Chiv blêx ntux tsâus yiêz 2017-2018, tas nro tỉnh Điện Biên chos tâu muôx 9.300 ntâu hec ta. Nhiv no chor blêx tsênhv nhoz ntu ndâu chês thiêz uô plaz naz, taz sik, iz cxiê zav caz hmoz tsênhv huôv xênhz hênhr zuôr uô hiêv txos blêx ntu cxơưr thiêz siêr. Cxơưx tiv zix zos moz đạo ôn trêr blêx tsênhv uô phiv liv ntâu ntơưv iz cxiê tiv phaz hâur tỉnh, viv li nganhx kôngz nuv tỉnh Điện Biên tsênhv sir jos uô chor tsưr ziv phax tar caz hmoz trâu blêx. Lơưr njuôk xav ntu zuôr txos, caz hmoz zuôr tror huôv xênhz uô hiêv sêi nhoz têx liêx tsik tâu tsov cưv txos phax tar lok sik phax tar tsik tâu muôx chêx cur. Viv li, pêx xênhv, chor trạm por vêv đrox tsuôs tsuv sir jos sêiz shuôk jông chiê muôx tsưr ziv phax tar cov muôx chêx cur đuô./.

(Vũ Lợi-Lik Thox cxêik nhênhv)

Tiv têx chuô txiêk uô hiêv txos, ntâu thax tsav qơư nhoz tỉnh Sơn La muôx ntux lok nas lox đros trâu chuô hloz. Ntơưv xã Tân Lập, huyện Mộc Châu, thâuv 5 six zar tsâuk ntux hnuz 14/4, ntux lok nas đros lơưl ntêr muôx 30 phênhz. Hmôngr jông tsi pov uô li chas trâu lênhx tiz nênhs, taz sik coz nas thiêz lơưs ntơư tưz uô hiêv hnhar txos tsôngv box luz nênhx thiêz cêr uô nox uô hâuk. Tsênhv tsênhz, ntux lok nas thiêz lơưs ndax trâu six hơưv tsôngv box sđ tsênhv taz tov sâu đê têx txir khơưz, lok lơưs lox tưz ntâuk têx txir khơưz jênhs tal; ntâu tsoz txir jênhs tal hur si, tsuôk pov têx blôngx xưz, chênhr viv li ntâu chuôz zis muôx têx zuôr sâu đê tsi tâu têx txir khơưz. Đhâu hlo thâuv ntux lok nas thiêz lơưs tal, hâu nov ntơưv qơư tưz zênhx max muk qênhz yuôx, thôngz sâu têx trâus uô ruôr hiêv; iz chas ntơư chox kriê tsôngv box khưx phưx têx trâus uô hiêv ntơưv qơư./.

(Trấn Long-Riê Lâux cxeik, nhênhv)

Công an huyện Mù Cang Chải, tỉnh Yên Bái nhiv kruôr hu Muôk A Tu, zus shông 1976, nhoz ntơưv jok Ngài Thầu, xã Cao Phạ, huyện Mù Cang Chải, tỉnh Yên Bái tuôx chiê uô tsênhz mênhx kror cxâuv cxoz txưv uô trâus saz thiêz uô tuôs nênhs. Ntơưv cơ quan qênhz yuôx, Muôk A Tu hêik tiv muôx thuz uô ntêx, viv li thâuv 8 six 30 phênhz tsâuk ntux hnuz 9/4/2018, ntơưv tix lâus Muôk A Súa nhoz jok Ngài Thầu, xã Cao Phạ, huyện Mù Cang Chải, Tu thiêz tuk cưr zos Muôk A Khế (zus shông 1984) tưz siz char txos trâu sik ntâuk. Đhâu co Muôk A Khế trâus saz hnhar thiêz trâus tuôs thâuv tsênhv chox muk tsêr kho moz. Nhiv no Công an huyện Mù Cang Chải tsênhv cxov cơư Muôk A Tu chiê tror qênhz yuôx uô tsênhz mênhx./.

(Tuấn Xuân-Lik Thox cxêik nhênhv)

Thâuv 7 six 40 phênhz tas cik hnuz 14/4, ar xưz poz sâuv tsas tsêr siêz lok cxuz, uô 4 lênhx công nhân lox tôngv thâuv tsênhv taz tov cxiv puôz tsas tsêr ntơưv luz tsêr sôr 083, txox cêr Điện Biên, nhoz jok 26, phường Duyên Hải, TP Lào Cai trâus saz thiêz trâus tuôl. Côngz trênhx cxiv puôz tsas tsêr co tâu cxiv puôz trâu zơưv Kim Văn Khai chuôz zis, saz đrâuv zơưv Khai cưx tsêr. Têx công nhân lox tôngv tsênhv taz tov khơưz cưx chiê cxiv puôz tsas tsêr, têx ar, poz jêz tưz xưz poz sâuv tsas ar siêz lok cxuz, uô iz lênhx trâus moz, 3 lênhx trâus tuôl. Đhâu hlo thâuv muôx têx tsi jông li heik sâuv, hâu nov ntơưv qơư đros lưv lươngv muôx vax huôv tưz zênhx max muk qênhz yuôx shuôs, đros chơưv paz têx lênhx công nhân lox tôngv trâus ar thiêz poz jêz cxuz, iz chas co sik pheiz kênh têx cêr pôngz siêz, tsi jông đros chuôz zis muôx lênhx nênhs trâul moz thiêz trâus tuôl./.

(An Kiên-Riê Lâux cxeik, nhênhv)