Hnuz đhâu 15/3, UB tỉnh Sơn La tưz tsưr tsix phêv ziv côngz fur cuiz tênhv lok côngz xưv cán bộ. Ntơưv phêv ziv, lênhs tov Sở Nội vụ tưz côngz fur Chủ tịch UB tỉnh Sơn La li cuiz tênhv lok hâux lưv bo xeir zơưv Hà Như Huệ, Phưv giám đốc Sở kôngz nuv thiêz huôv tsar nôngx cxênhz uô Giám đốc; bo xeir zơưv Trần Đắc Thắng, Phưv giám đốc Sở y tế uô Giám đốc. Phuôx plov ntơưv phêv ziv, zơưv Hoàng Quốc Khánh, Chủ tịch UB tỉnh Sơn La tưz sâu jênhv thiêz kruôk txos zơưv Hà Như Huệ thiêz zơưv Trần Đắc Thắng li têx côngz lox. Thôngx cxix, xar njôngr hâur ntu zuôr txos, 2 lênhx giám đốc Sở tror muôz siêz pênhr xưv txux chi cxaz chuôz lênhs tov, chox kriê uô tiêr jông jênhv vưv tâu choz; gôngr phênhv đros Đảng bộ thiêz tsôngv box têx mênhx cxưx hâur tỉnh uô zênhx liv Nghị quyết Đại hội Đảng bộ tỉnh Sơn La jiês tiv 15 tưz tso tơưv./.

(Thanh Thủy-Txâur Vax cxeik nhênhv)

Ciês đhâu Đaix TNVN thiêz iz cxiê cơ quan pov chir hêik pâuz lok qênhx shênhx muôx cuô ar txix côngz trinhx huôv tsar cuiv ar huyện Yên Bình, tỉnh Yên Bái ntưk lok cxuz pêx xênhv nhoz jok Trung tâm li chor liêx uô trâu chor liêx co uô tsik tâu chiê chos blêx, txos nhiv no, cơ quan muôx vax huôv huyện Yên Bình tưz sik côngv đros UBND xar Thịnh Hưng qênhz yuôx thiêz đros pêx xênhv sêiz lax, nriêr tsưr ziv khưx phưx. Lơưr co, Ban sêiz car dự án yưv pênhr cxiv tsa huyện Yên Bình thiêz UBND xar Thịnh Hưng tưz njuôk xav chor liêx trâus cuô ar cxuz. Ban sêiz car dự án yưv pênhr huyện Yên Bình thôngx ziv zuôr nriêr pâuz chor liêx trâus ar cxuz, muôx tsưr ziv chiê paz trâu pêx xênhv. Hok hâux lưv paz trâu pêx xênhv cxuz ar, hlôngr đuô têx thax tsav liêx trâus ar cxuz co chiê chos cxuô zav jâuz tâuv, cơ quan muôx vax huôv zuôr hêik trâu lênhx tov huyện pâuz thiêz muôx luk têz trâu pêx xênhv cov nzor tiv zix./.

(Đinh Tuấn-Lik Thox cxêik nhênhv)

UB tỉnh Lào Cai nhiv kruôr tso tơưv tsưr ziv chiê bax trâu jiês cxax yuôx phax moz Covid-19 sâuv tas nro tỉnh.

Lơưr co, tỉnh Lào Cai li tsưr ziv zos zuôr muôx 95% tsôngv box cxôngx 18 shông ndê muk tâu cxax yuôx thâuv muôx txâuk yuôx vắc xin phax moz. Njuôs xav muôx nhos 450 cxênhz lênhx nênhs, đros 1,1 tsov ntâu hưx. Têx lênhx nênhs cxax yuôx tâu pheiz yênhx 2 zav zos têx lênhx nênhs tâu tsov cưv cxax tsi pôngz nhiêx txiêx thiêz têx lênhx nênhs tsuv thêv nhiêx phir. Hâur têx lênhx nênhs tsi tsuv pôngz nhiêx phir muôx tas nro 150 cxênhz lênhx. Tsưr ziv cxax trâu paz no pheiz uô 3 jiês, truz ntêr cxôngx quý I txos tas quý 4 shông no. Đros têx lênhx nênhs tsuv thêv nhiêx phir njuôs xav muôx nhos 300 cxênhz lênhx, zuôr tâu cxax ciês thâuv muôx yuôx. Yuôx vắc xin chiê krêz uô hâux lưv cxax ntơưv Lào Cai zos COVAX Facility, zos Tập đoàn Astra Zeneca tsiv uô.

UB tỉnh Lào Cai cux choz jênhv vưv tsênhz mênhx trâu têx taz viv tos jênhv, por coar, kriê cxaz, thôngz xor mông, tsưr tsix, seiz car cxax yuôx tsuv uô hâux lưv taz por./.

(An Kiên- Txâur Vax cxeik nhênhv)

Thượng tá Lê Văn Hòa, Phưv phongx Phax tar zax zênhz thiêz nênhx phamv cxâuv, Bôv chỉ huy Bôv đôiv Pênhz phax tỉnh Lai Châu puz pâuz: liv zôngv txos pêx xênhv nhoz ntơưv thax tsav qơư xar nriêr hâux lưv uô, iz cxiê lênhx nênhs nhoz xar ntus đriv Ma Ly Pho, huyện Phong Thổ (Lai Châu) tưz sik côngv đros chor nênhs nhoz ntus đriv têz qơưk đrâur njiz, xêir zuôr nênhs uô hâux lưv chiê chox muk uô jos trau saz Trung Quốc, lơưr tsưr ziv muk uô nox đhâu ntus đriv tsik zos chêi. Chor nênhs no tsik so njiz, xêir zuôr chor nênhs muôx luz nênhx txov nhêv, xar nriêr hâux lưv uô, hâur co phênhv ntâu zos chor pox niêv.

Đhâu têx tsưr ziv uô hâux lưv, lưx lươngv muôx vax huôv Bôv Chỉ huy Bôv đôiv Pênhz phax Lai Châu khov lơưr têx xor môngz, ntâuz ntơưr muôx tâu. Tưz pâuz tâu Lý Phủ Pao nhoz jok Thèn Sin, xar Ma Ly Pho, huyện Phong Thổ (Lai Châu) zos nênhs sơưr thơưx thiêz Lý A Nghĩa nhoz sâuv thax tsav zos nênhs đros paz uô hâux lưv no. Nhiv no Pao thiêz Nghĩa tưz trâus khởi tố lok kror cxâuv tsưr tsix, piêr pâuz, chox têx nênhs txơưr tơưv muk đhâu trâu saz đrâuv têz qơưk tsik zos chêi./.

(An Kiên-Lik Thox cxêik nhênhv)