Thâuv ntêx no iz jiês têz qơưk muôx tsưr ziv chiê kriz uô cêr yiêz, pêx xênhv nhoz iz cxiê qơư ho hêik cov tsuv tâu pâux nzir nhiêx txiêx…taz sik hâur têx shông jê lok no, phongz yaox muôz ar chiê uô cêr sâuv thax tsav huyện Lục Yên, tỉnh Yên Bái tưz tâu pêx xênhv txix têx qơư tox siêz, đêz đrôngs txos thị trấn thôngx ziv đros uô chôngz, viv sơưr đơưk cux pâuz tâu tiêk kriz đar cêr mak zuôr paz trâu muk lok, zuôr muôs hax huv zôngx ziv đuô. Zơưv Đỗ Xuân Tiến, Bí thư Đảng ủy xar Trúc Lâu, huyện Lục Yên puz pâuz:

“Chiê hêik pêx xênhv thôngx ziv đros Đảng ủy, chinhr quyền ntơưv qơư kriz đar têx cêr, mak uô ntêx đros cấp ủy tsuv muôx tsưr ziv uô tsênhv tsênhz, đhâu co zos muôz txos trâu chi bộ thiêz chi bộ kriz cơưv pêx xênhv, thiêz uô kaz ciês zos cơưv thiêz hêik tas nro cxuô ziv chuôz zis pâuz, thôngx ziv đros uô cov têx cêr lox đar đuô…”./.

(TTTB-Lik Thox cxêik nhênhv)

Zar hnuz kêix 15/7, Bôv Tư lệnh Bôv đôiv Pênhz phax Đoanx côngz xưv zos Trung tướng Đỗ Danh Vượng, Chính ủy uô thơưx chox đoanx tưz qênhz yuôx luôs hâux lưv seiz car, tsưx phưv đriv têz ntơưv têx tổ, qơư seiz jor ndâux cêr nhoz têx Zênhx pênhz phax hâur tỉnh Lai Châu. Trung tướng Đỗ Danh Vượng heik mênhx, moz Covid-19 tsênhv huôv xênhz lok six phiv liv hâur têz qơưk thiêz sâuv ntiêx têz. Chiê uô jông cxuô luôs hâux lưv, cấp ủy, chỉ huy têx Zênhx pênhz phax tsuv hlôngr yiêz côngz xưv đảng, côngz xưv chính trị, gra siêz chor canr bôv, đảng viên li txux chi tsưr ziv uô nuv; tror moz siêz txos txoz cxơưx hlôngr yiêz luz nênhx, đas jos trâu têx tuz lênhv, lar heik zos hâur têx hnuz ntux cuz sor ntêr, chiê chor tuz lênhv uô tâu jông têx luôs hâux lưv zok muôz, cê phax tir thêir moz, cê seiz car, tsưx phưv đriv têz, têz qơưk./.

(TTTB-Riê Lâux cxeik, nhênhv)

Jiês thik tưr cơưv tiêr ntơưr cxênhx pêz shông 2021, tỉnh Sơn La muôx 11.310 jax thik tự luận thiêz 32.900 jax thik trắc nghiệm. Njuôk xav txos hnuz 24/7, tỉnh Sơn La zuôr uô tiêr hâux lưv chấm thik.

Chiê paz trâu côngz xưv chấm thik tâu uô truôx jông, Hôiv đôngx thik tưr cơưv tiêr ntơưr tỉnh Sơn La tưz yênhx lix chor ban zos: Thư ký, uô phách, chấm thik trắc nghiệm thiêz chấm thik tự luận. Zơưv Cầm Văn An, Phưv Giám đốc Sở Zoz zux tỉnh Sơn La puz pâuz: hâux lưv chấm thik tsuv tâu uô huv li tsưr ziv thiêz tsơưr lươngv; truôx jông thiêz uô trơưk têx cui tênhv, cxuô qơư uô hâux lưv tsuv sik côngv jông, sir jos uô hâux lưv tiv zix chiê uô tiêr tâu jông têx hâux lưv tưz tâu choz zok./.

(TTTB-Lik Thox cxêik nhênhv)

Nhiv kruôr muôx iz txuz nênhs pôngz đêx hâur thax tsav thị xã Mường Lay, tỉnh Điện Biên, uô 2 lênhx nhuôv nxeik puôr lênhx muôx 8 shông trâul tuôs. Têx li heik co muôx yưv thâuv 5 six ntâu zar zuôr tsâuk ntux hnuz 14/7, ntơưv tus qox Tạo Sen, xã Lay Nưa, thị xã Mường Lay, tỉnh Điện Biên. Thâuv luz six hơưv co, niêv thiêz txir tsi nhoz tsêr, 3 lênhx nuk muôs cưr tix zos Khoàng Bảo H, KHoàng Thị Ngọc B (puôr lênhx muôx 8 shông) thiêz KHoàng Văn D nhoz jok Ho Luông 1, xã Lay Nưa, thị xã Mường Lay tưz siz zâuv muk uô si đrav tus đêx Nậm Lay, (jê tus qox Tạo Sen) nhoz kuôk đêz tsêr muôx 800 ntâu their, đa đêx. Luz six hơưv thâuv chor nhuôs heik sâuv trâul pôngz đêx, mak tsi muôx nênhs lâuk chiê đros paz chơưv zênhx max, thâuv tsôngv px qênhz pov, 2 lênhx nhuôv nxeik tưz trâul tuôs, hok lênhx nhuôv tuz Khoàng Văn D hmôngr jông tưz zênhx max chơưv tâu. Txuz nhuôs trâul pôngz đêx no tror iz jiês thiêz heik trâu chor uô niêv uô txir, tsuv heik, chênhr phax seiz shuôs njôngr têx mê nhuôv cov jông tsi chiê muôx yưv têx li heik sâuv./.

(Vũ Lợi-Riê Lâux cxeik, nhênhv)