Têis cik hnuz 15/11, xã Tân Hợp, huyện Văn Yên, tỉnh Yên Bái tưz tsưr tsix côngk nhav zos xã uô tâu tiêr luôs hâux lưv cxiv tsa jêx jos yiêz thiêz hnuz hội huôv tsar cêr côngv siêz hur si têz qơưs shông 2021. Thường trực Ban bí thư Võ Văn Thường hêik pâuz:

       “Viv huôv tsar cêr thôngx siêz tas nro têz qơưs thiêz txos trâu nhiv no pêz tsênhv taz tos sir jos uô truôx cxuô luôs hâux lưv sik côngv paz cxiv kho jêx jos uô tâu truôx cxuô luôs hâux lưv muôx liv lox trâu tsôngv px sđ”

(VOV4-Lan BT

Ủy viên Bộ Chính trị, Bí thư T.Ư Đảng, seiz car Ủy ban qênhz yuôx T.Ư Trần Cẩm Tú thiêz đoanx côngz xưv tưz tuôx dưv Hnuz hội niêv côngv siêz tas nro tsôngv box cxuô heir nênhs ntơưv jok Phú Lâm, xã Phú Nhuận, huyện Bảo Thắng, tỉnh Lào Cai. Dưv thiêz heik ntơưv Hnuz hội co, zơưv Trần Cẩm Tú heik tơưv cêr shir phaz lok têx luôs hâux lưv mak Phú Lâm tưz uô tâu hâur six hơưv đhâu; lar heik zos hâur ntu muôx moz Covid-19 huôv xênhz phiv liv, taz sik Phú Lâm cux tuôr tâu truôx tuk thax tsav tsi muôx lênhx nênhs tưs trâul moz, hur tiz si têx nhuôs zâu cux tâu muk cơưv ntơưr cxix cxuô. Zơưv Tú ntâuk grê siêz cấp ủy, hâu nov cxuô cấp ntơưv qơư li pưs txux tưz sir jos uô jông Đảng, têz qơưk hâux lưv zok muôz lok sâuv chox car, kriê tsôngv lax pêx xênhv uô nox uô hâuk….; tưz moz siêz, chox car, muôz jông six hơưv chiê MTTQ tỉnh Lào Cai uô tiêr tâu jông têx luôs hâux lưv choz zok:

“Hâur six hơưv zuôr txos, heik cxuô cấp ủy Đảng tror moz siêz chox car, kriê thiêz hux jos truôx, uô jông đuô têx hâux lưv chiê cov sơưr đơưk muôx cêr sik thôngx siêz thiêz gra siêz tsơưr lươngv hâux lưv mặt trận hâur ntu muôx moz gênhk huôv xênhz nhiv no. Heik Mặt trận Tổ quốc cxuô cấp tỉnh Lào Cai tror uô jông têx hâux lưv vênhv tôngv tas nro tsôngv box sik thôngx siêz siz chos cxiv tsa jêx jok yiêz, ciêz đrôngs vav mênhx; mnôngs tsôngv pêx xênhv heik lol lơưr têx tsưr ziv, siêz xar; tror uô jông hâux lưv zos qơư txeik thiêz xa tsôngv pêx xênhv sơưr đơưk têx lul heik, siêz xar txos trâu Đảng, têz qơưk”./.

(An Kiên-Riê Lâux cxeik, nhênhv)

Công an tỉnh Điện Biên, Bộ công an tưz tsưr tsix côngz fố quyết tênhv Bộ trưởng Bộ công an lok côngz xưv cán bộ chiê Đại tá, Tủa x Tsaz tso tsês tsik uô Giám đốc công an tỉnh Điện Biên chiê lok uô Cục trưởng cxiv tsa-phôngz traox an ninh têz qơưs, Bộ công an, xav txix hnuz xiêz 1/12/2021 thiêz côngz fố đại tá Ngô Thanh Bình, phưv Cục trưởng cục công an qênhz yuôx tir thêir zax zênhz-Bộ công an chiê lok uô Giám đốc công an tỉnh Điện Biên txix hnuz xiêz 1/12/2021./.

                       Vũ Lợi-Lan BT

Đhâu 4 luz hlik ntâu fuô uô Chính phủ Nghị quyết sôr 68 lok iz cxiê tsênhv chei paz max nênhs lox tôngv thiêz nênhs sir zôngv lox tôngv njiz trâul phiv liv tiv moz Covid-19 uô ruôr hiêv, tỉnh Sơn La tưz uô luôs hâux lưv muôz têz qơưk têx nhiêx paz trâu 23 cxênhz ntâu lênhx nênhs, xav tas zuôr xar 10 tyv đeiv. Têx lênhx nênhs tâu lênhk txeik cêr paz max ntơư zos chor lox tôngv tax nduô tsês hux thôngx lox tôngv, têx lênhx so hâux lưv uô tsi muôx nhiêx hli, nênhs lox tôngv tsi muôx ntâuz ntơưr hux thôngx uô hâux lưv trâul pôngz nuv uô, têx chuôz zis uô lax luôv zuôr muôs huv uz no, chor nênhs trâul moz Covid-19 thiêz têx lênhx tâu nhoz jê đros tus nênhs moz trơưk li chei tâu Ủy ban tỉnh cir ntơưr; têx taz viv, doanh nghiệp, nênhs lox tâu txo grêk tsơưs phênhv nhiêx thêv trâu cuiv nhiêx trâul moz trâul saz, trâul pôngz hâux lưv, cuiv nhiêx so lâul, trâul tuôs trơưk li chei Bảo hiểm xã hội,….. Zơưv Nguyễn Mạnh Du, Phưv Giám đốc Sở Lox tôngv-xaz pênhz thiêz xã hội tỉnh Sơn La heik pâuz:

“Hâux lưv qênhz shuôs chor nênhs taz por muôx txâuk têx ntâuz ntơưr, cêr txov, moz gênhk li heik sâuv tâu ntơưv qơư paz max zos lok six zov chênhv. Têx jêx jok nhoz Sơn La six hơưv đhâu tưz qênhz shuôs, sâu bê tsênhz mênhx chor nênhs tâu paz chiê tsôngv pêx xênhv cux pâuz thiêz đros qênhz shuôs tâu; chor nênhs no đhâu ntơư thôngz đhâu Sở Lox tôngv-xaz pênhz thiêz xã hội heik trâu Ủy ban tỉnh chiê cir quyết tinhv paz max”./.

 (TTTB-Riê Lâux cxeik, nhênhv)