Shông 2020, cxuô zav txiêz nanv xar hôiv thiêz chor nênhs phamv cxâuv sâuv thax tsav tỉnh Lào Cai grêk tsơưs pir li six chênhz tsêiz no. Hâur shông, Công an Lào Cai cux tưz tsav txênhz, yơưz pov 6 kror qơư, cxov tâu 90 lênhx nênhs; ntâu kror qơư zuôr muôs zax zênhz tâu tir tar. Công an Lào Cai cux tưz uô tâu ntâu kror li phax tar moz Covid-19; Por vêv Đại hôiv Đảng bôv tỉnh; nriêr pâuz lok pêx xênhv; chox Công an chính quy lok trâu cxuô thax tsav qơư…, paz uô truôx jông ngaz tuk chính trị, ngaz tuk sâuv thax tsav./.

(An Kiên-Lik Thox cxêik nhênhv)

Uô têx luôk hâux lưv jông siêz, đros thôngz yax jông, tas cik hnuz 15/11 công ty tênhv jos Sơn La sik côngv đros Công ty đêx tênhv Sơn La, tsênhv qơư jix vuv kho đuô EVN thiêz xí nghiệp jix vuv tênhv jos Sơn La uô tsaz yênhx tso nyar jông siêz jiês tiv 6. Ntơưv tsaz yênhx, 160 lênhx txưv zênhv viên zos đoàn viên hluôk nênhs, cán bộ, kỹ sư nganhx tênhv tênhz tưz muk tso nyar jông siêz. Hâux lưv uô jông co tsi taz paz trâu ntâu lênhx nênhs txơưr, mak tsênhv zos têx siêz jông pheiz kênh têx phêv liv đros nênhs moz. Tix lâuk Nguyễn Hoàng Trung, cán bộ tênhv jos huyện Sông Mã, tỉnh Sơn La pheiz kênh:

“Txơưv tưz muk tso nyar jông siêz ntâu jiês, taz sik cur pov tsênhv lok six nhiêv cxaz chuôz hâux lưv no. Cur xar njôngr zuk li têx ndok nyar zuôr paz tâu têx lênhx nênhs muôx luz nênhx txov nhêv thâuv lơưr zuôr trâus txos nya chiê kho mozr”./.

(Trấn Long-Txâur Vax cxeik nhênhv)

Nas hmo, ntơưv jok Phiêng Cài, xar Lóng Sập, huyện Mộc Châu, Sơn La, chor lưx lươngv txơưx jênhv tưz pov thiêz cxov tâu iz lênhx nênhs Lào zuôr muôs tsik zos chêi zax zênhz. Têx sâu tâu zos 120 hnaz yuôx shơư zax zênhz muôx 24.000 luz yuôx shơư zax zênhz thiêz 2 luz điện thoại. Đhâu nus mak lênhx nênhs co hêik tiêk gra chor zax zênhz no tuôx trâu Mộc Châu muôs trâu iz lênhx txir nênhx pâuz tsik tsênhz bê, thâuv tsênhv gra tuôx chêk trâus cxov. Txuz hâux lưv tsênhv tror tâu qênhz yuôx, nriêr pâuz cov tsênhz mênhx./.

(CTVTTTB-Lik Thox cxêik nhênhv)

Iz jiês chuô txiêk cxôngx faz Bắc tưz lok txos Lào Cai uô ntux lok nas thiêz no njiv sâuv tas nro thax tsav. Lơưr co, têx thax tsav qơư kis hâur tỉnh li TP Lào Cai, thị trấn Phố Ràng (huyện Bảo Yên) jêx tưv siêz đuô 16 tưv, thị trấn Bắc hà ntux no njiv đros zuôr xar 14 tưv; Sa Pa ntux no njiv đros jêx tưv zos 10 tưv. Đeix njuôs pov qiv hơưv tỉnh Lào Cai njuôs pov, chuô txiêk tsênhv zuôr chuôz tsar hâur 2 hnuz zuôr txos, uô jêx tưv tror grês kis. Tiv zix, njuôs xav hmo 15 txos hmo 18/12, sâuv đrik trôngz Fansipan jêx tưv zuôr grês txos 0 tưv, muôx đâuk tê. Têx tiv phaz nhoz jê co tsuv chuôz tsar phax tar no trâu lênhx nênhs thiêz tsiêx cxu, tsoz chos, tiv zix zos thax tsav tox siêz./.

(An Kiên-Txâur Vax cxeik nhênhv)