Tỉnh Lai Châu tưz muôz tâu 122,5 tỷ đeiv têz qơưk têx nhiêx paz trâu 155 cxênhz ntâu lênhx px njiz trâul phiv liv tiv moz Covid-19 uô hiêv, tâu zuôr xar 99%. Iz chas ntơư, tỉnh Lai Châu tưz seiz shuôs thiêz thôngz đhâu bê 157 cxênhz ntâu lênhx nênhs tâu paz max, xav hur tiz si têx nhiêx paz co muôx 125 tỷ đeiv, zos têx lênhx: nênhs muôx côngz têz qơưk tsênhv tâu têz qơưk paz nhiêx txiêx hâur niêx luz hlik; chor nênhs tâu têz qơưk por hưv, paz max; chuôz zis pluôs, chuôz zis zuôr xar pluôs; nênhs lox tôngv trâul nduô tsês six hơưv, hnuz nhôngs uô hâux lưv, so hâux lưv uô tsi muôx nhiêx hli; chuôz zis uô lax luôv; nênhs lox tôngv tsi muôx têx ntâuz ntơưr uô hâux lưv trâul pôngz hâux lưv uô; nênhs lox tôngv trâul tso tsês tsi muôx hâux lưv uô, taz sik muôx tsi cxix têx ntâuz ntơưr uz no chiê tâu sơưv têx nhiêx trâul pôngz hâux lưv uô./.

(DTMN-Riê Lâux cxeik, nhênhv)

Hâur jiês ntux nas lox nhiv kruôr đhâu, huyện Bảo Yên, tỉnh Lào Cai zos tiv phaz trâus hiêv ntâu tiv zix. Ciês 2 luz xar Điện Quan thiêz Bảo Hà tưz muôx 48 ziv chuôz zis trâus phiv liv lok vax tsêr. 50 ntâu hec ta zus tsiêx đêx thiêz tsoz chos hâur đêx thiêz xar muôx 7 cxênhz tuk kêiz ol trâus hiêv. Tas nro huyện Bảo Yên njuôk xav têx trâus hiêv muôx 3 tiv đêiv. Đaix njuôk xav ntux yar ntux nas Lào Cai puz pâuz, zuôr txos, ntux nas lox têx jâuv zuôr lok sâuv thôngz tas nro Lào Cai, zôngx ziv muôx yưv ar poz, đêx ngaz cuôr, pêx xênhv sơưr đơưk uô jông sêiz shuôk chiê muôx tsưr ziv phax tar…/.

(An Kiên-Lik Thox cxêik nhênhv)

Hội Liên hiệp pox niêv tỉnh Yên Bái tưz tso đoanx côngz xưv muk qênhz yuôx, sêiz shuôs niêv hluôk Hoàng T. L. (22 shông, nhoz phường Trung Tâm, thị xã Nghĩa Lộ) nhiv kruôr trâul iz lênhx txir nênhx ntâuk tsiv thiêz đros lưv lươngv muôx vax huôv chiê por hưv truôx tuk trâu niêv hluôk Hoàng T. L. Uô ntêx ntơư, trơưk li mông heik hâur ntơưr pov tsir thiêz hâur mạng XH, niêv hluôk Hoàng T. L heik pâuz: V.V.T (27 shông, nhoz đros uô cê hâur phường Trung Tâm) nhiêv trâul thiêz six tuôx thav niêv hluôk hâur iz ntuk ntêr, taz sik niêv hluôk  L tsi đros lênhx txir nênhx heik sâuv thav. Kuôk no 2, 3 ciêz, thâuv L đros têx fôngx zưs muk uô si lok txơưv trâuk T tuôx  trâu ntơưv L tsêr chiê chêv thiêz ntâuk niêv hluôk L. Đhâu trâul ntâuk tas, L tưz heik trâu Cơ quan Công an pâuz lok têx zuk trâul luôs lưv tus ntâuk tsiv./.

(Tuấn Xuân-Riê Lâux cxeik, nhênhv)

Hnuz 16/6, Tòa án thênhv siêz Hà Nội zuôr tror tsưr tsix tu txuz uô ruôr hiêv txos lênhx nhuôs nxêik Cao Mỹ Duyên tiv muôx ntơưr thor cov txo grêk tsơưs kror cxâuv trâu chor nênhs uô cxâuv tưz trâus tik cêr cxâuv tuô por tsês hâur jiês ntu uô ntêx co. Njuôk xav, jiês tu txuz plâuz no zuôr tâu tsưr tsix hâur oz hnuz 16-17/6./.

(Vũ Lợi-Lik Thox cxêik nhênhv)