Trơưk mông nhiv kruôr txêik tâu ntơưv văn phôngx sêiz car tir thêir nas chuô tỉnh Yên Bái, coz nas chuô hâur ntu đhâu tưz uô chor nênhs trâus tuôs thiêz trâus plox zos 28 lênhx thiêz 8 lênhx trâus saz. Huyện Trạm Tấu zos thax tsav muôx chôngz lênhx nênhs trâus tuôs thiêz vax tsêr trâus puôk tsuôx tas ntâu, viv nas chuô uô ruôr hiêv thiêz xav txos trâu nhiv no, tsênhv yuôr 14 lênhx nênhs trâus đêx cuôr yôngz tsênhv zok nriêr tsik tâu tâu./.

                                                             (Tsu cxêik nhênhv-Đinh Tuấn)

         Zaoz thôngz mul txos thax tsav trâus đêx ngaz Mường Bang, huyện Phù Yên, tỉnh Sơn La muôx 40 ntâu qơư trâus tox poz viv li hâux lưv cungz kôngz krâur, hax huv cxuô zav njiz ntâu phêv liv. Ntơưv tsêr cơưv phổ thôngz mênhx cxưx nội trú-tsêr cơưv cấp 2 xã Mường Bang, tul qox chiê mul đhâu đêx trâus đêx cuôr yôngz lơưv, uô 100 ntâu lênhx shux xênhz thiêz cưk kriê trâus mul tsi tâu kror tưs. Têx mê nhuôs shux xênhz li niêv txir cux tuôx tos tsi tâu. Kôngz krâur, hax huv zuôr trâus tsênhv tas, taz sik njuôs xav cêr mul txos Mường Bang zuôr pôngz 7 txos 10 hnuz thiêz thiêx li khưx phưx tâu. Cưk kriê Nguyễn Thái Thụy, Phưv hiệu trưởng tsêr cơưv phổ thôngz mênhx cxưx nội trú- tsêr cơưv cấp 2 xã Mường Bang huyện Phù yên puz pâuz:

“ Cxôngx hnuz muôx ntux nas mak phênhv ntâu shux xênhz nhoz jos Cải, jos Bang thiêz jos Sọc mul tsi tâu đhâu đêx viv li tsêr cơưv tưz so tsi cơưv 3 hnuz no. Thâuv muôx đêx cuôr yôngz, tas nro shux xênhz thiêz cưk kriê mul tsi tâu kror tưs, têx zav nox hâuk tsuv zôngv hluô khi saz tiv uz chiê truz lol saz tiv no xưz”./.

(Thanh Thủy-Txâur Vax cxeik nhênhv)

        Hâur ntu đhâu, Đảng uỷ thiêz văn phôngx uô hâux lưv đros Bộ tuz lêmhv tỉnh Điện Biên tưz cxiv uô tâu tsêr, choz zok trâu iz cxiê tuz lênhv tsênhv uô nênhx txov nhêv; ntơư zos Tùng x Zax, zos uô tuz lênhv quân sự tỉnh Điện Biên. Đhâu iz luz hli cxiv uô, luz tsêr ntông 3 qar, tưz uô tâu tiêr chox lok nhoz; xav grê nhiêx tas 181 triệu đêiv. Hâur ntơư, 70 triệu đêiv zos muôz tuz lênhv têx nhiêx quiv hâur quân khu 2 chox lok cxiv uô. Xav txix hâur shông shông 2017 txos trâu nhiv no,  cxuô đơn vị lực lươngx tuz lênhv hâur tỉnh tưz tâu Quân khu 2 muôz têx nhiêx quiv cxiv uô tâu 5 luz tsêr jông siêz paz trâu chor tuz lênhv tsênhv uô nênhx txov nhêv hâur tỉnh./.

                                                                        (Tsu cxêik nhênhv-TTT)

        Nhiv kruôr đhâu, Hnuz ntênhs vênhx huôv, thiv thao thiêz ju lix tỉnh Lai Châu jiês tiv 1 shông 2017 krêz uô đros njiêz luv “ Lai Châu sik côngv thiêz krêz uô đêz đar”. No zos six hơưv chiê tsôngv box têx mênhx cxưx hâur tỉnh sik đros tưr thik, heik kriê têx vênhx huôv jông, têx môn thiv thao chax chês thiêz tiv phaz li têx kror muôx jos chiê huôv tsar ju lix trâu fôngx zưs hâur thiêz sâuv ntiêx têz pâuz txos. Hnuz ntênhs cux zos jiês chiê Lai Châu cxơưz tiês sik hux jos, huôv tsar yênhx thax tsav li têx kror muôx jos, uô muôx ntâu xiv huv ju lix, vênhx huôv, kôngz nuv tâu piêr kriê. Hâur hnuz ntênhs, zuôr muôx têx huôx tôngv piêr kriê têx xiv huv kôngz nuv, heik kriê têx mênhx cxưx li ntênhs phêv chax chês...../.

(K.Kiên- Txâur Vax cxeik, nhênhv)