Hnuz 15/11, uỷ ban tỉnh laox Cai tưz tsưr tsix kruôk txos 600 lênhx cưk kriê ntơưr hâur hur si tỉnh, viv muôx phênhv paz trâu ngêhx zoz zux nhoz cxuô tsênhv qơư hâur thax tsav. Cxuô lênhx cưk kriê tâu kruôk hâur hnuz no, cux muôx chor cưk kriê tâu muôz côngz  puz hur tiz si thiêz tâu Chính phủ, Bộ zoz zux, uỷ ban tỉnh têx huv muôz puz, viv cxuô lênhx cưk kriê hêik ntơư tưz uô tâu truôx luôs hâux lưv kriê jông cơưv jông thiêz chor hluôk uô tâu truôx luôs hâux lưv cơưv shâuv zơưv hloz Hôx têx cêr nênhx jông./.

                                                         (Tsu cxêik nhênhv-Báo Yên Bái)

Zar hnuz kêix 15/11, tỉnh Sơn La tsưr tsix Đại hội sik tưr uô nuv jông têx lưv lươngv vũ trang tỉnh ntu 2013-2018.

Lưv lươngv vũ trang tỉnh Sơn La têx uô tâu lar heik txos hâur phôngz yaox sik tưr uô nuv jông ntơư zos, tuôr truôx, uô tsi so thiêz jông; sik đros Đảng, têz qơưk uô têx cxiv vênhv tôngv lox thiêz phôngz yaox sik tưr nhiêv têz qơưk ntơưv qơư, paz zov chênhr trâu hâux lưv huôv tsar kinh tế-XH, taz por côx phax-txiv ngaz tỉnh, cxiv tsa lưv lươngv vũ trang cách mạng truôx jông hâur ntu têz qơưk hlôngr yiêz. Iz lênhx canr bôv, chiến sỹ tưz bax tsưr ziv sir jos uô tiêr jông têx luôs hâux lưv tâu zok muôz, cux li đros paz tsôngv box khưx phưx têx tsi jông tiv ntux uô; sik đros paz yơưz vơưz, ntêk cxov têx lênhx nênhs fêv, nênhs zuôr muôs, uô luôv zax zênhz tsi trơưk chei mul lok đhâu têz qơưk...... Zơưv Cầm Ngọc Minh, Chủ tịch Ủy ban tỉnh Sơn la ntâuk grê:

“Phôngz yaox sik tưr uô nuv jông nhoz lưv lươngv vũ trang tỉnh Sơn La hâur têx shông nhiv kruôr đhâu tsênhv tsênhv zos tsưr ziv, đas jos jông paz cxơưz gra chor lưv lươngv vũ trang tỉnh uô tiêr tâu têx luôs hâux lưv zok muôz. Buôk ti paz zov chênhr trâu hâux lưv huôv tsar kinh tế-XH, côx phax txiv ngaz hâur tỉnh , tsiv nhos zos lưv lươngv chính trị, tâu đảng bô, hâu nov ntơưv qơư thiêz tsôngv px cxuô heir nênhs hâur tỉnh njênhs njôngr”./.

(Thiều Nghiệp-Riê Lâux cxeik nhênhv)

Muôx xar 170 uô cxâuv chêi tsưx phưv thiêz huôv tsar jôngr ntông, tâu lực lươngx muôx vax huôv tỉnh Yên Bái qênhz yuôx tâu thiêz muôz bluô nhiêx  tâu 500 triệu hâur 10 luz hli đhâu, chox lok nộp trâu têz qơưs. Phênhv ntâu zos chor nênhs nhiês txiêr ntor ntông muôs tsik trơưk chêi thiêz nhiês tsiêx kuk muôs. Zơưv Nguyễn Thái Bình, thơưx sêiz car jôngr ntông tỉnh Yên Bái hêik pâuz:

“Pêz tsênhv tror fuô uô jông trơưk chỉ thị ntơưv Thủ tướng Chính phủ lok luôs hâux lưv tsưx phưv sêiz car huôv tsar jôngr ntông tsik chiê têx nênhs fêv ruôr hiêv txos. Đros ntơư, pêz cux tsênhv tror uô trơưk chủ tịch uỷ ban tỉnh li chỉ thị, sêiz car tsưx phưv thiêz huôv tsar jôngr ntông hâur thax tsav tỉnh thiêz đros công an, tuz lênhv uô jông luôs hâux lưv tsưx phưv cov tâu truôx jôngr ntông tsik chiê têx nênhs fêv ruôr hiêv txos”./.

                                          (Tsu cxêi nhênh-Thừa Xuân)

Muôx nhos 5 six sơưr nzor tas cik hnuz 15/11, ntơưv cêik cêr 56+600 sâuv txox cêr lox 279, ntu muk đhâu thax tsav jok Tà Pung, xã Nà Nhạn, huyện Điện Biên, tỉnh Điện muôx iz txuz uô yêz tox. Iz luz yêz lox mê thâuv tsênhv taz tov muk sâuv cêr tưz trâus blênh los pôngz trâu hâur cưx ha toz, uô 3 lênhx nênhs trâul tuôs thiêz trâus saz.

Txuz yêz tos tox co, uô lênhx tsar yêz Nguyễn Trung Thành, 39 shông nhoz ntơưv phường Mường Thanh, TP Điện Biên Phủ, tỉnh Điện Biên tuôs ciês ntơưv qơư. 2 lênhx tsênhv yuôr zos Nguyễn Trung Thành pox niêv thiêz mê nhuôv trâus lok six saz, đhâu thâuv sir jos gak hâur cưx ha toz lok trâu sâuv cêr tưz tâu tsôngv box nhoz jê co thiêz têx lênhx nênhs mul lok đhâu zênhx max chox muk chơưv kho trâu tsêr kho moz. Qir tiv xuz thơưx tâu xav tinhv zos viv lênhx tsar yêz muk hmo ntux, tsâuk jos, txos thax tsav heik sâuv txơưv uô yêz blênh los pôngz trâu cưx ha toz./.

(Vũ Lợi-Riê Lâux cxeik, nhênhv)