôx iz chor đuôz clip tso ntêr muôx 7 phênhz, cơư tâu txuz iz lênhx cxêik shux xênhz trâus chôngz lênhx nxêik chêv thiêz ntâuk. Chôngz lênhx nxêik shux xênhz sik đros ntâuk, xuôk tơư ndơưk trâu njêx muôs, uô trâu lênhx shux xênhz co têx njêx muôs trâus lok nyar ntâu. Lênhx shux xênhz no cux trâus ntâuk ntâu jiês trâu oz saz tâuz hâu, tsơưr plâuz hâu truz thiêz xuôk tơư ndơưk ntâu trâu sâuv lênhx nxêik co luz chêr./.

                                        (TTTB-Lik Thox cxêik nhênhv)

Nhiv kruôr đhâu, ntơưv thax tsav jok Huổi Lìu, xã Nà Nghịu, huyện Sông Mã, tỉnh Sơn La, Công an huyện Sông Mã tưz qênhz pov thiêz ntêk tâu Hà Văn Niu, xênhz shông 1994, nhoz ntơưv jok Mé Bon, xã Nà Nghịu, huyện Sông Mã zuôr muôs, thâux gra zax zênhz tsi trơưk chei. Têx chuôz zênhx sâu tâu muôx 350 njiêr yuôx shơư zênhz, đros trâu iz cxiê zav chuôz zênhx txơưr đuô cik txos. Ntơưv Cơ quan Công an, Hà Văn Niu krêz lênhk tiêk, tưz zuôr chor yuôx shơư zênhz co ntơưv iz lênhx txir nênhx tsi pâuz tsênhz bê nhoz xã Nà Nghịu chiê gra lok muôs. Thâuv tsênhv taz tov thâux gra chor zax zênhz lok txos tos cêr txơưv trâul lưv lươngv công an qênhz pov thiêz ntêk tâu. Nhiv no, cơ quan muôx vax huôv tsênhv taz tov qênhz yuôx, uô tsênhz mênhx, chiê muôz Hà Văn Niu tik cêr cxâuv cov zos đrêiv chêi têz qơưs tso tơưv ./.

(CTVTTTB-Riê Lâux cxeik, nhênhv)